Олон улсын шилдэг загвар зохион бүтээгчдийн загварыг танилцуулдагаараа алдартай “Mercedes Benz New York fashion week”-т манай улсын дизайнер Катя Зол буюу Г.Золцэцэг амжилттай оролцлоо. Дизайнер Катя Зол үндэсний загварыг илтгэсэн гурван коллекциор тус оролцож байгаа бөгөөд тэрээр коллекциудаа ноос ноолуур, нэхий, эсгий, сарлагийн хөөвөр, арьсан бүтээгдэхүүнээр урлажээ.

МУСТА дуучин Отгойн Баянмөнх “Хамаг Монголын мялаалгын дуу”-гаа клипжүүлэн сонсогч олондоо бэлэг барьлаа. Энэхүү клипийн 4 улирал дамнуулан бүтээсэн гэдгээрээ ихээхэн ач холбогдолтой бөгөөд үүний хэрээр олон хүний хүч хөдөлмөр шингэсэн бүтээл болжээ. Үүнээс гадна тус клипэнд аварга Г.Эрхэмбаяр нарын одоо цагийн хүчтэнүүд тоглосон гэдгээрээ онцлог болсон байна.