-
2016 оны 12 сарын 23
Нийслэлийн Засаг даргын хэрэгжүүлэгч агентлаг Хүүхэд, гэр бүлийн хөгжлийн газраас тухайн ондоо сурлага, урлаг, спортын амжилтаараа бусдыгаа манлайлсан хүүхдүүдийг шалгаруулах ёслолыг жил бүр зохион байгуулдаг уламжлалтай. Энэ жилийн шилдэг хүүхэд шалгаруулах ёслолын ажиллагаа өнөөдөр Улаанбаатар чууулгын их танхимд боллоо.
Нийслэлийн 9 дүүргийн 617 хүүхэд шалгаруулалтад өрсөлдсөнөөс 45 нь шалгарч Нийслэлийн шилдэг хүүхдэд нэр дэвшжээ. Шалгарсан 45 хүүхдээс шилдгийн шилдэг хүүхдийг “Манлайлагч”, “Оюунлаг”, “Бүтээлч”, “Тамирчин”, “Авьяаслаг” гэсэн таван номинациар шалгаруулж тодруулсан байна.
Баянзүрх дүүргийн Амгалан цогцолбор сургуулийн 11г ангийн сурагч Т.Ариунбаяр шилдгийн шилдэг “Манлайлагч”,
Сонгинохайрхан дүүргийн “ИЦ” 2-р бага сургуулийн 5д ангийн сурагч Ц.Тэмүүлэн шилдгийн шилдэг “Оюунлаг”,
Налайх дүүргийн Эрдмийн оргил цогцолбор сургуулийн 12-3 ангийн сурагч Г.Энхсувд шилдгийн шилдэг “Тамирчин”,
Чингэлтэй дүүргийн 5-р сургуулийн 9а ангийн сурагч З.Чингис шилдгийн шилдэг “Бүтээлч”,
Сүхбаатар дүүргийн Хөгжим бүжгийн коллежийн сурагч Э.Эмүжин шилдгийн шилдэг “Авьяаслаг” хүүхдээр тус тус шалгарлаа.
Шилдэг хүүхэд шалгаруулах баярын арга хэмжээнд нийслэлийн Засаг даргын орлогч Д.Энхтөр болон холбогдох албаны хүмүүс оролцож шилдэг хүүхдүүдэд шагналыг гардуулж баяр хүргэлээ гэж нийлэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 12 сарын 23
ОХУ-ын Буриад улсын нийслэл Улаан-Үд хотод ЗХУ-ын Гавьяат дасгалжуулагч, буриадын нэрт бөх, дасгалжуулагч Геннадий Батюрович Баймеевийн дурсгалд зориулсан бүх оросын “Абай Гэсэр-2016” уламжлалт тэмцээн болжээ.
Тэмцээнд Буриад улсын районууд, Эрхүү муж, Байгалийн чанадахь болон Краснодарын хязгаар, Хакассын Бүгд найрамдах улс, Казахстан, Монгол, БНХАУ-ын Өвөрмонголын өөртөө засах орны нийт 160 бөх оролцсоноос “Харгант-Цамхаг” клубын бөх Н.Амарсайхан 74 кг-ын жинд мөнгө, “Харгант-Цамхаг” клубын бөх Б.Анхбаяр 86 кг-ын жинд, “Хүч” спорт хорооны бөх Н.Золбоо 125 кг-ын жинд хүрэл медаль авчээ.
Тус тэмцээнээс Буриад улсын шигшээ багийн бөхчүүдийг сонгон шалгаруулж 2017 оны нэгдүгээр сард Красноярск хотод болох Д.Миндиашвилийн нэрэмжит болон И.Ярыгий нэрэмжит олон улсын тэмцээнд оролцох бөхчүүдийг сонгосон байна.
Тус тэмцээнээс өмнө нь манай бөхчүүдээс А.Болдсүх, А.Төмөрсүх, Т.Мөнхбаяр, Н.Баярмагнай, Г.Ганхуяг нар алтан медаль хүртэж байжээ.
-
2016 оны 12 сарын 23
1.Leonardo DiCaprio
2. Mila Kunis
3. Ashton Kutcher
4.Jennifer Aniston
5. Joshua Jackson
6. Gillian Anderson
7. Christina Ricci
8. Nick Carter
9. Brad Pitt
10. Kirsten Dunst
-
2016 оны 12 сарын 23
Улсын Филармони III дахь жилдээ шинэ жилийн баярыг тохиолдуулан хамгийн олон уран бүтээлчид оролцсон “SNOW MELODY” new year’s concert 2017 хөгжмийн концертыг үзэгч, сонсогчдын хүртээл болгох гэж байна.
Тоглолтонд улсын Филармонийн Симфони найрал хөгжим, удирдаач Д.Нямдаш /СТА/, Б.Батбаатар, “Баянмонгол” жааз найрал хөгжим, удирдаач Б.Ганбат /МУУГЗ/, С.Саруул-Од /СТА/, Морин хуурын чуулга, удирдаач Д.Түвшинсайхан/СТА/, Филармонийн гоцлол дуучин С.Баттулга /СТА/, Н.Наранбаатар /СТА/, Ц.Хулан /СТА/, Т.Амина /СТА/, П.Өнөржаргал /СТА/, Л.Насанбуян /СТА/, Б.Дэлгэрбаяр /СТА/, Б.Мөнхбаатар /СТА/, Б.Номин-Эрдэнэ, Т.Отгонбаяр, Б.Солонго, С.Нямбаяр нар оролцож шинэ жил, шинэ он, өвлийн сэдэвт шилдэг бүтээлүүдээсээ толилуулах юм. Мөн урилгаар Ардын жүжигчин Б.Зангад, МУГЖ, поп хатагтай Б.Сарантуяа нар оролцоно.
Тус тоглолтыг Юнител групп 2 дахь жилдээ дэмжин ажиллаж буй бөгөөд тоглолтыг юнивишний 88-р сувгаар шууд дамжуулахаас гадна юнителийн GG карттай хэрэглэгчид тоглолтын тасалбарыг 100GG оноогоор 5000₮-ний хөнгөлөлттэй үнээр авах боломжтой.
Тоглолтын талаарх дэлгэрэнгүй мэдээллийг 70118012, 70148012, 88037375, 99196623 дугаарын утсаар болон www.mgl-philharmonic.com сайтаас аваарай.
Тасалбарыг Соёлын Төв Өргөө, Филармонийн касс, www.ticket.mn сайтаар худалдаалж байгаа ба UB лавлах 1900-1617 үнэгүй хүргэж байна.
Дашрамд дуулгахад оюутан залуусын хөгжмийн боловсролыг дэмжих хөтөлбөрийн хүрээнд SNOW MELODY тоглолтыг хөнгөлөлттэй үнээр үзэх боломжийг олгож байна.
-
2016 оны 12 сарын 23
Спортын шилдгүүдийг тодруулдаг “Бөртэ Чоно” наадмын энэ жилийн ёслол хүндэтгэлийн арга хэмжээ маргааш буюу энэ сарын 23-нд болно. Энэ онд тив, дэлхийд эх орныхоо нэрийг цуурайтуулсан бахдам амжилттай тамирчид энэхүү наадамд нэр дэвшсэн байна.
Монголын үндэсний олимпийн хорооны тэргүүн дээд шагнал гардуулах энэхүү ёслолын үеэр оны шилдэг тамирчин, дасгалжуулагч, баг, спорт холбоод, олимпийн зөвлөлийг тодруулдаг билээ. Мөн шилдэг тамирчин, дасгалжуулагчдыг Монголын спортын сэтгүүлчдийн холбооны гишүүн сэтгүүлчдийн саналаар тодруулдаг уламжлалтай.
-
2016 оны 12 сарын 22
Цэнхэр дэлхийгээ Байгаль, ан амьтдыг хайрлах учартайг адал явдал дүүрэн үйл явдлуудаар дамжуулан хүргэдэг Ногун цуврал комикийг мэдэхгүй хүүхэд багачууд ховор билээ.
-
2016 оны 12 сарын 22
Хүчтэний өлгий Архангай аймгийн бөхийн дэвжээ үүсэн байгуулагдсаны 20 жилийн ой, Архангай аймгийн улсын цолтой бөхчүүдэд хүндэтгэл үзүүлэх барилдаан энэ сарын 25-ны өдөр МБӨ-нд болох гэж байна.
Луу гүний алдарт Галсанхүүгийн Вандан аварга, Даян аварга Буур хэмээх Нацагийн Жамъян, Цэдэндоржийн Чимэд-Очир, Дархан аварга Гэлэгжамцын Өсөхбаяр, улсын залуу аварга Чимэдрэгзэнгийн Санжаадамба нарын таван аваргаар манлайлуулсан Арын сайхан хангай нутгийн хүчтэнүүд Монгол бөхийн дэвжээнд цаг цагт тэргүүлж, Монгол бөхийн өнгийг тодорхойлсоор ирсэн түүхтэй.
Өдгөөгөөс 20 жилийн тэртээ 1996 онд улсын арслан Д.Мөнх-Эрдэнэ тэргүүтэй Архангай аймгийн бөхчүүдийн санаачлагаар “Бөх-Эрдэнэ” хэмээх дэвжээг анхлан байгуулсан нь Монгол улсын хэмжээнд бөхийн дэвжээ үүсэн бий болох үндэс суурийг тавьсан байдаг юм.
Энэхүү сайхан бөхийн дэвжээний үүсэл суурин дээр 2006 онд Архангай аймгийн хэсэг залуус хамтран Бөхбилэгт дэвжээг байгуулан ажилласан бөгөөд өнөөдөр аварга, арслан, гарьд цолтон магнайлсан олон хүчит бөхчүүдтэй, нэгдсэн зохион байгуулалттай, тогтмол үйл ажиллагаатай, хүмүүсийн сайн мэддэг бөхийн дэвжээ болон өргөжсөн билээ.
Архангай аймаг нь нийт 125 улсын цолтонтой бөгөөд үүнийг тодруулбал 5 аварга, 14 арслан, 1 гарьд, 34 заан, 7 харцага, 64 начин цолтон энэ нутгаас төрөн гарчээ.
Улсын цолтой бөхийн тоогоор удаалдаг Булган аймаг 60 шахам улсын цолтой бөхтэй байгааг харахад Архангай аймаг бол бусад аймгуудаас улсын цолтой бөхийн тоогоороо хол тасархай түрүүлсэн хүчтэний өлгий нутаг гэдгийг гэрчлэх тод баримт юм.
Мөн Архангай аймаг төрийн наадмын 16 түрүү авсан амжилтаар бусад аймгаа тэргүүлж байгаа төдийгүй Ардын хувьсгалын 95 жилийн түүхэнд 5 удаа Архангай аймгийн хоёр бөх түрүү булаалдсан түүхэн амжилтыг бичсэн байдаг. Тэр дундаа нэг сумын хоёр бөх төрийн наадмын түрүү булаалдсан ховор амжилт мөн л энэ нутгийнх.
Одоо Бөхбилэгт дэвжээний тэргүүнээр Монгол улсын сайд Ж.Мөнхбат, тэргүүн дэдээр ХХАЯ-ны сайд асан Ж.Бадамжунай, дэд тэргүүнээр Дархан аварга Г.Өсөхбаяр, гүйцэтгэх захирлаар Н.Алтаншагай, ахлах дасгалжуулагчаар улсын гарьд Д.Рагчаа, дасгалжуулагчаар улсын начин Ч.Ганзориг нар ажиллаж байгаа бөгөөд улс, аймаг, сумын цолтой болон залуу 100 орчим бөх бэлтгэл сургуульд хамрагдаж байна.
Хүчтэний өлгий Архангай аймгийн бөхийн дэвжээ үүсэн байгуулагдсаны 20 жилийн ой, Архангай аймгийн улсын цолтой бөхчүүдэд хүндэтгэл үзүүлэх энэхүү барилдаанд улсын аварга Г.Эрхэмбаяр, Ч.Санжаадамба, С.Мөнхбат, улсын арслан П.Бүрэнтөгс, Н.Батсуурь, Р.Пүрэвдагва тэргүүтэй энэ цагийн шилдэг хүчтэнүүд магнайлан зодоглох энэхүү барилдаан нь бай шагнал өндөр бөгөөд түрүү бөх 5 сая төгрөг гардах бол үзэгчдийн дундаас 3 азтан тодрох юм. 12-р сарын 25-нд 14 цагаас Монгол бөхийн өргөөнөө уулзацгаая.
-
2016 оны 12 сарын 22
Спортын шилдгүүдийг тодруулдаг “Бөртэ Чоно” наадмын энэ жилийн ёслол хүндэтгэлийн арга хэмжээ энэ сарын 23-нд болно.
Энэ онд тив, дэлхийд эх орныхоо нэрийг цуурайтуулсан бахдам амжилттай тамирчид энэхүү наадамд нэр дэвшсэн байна. Монголын үндэсний олимпийн хорооны тэргүүн дээд шагнал гардуулах энэхүү ёслолын үеэр оны шилдэг тамирчин, дасгалжуулагч, баг, спорт холбоод, олимпийн зөвлөлийг тодруулдаг билээ.
Мөн шилдэг тамирчин, дасгалжуулагчдыг Монголын спортын сэтгүүлчдийн холбооны гишүүн сэтгүүлчдийн саналаар тодруулдаг уламжлалтай.
-
2016 оны 12 сарын 21
Улсын Филармониос шинэ жилийн баярыг тохиолдуулан зохион байгуулдаг “Snow Melody” нэгдсэн тоглолтын хэвлэлийн бага хурал өнөөдөр буюу 2016 оны 12-р сарын 21-нд Улсын Филармонийн фойед боллоо. Тоглолтын талаар дэлгэрэнгүй мэдээлэл өгөх зорилгоор улсын Филармонийн маркетингийн албаны дарга Г.Алтан-Од, ерөнхий найруулагч ТС, УГЗ С.Сүхбаатар, гоцлол дуучин Н.Наранбаатар /СТА/, Л.Насанбуян /СТА/ нар хэвлэлийн бага хуралд оролцлоо. Хурлын үеэр тус тоглолтын ерөнхий найруулагч С.Сүхбаатар үзэгчдийн сэтгэлийг хөдөлгөсөн өмнөх жилүүдийнхээс шинэ уран бүтээлүүд, хуучны сэтгэлд хоногшсон мартагдсан шинэ жилийн дуунуудаас үзэгч, сонсогчдодоо толилуулахыг онцоллоо. Шинэ жилийн хамгийн том тоглолтын онцлог нь 200 гаруй уран бүтээлчдийн зүрх сэтгэл, авьяас хөдөлмөр шингэсэн баярын тоглолт гэдгээрээ онцлогтой аж.
-
2016 оны 12 сарын 19
Дэлхийн улс орны ард түмний шашин шүтлэг, яс үндэс, гарал угсаа үл хамаарч улс хоорондын эв нэгдэл тэр дундаа гэр бүл, хүүхэд залуучуудын баярлан өнгөрүүлдэг баярын нэг бол шинэ жилийн баяр юм. Шинэ жилийн баярыг гэр бүл, анд нөхөд, хайртай дотны хүмүүстэйгээ хамт байж зугаатай өнгөрүүлдэг баяруудын нэг билээ.
Энэ шинэ жилийн баяраар улсын Филармони уламжлал болгон хүргэдэг “SNOW MELODY” new year`s concert-2017 тоглолтоо 12-р сарын 23-нд СТӨ-ний тайзнаа ганцхан удаа тоглох гэж байна. Тоглолтонд улсын Филармонийн Симфони найрал хөгжим, Баянмонгол жазз найрал хөгжим, Морин хуурын чуулга, Филармонийн гоцлол дуучид, МУАЖ Б.Зангад, поп хатагтай МУГЖ Б.Сарантуяа зэрэг 200-аад уран бүтээлчдийн бүрэлдхүүнтэй шинэ жилийн хамгийн том тоглолт болох гэж байна.
Тоглолтын тасалбарыг www.ticket.mn, улсын Филармонийн касс болон 1900-1617 үнэгүй хүргэж өгхөөс гадна Юнителийн хэрэглэгчид 100GG-ээр 5.000₮ хөнгөрүүлэн авах боломжтой юм.
Тоглолтын дэлгэрэнгүй мэдээллийг 7011-8012, 7014-8012, 8801-0854, 9919-6623 утсаар лавлана уу.
-
2016 оны 12 сарын 19
Гоо сайхны олимп гэгддэг “Дэлхийн мисс”-ийн 66 дахь удаагийн тэмцээн АНУ-ын Вашингтон хотноо болж өндөрлөлөө. Тус тэмцээнд дэлхийн 118 орны гоо бүсгүй оролцсоноос Пуэрто Рико улсын гоо бүсгүй тэргүүлж ”Дэлхийн мисс”-ийн титмийг зүүлээ.
Харин манай улсын мисс А.Баярцэцэг шилдгийн шилдэг 11-д шалгарч үлдсэн амжилттайгаар тэмцээнээ өндөрлүүллээ. Тэрбээр Miss world аппликейшны санал хураалтад тэргүүлж, ийнхүү шилдэг 11 миссийн нэгээр шалгарсан юм.
-
2016 оны 12 сарын 18
-”Аз жаргалын дуран” кино наадам шилдгүүдээ тодрууллаа-
“Жүр үр ” компаниас санаачлан “Аз жаргалын дуран” богино хэмжээний кино наадмыг амжилттай зохион байгуулж, шилдгүүдээ тодрууллаа. Гранпри шагнал нь гурван сая төгрөгийн урамшуулалтай энэхүү кино наадамд “Аз жаргалаа хуваалцъя” сэдвээр залуу уран бүтээлчид оролцож “Гэгээнтэн” кино театрт шагнал гардуулах ёслол өчигдөр болсон юм. Тус богино хэмжээний кино наадам нь кино урлагт сонирхолтой залууст урам зориг хайрлаад зогсохгүй, тавхан минутад багтаан шинэ үеийн залуусын юу хүсэж мөрөөдөж, бодож явдгийг илэрхийлсэн сайхан мөч байлаа.
Энэ удаагийн “Аз жаргалын дуран” кино наадамд 26 багийн кино бүтээл ирүүлснээс эхний шатанд шалгарсан 17 бүтээлийг “Гэгээнтэн” кино театрт үзүүлж, мэргэжлийн шүүгчдийн шалгаруулж шилдэг бүтээлийг тодруулсан юм.
Шүүгчдийн комисст АЖ, УГЗ найруулагч Г.Жигжидсүрэн, МУСТА Р.Анхням, СГЗ сэтгүүлч Г.Золуаргал, кино зохиолч найруулагч А.Миеэгомбо, Кино зураач, МУКЗ-ийн кино зураачдын УЗ-ийн гишүүн МУСТА Н.Батжаргал нар багтаж шилдэг бүтээлийн эздийг тодрууллаа.
”Аз жаргалын дуран” богино хэмжээний кино наадмын
Гранпри ”Уухай баг” - ”Хоёр бие нэг зүрх” бүтээл
”Шилдэг найруулагч”-ын төрөлд “Сарлуу хар” баг - “31-н” бүтээлээр
”Шилдэг зохиол”-ын төрөлд “YSP” баг - “Би төсөөлөхдөө” бүтээлээр
”Шилдэг зохиол” -ын төрөлд “Зохиомж” баг - “Гэр бүл” бүтээлээр
”Байгууллагын нэрэмжит шагнал”-аар “TOTORO” - “Баг Цагаан зүрх” бүтээл
”Байгууллагын нэрэмжит шагнал” -аар “Image” баг “Бэлэг” бүтээлээр
Тусгай байранд шалгарсан бүтээлүүд
1. “Гэрэл” баг “Гэрэл” бүтээлээрээ
2. “Loyal” баг Болзоо Бүтээлээрээ
3. “Динозаврын өндөг” Түгээгч бүтээлээрээ
4. “Наранмандах” баг Халуун дүүгсэн гэр бүтээлээрээ
5. “TWO” баг Үнэ цэнэ бүтээлээрээ
6. “Prometheus” баг Эмэгтэй бүтээлээрээ
7. “Emotion” баг Аз жаргалыг түгээе бүтээлээрээ
8. “Кино мафи” Би хичээнээ бүтээлээрээ
9. “Бяцхан жирхнүүд” баг Happy smile бүтээлээрээ
10. “413” баг ”Дэргэд бий” бүтээлээрээ тус тус шалгарлаа.
”Аз жаргалын дуран” богино хэмжээний кино наадмын шүүгчдийн сэтгэгдлийг хуваалцлаа.
Р.Анхням: ”Тавхан минутад багтаан санаагаа илэрхийлнэ гэдэг амаргүй”
- Миний хувьд анх удаа кино наадам шүүж байна. ”Жүр үр” компаниас нийгэмд сайн сайхан өнгө бэлэглэсэн кино наадам зохион байгуулсан нь маш сайхан сэтгэгдэл төрүүлж байна. Наадамд киногоо ирүүлсэн залуусын хувьд суралцах зүйл ихтэй сайхан наадам болж өнгөрлөө. Тавхан минутад багтаан тухайн утга санааг илэрхийлнэ гэдэг амаргүй. Харин манай залуу үеийнхэн чадаж байна, хийж бүтээх хүсэл, зориг байгаа нь бүтээлүүдээс харагдаж байлаа. Ялах, ялагдахдаа хамгийн гол нь биш шинээр шинэ зүйлс мэдэж, цаашид өсөж дэвжихэд шинэ алхам болж байгаад наадмын зорилго орших болов уу.
А. Миеэгомбо: ”Алс ирээдүйгээ харж, уран. бүтээлч залуусыг дэмжиж байгаа нь сайн хэрэг”
”Жүр Үр” компаниас жил бүр санаачлан зохион байгуулдаг ”Аз жаргалын дуран” кино наадмын энэ жилийнх ”Гэгээнтэн” кинотеатрт болж байна. Залуус ч тун идэвхитэй оролцдог болсон нь сайн хэрэг. Дараа жилийн наадамд оролцох залуус маань утга санаа, ур чадвар, гүйцэтгэл дээрээ улам илүү цаг гаргаж, бодож төлөвлөж ажиллах хэрэгтэй санагдлаа. Гэхдээ алс ирээдүйгээ харж, уран бүтээлч залуусыг дэмжин ажиллаж байгаа ”Жүр үр” компанийн хамт олон болон уг наадмыг зохион байгуулсан ”Шүүдэр” продакшнд гүнээ талархаж байна.
”Жүр үр” компанийн захирал Б.Мөнх-Эрдэнэ: ”Бид кино урлагт өөдрөг гэгээлэг өнгө аяс нэмэх, шинэ залуу найруулагч, уран бүтээлчдийг дэмжих зорилгоор дахь жилдээ энэ наадмаа зохиолоо. Цаашид ч ”Жүр Үр” компани энэ наадмыг уламжлал болгон зохиох болно.
-
2016 оны 12 сарын 16
Төрийн хошой шагналт, зохиолч Ч.Лодойдамбын ач охин Б.Буяндэлгэрийн зохиол, Б.Тулгаагийн найруулга “Өвлийн тууж” киноны нээлт өчигдөр боллоо.
-
2016 оны 12 сарын 16
Монгол Улсын Филармониос зохион байгуулдаг ”SNOW MELODY” шинэ жилийн баярын концерт энэ жил хоёр дахь удаагаа тоглогдох гэж байна. Тус тоглолтонд нийт 200 гаруй уран бүтээлч оролцдог ба Монголдоо хамгийн том шинэ жилийн баярын тоглолт аж.Тоглолтод Монгол улсын Филармонийн СИМФОНИ НАЙРАЛ ХӨГЖИМ, МОРИН ХУУРЫН ЧУУЛГА, БАЯНМОНГОЛ ЖАЗЗ НАЙРАЛ ХӨГЖИМ, улсын Филармонийн ГОЦЛОЛ ДУУЧИД, ӨВЛИЙН ӨВГӨН ЦАСАН ОХИД, БҮЖИГЧИД оролцож үзэгчдэд бэлэг барих нь ээ.Ингээд бид тоглолтын талаарх зарим зүйлийг Улсын филармонийн маркетингийн менежер Б.Билгүүнээс тодрууллаа.
-Улсын филармони шинэ жилийн баярт зориулж ”SNOW MELODY” тоглолтыг зохион байгуулах гэж байна. Энэ тоглолтын талаар манай уншигчдад мэдээлэл өгөөч?
-Улсын филармонийн нийт уран бүтээлчид буюу гурван оркестер, гоцлол дуучид гээд бүгд шинэ жилийн баярт зориулсан Монголдоо хамгийн том гэж хэлж болохуйц шинэ жилийн концертыг хоёр дахь жилдээ зохион байгуулах гэж байна. Энэ тоглолтыг анх өнгөрсөн жил зохион байгуулж байсан. Тэрнээс өмнө манай оркестерууд маань тус тусдаа шинэ жилийн тоглолт зохион байгуулдаг байсан. Харин өнгөрсөн жилээс энэ гурван оркестероо бүх гоцлол дуучид маань нийлээд нэг том тоглолт хийх ёстой юм байна гэж үзээд “Snow melody” гэх энэ тоглолтыг зохион байгуулсан маань үзэгчдэд нэлээд сайн хүрсэн. Тоглолтыг үзсэн үзэгчид сэтгэгдэл өндөр байгаагаа бидэнд илэрхийлж, талархал дэвшүүлсэн. Одоогоор уран бүтээлчид маань сургуулилтандаа ороод явж байна.
-Тоглолтын тухайд өнгөрсөн жилийнхээс юугаараа ялгаатай вэ?
-Энэ жилийн тухайд гурван оркестр хамтарч оролцохдоо нэгдэж тоглосон номеруудыг түлхүү оруулж өгч байгаа. Гурван оркестр гэдэг маань 150, 160 хөгжимчин нэг дор тоглоно шүү дээ. Энэ бол манайдаа хамгийн олон хөгжимчнийг нэр дор тоглуулж буй гэдгээрээ бас их онцлог. Тухайлбал Баянмонгол жазз хөгжмийн найруулагч Д.Мягмардоржийн найруулгаар “Шинэ жилийн дууны цоморлог”-ийг гурван оркестр маань хамтарч тоглохоор сургуулилт хийж байна. Энэ мэтчилэн массыг хамарсан маш том том бүтээлүүдийг хамтарч тоглохоор бэлдээд байгаа.
-Тоглолтын ерөнхий найруулагчаар хэн ажиллаж байгаа вэ?
-Манай тоглолтын найруулагчаар Улсын Филармонийн ерөнхий найруулагч ТС, МУУГЗ Сэвжидийн Сүхбаатар ажиллаж байна.
-Тоглолтод гаднаас ямар уран бүтээлчид оролцож, үзэгчидтэй мэндчилэх вэ?
-Энэ жилийн тоглолтод урилгаар АЖ Т.Зангад, МУГЖ поп хатагтай Б.Сарантуяа нар урилгаар оролцож, ая дуугаа өргөхөөр болсон.
-Нууц биш бол тоглолтод ямар ямар уран бүтээлүүд тоглогдох вэ?
-Тоглолтод манай филармонийн гоцлол дуучид бүгд ая дуугаа өргөнө. Т.Амина, С.Баттулга, Б.Наранбаатар, Л.Насанбуян, П.Өнөржаргал, Ц.Хулан гээд. Мөн Морин хуурын чуулга гэхэд “Хачтурян-Вальс маскарад”, Түмэнжаргал-Дурлалын вальс зэрэг уран бүтээлүүд тоглоно. Гэх мэтчилэн үзэгчдийг уйдаахааргүй гадна дотны шинэ жилийн холбогдолтой бүтээлүүдийг энэ үдэш тайзнаа эгшиглүүлнэ. Симфони найрал маань шинэ жилийн холбогдолтой дууны цоморлогийг сюит хэлбэрт оруулсан бүтээлүүд тоглохоор бэлдэж байна. “Баянмонгол” жаззынхан маань мөн л шинэ жил, цас, өвлийн холбогдолтой бүтээлүүдийг өөрсдийнхөө жанраар тоглохоор бэлдэж байгаа.
-Тоглолтын тасалбарыг хаагуур худалдаалж байгаа вэ, мөн үнийн хувьд ямар байгаа вэ?
-Тоглолтын тасалбарыг улсын Филармонийн касс болон tiket.mn, болон 1900-1617-р захиалж үнэгүй хүргүүлж авах боломжтой. Билетийн үнийн хувьд партер 30.000₮, бельэтаж 20.000₮ гэж байгаа.
-Оюутнууд хөнгөлөлт эдлэх боломжтой гэсэн үү?
-Тиймээ. Оюутан залуусын хөгжмийн боловсролыг дээшлүүлэх төсөл хөтөлбөрийн хүрээнд оюутнууд маань үнэмлэхтэйгээ ирээд 5000 төгрөгийн хөнгөлөлт эдлэх боломжтой. Мөн Юнителийн хэрэглэгчид маань манай филармонийн кассаас тасалбараа авсан тохиолдолд 100 GG оноогоор 5000 төгрөгийн хөнгөлөлт эдлэх боломжтой байгаа. Энд нэг зүйлийг хэлэхэд хоёр дахь жилдээ манай тоглолтыг дэмжиж Юнител компани хамтран ажиллаж байна. Хэрвээ манай тоглолтыг үзэж амжихгүй байвал тухайн өдөр Юнивишнийн IPTV-гийн 88 дугаар сувар, DDISH-ийн live 900-р сувгаар шууд үзэх боломжтой. Мэдээж хэрэг энэ сувгууд маань төлбөртэй.
-Тоглолт хаана хэзээ болох вэ?
-”SNOW MELODY” тоглолт маань 2016 оны 12 дугаар сарын 23-нд 19:00 цагаас Соёлын төв өргөөнд ганцхан удаа тоглогдоно.
Ярилцсанд баярлалаа
-
2016 оны 12 сарын 16
Сингапур улсад 25 дахь удаагийн Ой тогтоолтын дэлхийн аварга шалгаруулах оюуны спортын тэмцээн өчигдөр эхэлсэн бөгөөл тус тэмцээнд нийт 232 тамирчин оролцож байгаа юм. Манай улсаас энэхүү тэмцээнд Монголын Оюун Ухааны Академийн 23 тамирчин багш, дасгалжуулагчийн хамт оролцож байгаа юм.
Тэгвэл эхний өдөр явагдсан ”Нэр, зүс царай”, ”Хоёртын тоолол” төрлийн дараах байдлаар манай тамирчид нийт авах боломжит 69 медалиас 9 медалийг хүртээд байна. Тухайлбал, ”Хоёртын тоолол” төрөлд ОУ-ын Их Мастер Б.Шижир-Эрдэнэ (16 нас) 4635 цифр тогтоон алдаагүй нэрлэснээр Ерөнхий ангилалд насанд хүрэгчдийг ялан аварга болжээ. Мөн Мөнхшүр, Энхшүр нар дэлхийн шилдгүүдийг ардаа орхин медалийн болзол хангаад байна.
-
2016 оны 12 сарын 15
Дэлхийн гоо бүсгүйг шалгаруулдаг “Miss World” тэмцээн АНУ-ын Вашингтон хотноо өнгөрсөн сарын 29-нд эхэлсэн. Тус тэмцээнд манай улсаас “Торго модель” агентлагийн загвар өмсөгч, мисс А.Баярцэцэг оролцож буй юм.
Дэлхийн миссийн албан ёсны санал хураалт дуусахад зургаан хоног үлдээд байна. Уг санал асуулгад тэргүүлбэл финалын шатны шилдэг 10-т автоматаар шалгарах юм. Иймд санал өгөх зааврыг танилцуулж байна.
Нэгдүгээрт: Хэрэв та Iphone утас ашигладаг бол App Store аппликейшнаас ”Miss World” аппликейшныг татаж суулгана. Уг аппликейшны Contestants гэсээ хэсгээс Монголоо олоод VOTE дарна.
Хоёрдугаарт: Хэрэв та ANDROID утастай бол http://share.mnctv.mn/s/IFl7gqRGFTILrol линкээр уг аппликейшныг татан, дээрх байдлаар санал өгөх юм.
Мөн Дэлхийн миссийн тэмцээний Авьяасын үзүүлбэрийн шилдэг 10-т орсон үзүүлбэрүүд дундаас ялагчийг MobStar аппликейшны санал асуулгаар тодруулах юм. Санал өгөхдөө “Mobstar” аппликейшнээс ”OFFICIAL MISS WORLD” гэж бичин хайлт хийнэ. Үүний дараа Монголынхоо авъяасын үзүүлбэрийг зүүнээс баруун тийш гүйлгэн “YES” хэмээн саналаа өгч, comment бичиж саналаа өгөх юм.
Манай улсын мисс авьяас үзүүлбэрийн санал хураалтаар одоогоор гуравдугаар байранд жагсаад байна. Хамгийн олон санал авсан тохиолдолд Авьяас үзүүлбэрийн ялагч болох төдийгүй тэмцээний шилдэг 20-д автоматаар шалгаран үлдэх юм.
-
2016 оны 12 сарын 15
Бараа бүээгдэхүүний дүр төрх болсон хүмүүс өдгөө ийнхүү өөрчлөгдсөн байна.
1
2
3
4
5
6
7
8
9
10
11
12
13
-
2016 оны 12 сарын 14
Хоёр дахь жилдээ зохион байгуулагдаж байгаа “Mongolian’s Got Talent” буюу “Авъяаслаг Монголчууд 2016” шоу нэвтрүүлэг амжилттай зохион байгуулагдаж энэ жилийн үндэсний ялагчаар Энх-Эрдэнэ тодорч 100 саяын эзэн болсон билээ.
Тэгвэл Энх-Эрдэнээс дутуугүй байсан Б.Шижирбатыг түрүүлж чадаагүйд сэтгэл дундуур хүмүүс цөөнгүй байсан. Тэгвэл ”Гацуурт” компаний захирал Чинбат Шижирбатад Америк улсруу аялаж сүүлийн үеийн дэвшилтэт технологийн үзэсгэлэн үзэх эрхээр шагнажээ.
-
2016 оны 12 сарын 13
БНСУ-ын холимог тулааны “Road FC” холбоонд Монголын тулаанч ”Тэнгэрийн Модун” ТББ-ын тамирчин М.Нандин-Эрдэнэ тоглодог билээ. Тэрээр Солонгос улсад “Холимог тулаан” спортын төрөлд тамирчин бэлдэж, амжилт гаргахаар хичээл зүтгэл гарган яваа тамирчин, дасгалжуулагч М.Нандин-Эрдэнэ Солонгос улсад зохиогдсон ээлжит холимог тулааны тэмцээнд өрсөлдөн дахин ялалт байгууллаа.
Манай тамирчин ээлжит тулаанаа Вон Син Пактай хийлээ.
Түүний өрсөлдөгч мэргэжлийн дэвжээнд 18 тулаан хийж, 11-д нь ялсан хашир тамирчин.
М.Нандин-Эрдэнэ тоглолтын эхнээс илүүрхнээс өрсөлдөгчөө эхний үед хүнд цохилтоор яллаа.
М.Нандин-Эрдэнэ мэргэжлийн дэвжээнд хүч үзэхээсээ сонирхогчийн боксоор хичээллэж байсан. Харин мэргэжлийн дэвжээнд 12 тулаан хийж, 11 ялсан амжилттай.
Тэрбээр олимп, ДАШТ-ий мөнгөн медальт, МУГТ Н.Төгсцогтын анхны багш гавьяат дасгалжуулагч А.Гантулгын удирдлага дор бэлтгэлээ базаадаг байсан төдийгүй Азийн АШТ-ий мөнгөн медальт, ОУХМ цолтой тулаанч юм.
М.Нандин-Эрдэнэ ийнхүү сүүлчийн гурван тулаандаа дараалан яллаа. Энэ тулааны өмнө есдүгээр сард Вон Гин Киг ялсан юм.
-
2016 оны 12 сарын 13
Монголын шилдэг хөлбөмбөгчнийг тодруупах “Алтан бөмбөг” ёслолын ажиллагаа өчигдөр Шангри-ла зочид буудалд боллоо. Хоёр дахь удаагаа зохион байгуулаж буй Монголын шилдэг хөлбөмбөгчин тодруулах шалгаруулалтад 23 тамирчны нэрийг дэвшүүлсэн юм.
Эдгээр тоглогчийг Монголын хөлбөмбөгийн холбооны техникийн хэлтсийнхэн статистик үзүүлэлт, улирлын амжилтаар нь дүгнэж тодруулав.
Ингээд дараах номинациудад шилдгүүдийг шалгарууллаа. Оны шилдэг эрэгтэй, эмэгтэй тоглогч, шилдэг эрэгтэйчүүд, эмэгтэйчүүдийн багийн дасгалжуулагч, шилдэг гоолыг шалгаруулахаас гадна бэлгэдэлийн шигшээ багийг тодрууллаа.
“Хүндэт алтан бөмбөг” шагнал - “Хангарьд” клуб
МХБХ-ны Ерөнхийлөгчийн нэрэмжит шагнал - Дорнод аймгийн хөлбөмбөгийн холбоо
Шилдэг эрэгтэй тоглогч - “Хангарьд” клубын довтлогч О.Мижиддорж
Шилдэг шүүгч - МХБХ-ны нэгдүгээр зэрэглэл болон Олон Улсын Хөлбөмбөгийн Холбооны шүүгч Ч.Жавхлан
Шилдэг эмэгтэй тоглогч - “Эмэгтэйчүүдийн лиг”-ийн аварга “Арвис” багийн ахлагч А.Алтантуяа
“Ганган гоол”-ын шагнал - “Хоромхон” клубын төвийн хамгаалагч Д.Төрбат
Шилдэг эрэгтэй багийн дасгалжуулагч -“Эрчим” клубын болон Монголын шигшээ багийн ахлах дасгалжуугч З.Баттулга
Шилдэг эмэгтэй багийн дасгалжуулагч - “Арвис” клубын эмэгтэйчүүдийн баг болон өсвөрийн багийн дасгалжуулагч Л.Банзрагч
2016 оны бэлгэдлийн 11 тоглогчид:
Хаалгач: Б.Ариунболд
Хамгаалагч: Г.Билгүүн
Хамгаалагч: Б.Гарьдмагнай
Хамгаалагч: Д.Төрбат
Хамгаалагч: О.Оюунбаатар
Хагас хамгаалагч: Ишино Шута /Япон/
Хагас хамгаалагч: М.Мөнх-Эрдэнэ
Хагас хамгаалагч: О.Баяржаргал
Хагас хамгаалагч: Э.Пүрэвдорж
Довтлогч: Н.Наранболд
Довтлогч: О.Мижиддорж нар тус тус сонгогджээ.
