АНУ-ын Вашингтон хотноо лхагва гаригт тус улсын Зэвсэгт Хүчний Төрийн Нарийн Бичгийн Даргын үүрэгт албанд томилогдсон Эрик Фаннингийн тангараг өргөх ёслол болж өнгөрлөө. Эрик Фаннинг нь ижил хүйстнээ сонирхогч гэдгээ олон нийтэд нээлттэй мэдэгдсэн, АНУ-ын Зэвсэгт хүчний удирдах албанд томилогдсон анхны цэргийн зүтгэлтэн болж байна. Түүний тангараг өргөх ёслол Батлан Хамгаалах Яамны байранд явагдсан бөгөөд АНУ-ын Батлан Хамгаалахын Төрийн Нарийн Бичгийн Дарга Эш Картер байлцсан байна. Эрик Фаннинг 2013-2015 оны хооронд АНУ-ын Агаарын хүчний нарийн бичгийн даргын орлогчийн үүргийг гүйцэтгэж байсан бөгөөд дараагаар нь хагас жилийн хугацаанд Агаарын хүчний нарийн бичгийн даргаар томилогдон ажиллаж байсан байна.

Архивын ерөнхий газрын талаар авах зарим арга хэмжээний тухай тогтоол өнгөрөгч долоо хоногт Засгийн газрын хуралдаанаар батлагдсан. Архивын байгууллага маань шинэ байртай болоод зогсохгүй техник технологийн хувьд орчин үеийн архив болох боломж бүрдэж байна.

Ш.Одончимэг: Нийслэлийн Нийтлэг үйлчилгээний газар 20 жилийн ойгоо тохиолдуулан 20 бүтээлч ажлыг хэрэгжүүлнэ

Нийслэлийн Засаг даргын Тамгын газраас Улаанбаатар цэргийн хүрээнд байрлах анги, байгууллагуудын дунд хүрээнд зохион байгуулж байгаа ”Монгол цэргийн жавхаа’’ уралдааны хоёр дах шалгаруулалт Батлан хамгаалахын их сургуулийн талбайд өнөө өглөө эхэллээ.

“Монгол наадам цогцолбор” Орон нутгийн өмчит төсөвт үйлдвэрийн газраас санаачлан Сонгинохайрхан дүүргийн Засаг даргын Тамгын газартай хамтран Монголын үндэсний хэв маяг, үндэсний ёс заншил, үндэсний наадмаа сурталчлах зорилгоор Олон улсын хүүхдийн эрхийг хамгаалах өдөр буюу 06 сарын 01-нд “Монгол хүү” арга хэмжээг Хүй мандлын дэнж дээр зохион байгуулах гэж байна. Тус үйл ажиллагаа нь энэ жил анх удаа болох бөгөөд цаашид жил бүр уламжлал болгон зохион байгуулах юм. Хүүхэд багачууд баярын өдрөө 11 цагаас 19 цаг хүртэл эрүүл агаарт, зориулалтын талбайд тэмдэглэн уралдаан тэмцээнд оролцож, “Авьяас” хүүхдийн ордны 250 хүүхдийн урлагийн тоглолтыг үзэж нэг өдрийг хөгжилтэй өнгөрөөх боломжтой.

Нийтийн тээврийн парк шинэчлэлийн хүрээнд хийгдсэн смарт картыг үнэгүй олгож байна.

Олон Улсын номын баяр маргааш Чингисийн талбайд болно

Ахлах албан тушаалтнуудын уулзалтад 170 гаруй төлөөлөгч оролцлоо

Сүхбаатар аймгийн Онгон сумын Хилийн цэргийн 0184 дүгээр ангийн гэрээт цэргийн алба хаагч амиа егүүтгэсэн хэрэг өчигдөр гарчээ.

Гэр бүлийн хүчирхийлэлтэй тэмцэх тухай хууль батлагдсантай холбогдуулан УИХ-ын гишүүн, Хууль зүйн байнгын хорооны дарга Д.Ганбат, УИХ-ын гишүүн Л.Эрдэнэчимэг, Р.Бурмаа, Д.Сарангэрэл, Ц.Оюунгэрэл, Г.Уянга, Хүчирхийллийн эсрэг үндэсний төвийн захирал Д.Энхжаргал нар өнөөдөр /2016.05.20/ сэтгүүлчдэд мэдээлэл хийлээ.

Монгол Улсын “Автотээврийн өөрөө явагч хэрэгслийн албан татварын тухай хууль, Агаарын бохирдлын төлбөрийн тухай хууль”-ийн дагуу автотээврийн болон өөрөө явагч хэрэгслийг эзэмшиж байгаа хувь хүн, хуулийн этгээд албан татвар төлдөг.

УИХ-ын Хаврын ээлжит чуулганыг энэ сарын 31-нийг дуустал буюу ирэх сарын 1 хүртэл хуралдуулаад, завсарлуулахаар төлөвлөжээ.

Хуулийн дагуу УИХ-ын Хаврын ээлжит чуулган 4 дүгээр сарын 1-нээс 7 дугаар сарын 1 хүртэл хуралддаг. Харин энэ оны хувьд УИХ-ын ээлжит сонгууль тохиож буй учир хугацаанаас нь өмнө завсарлуулах болсон. Тэгвэл УИХ-ын даргын зөвлөлийн хурлаар Хаврын ээлжит чуулганыг энэ сарын 31 хүртэл хуралдуулж, шаардлагатай хууль, тогтоолуудыг хэлэлцэн шийдвэрлэхээр төлөвлөжээ. Ингээд ирэх зургадугаар сарын 1-нээс чуулганыг завсарлуулах юм байна.

Үүгээр 2012-2016 оны УИХ-ын бүрэн эрхийн хугацаан дахь чуулганы хуралдаанууд дуусгавар болох юм.

Том оврын автобусны жолооч осол гаргаж, хүний амь нас эрсэдсэн харамсалтай осол өчигдөр гарчээ

УИХ-ын чуулганы нэгдсэн хуралдаанаар Эрүүл мэнд, спортын сайдаар тус яамны Төрийн нарийн бичгийн дарга С.Ламбааг томилуулах тухай Засгийн газрын саналыг хэлэлцэх үед УИХ дахь Ардчилсан намын бүлгийн дарга Б.Гарамгайбаатар “МАН-ын бүлгийн гишүүд асуудлыг улс төржүүлж байгаа учраас дөрвөн цагийн завсарлагыг Ардчилсан намын бүлэг хүсэж байна” гэв. Энэ саналыг УИХ-ын дарга хүлээн авч байгаагаа мэдэгдэж, 16.00 цаг хүртэл Ардчилсан намын бүлэг завсарлага өглөө.

Энэ сарын 18-ны өдөр мобикомын зарим хэрэглэгчдийн утсанд ”12345” гэх дугаараас улс төрийн агуулга бүхий дуут мессэж илгээжээ.

Лхагва гаригт Эквадор улсад хэдхэн цагийн зайтай хоёр хүчтэй газар хөдлөлт мэдрэгдсэн байна. Орон нутгийн цагаар лхагва гаригийн өглөө 6.7 магнитудын хүчтэй газар хөдлөлт мэдрэгдсэн бол үүнээс хэдхэн цагийн дараагаар 6.8 магнитудын хүчтэй дахин нэг газар хөдлөлт болсон байна. Газар хөдлөлтийн дараах хор хохирлын хэмжээг гүйцэд тодорхойлоогүй байгаа ч тус улсын далайн эргийн дагуух зарим хэсгээр цахилгаангүй болсон бөгөөд урьдчилан сэргийлэх үүднээс улсын хэмжээнд нийт сургуулиудыг хэсэг хугацаанд хаах шийдвэрийг гаргасан тадаар Эквадорын Ерөнхийлөгч Рафаэль Корреа твиттер хуудсаараа дамжуулан мэдээлсэн байна. АНУ-ын Геологийн судалгааны төвөөс хоёр дахь удаагийн газар хөдлөлт орон нутгийн цагаар лхагва гаригийн 11 цаг 46 минутанд явагдсан ба уг газар хөдлөлтийн төв цэг нь тус улсын баруун хойд хэсгийн Роса Зарате хотоос 24 км-т орших далайн эргийн ойролцоох газарт байсан талаар мэдэгдсэн байна.

УИХ-ын чуулганы нэгдсэн хуралдаанаар ЭМС-ын яамны Төрийн нарийн бичгийн дарга С.Ламбааг сайдад томилох эсэх асуудлыг хэлэлцэж эхэллээ.


Түүнийг сайдаар томилуулах тогтоолын төслийг ЗГХЭГ-ын дарга С.Баярцогт танилцууллаа. Үүнээс өмнө УИХ-аар ЭМС-ын сайд Г.Шийлэгдамбыг чөлөөлөх асуудлыг хэлэлцэх гэж байна.

Төв аймгийн Алтанбулаг сумын Булгийн тохой гэх газраас өнгөрсөн дөрөвдүгээр сарын 28-ний өдөр үл таних хүний шатсан цогцос олдсон. Тэгвэл өнөөдөр энэ хэргийн талаар ЦЕГ-аас мэдээлэл хийлээ.

УИХ-ын чуулганы нэгдсэн хуралдааныг өнөөдөр Нийгмийн бодлого, боловсрол, соёл, шинжлэх ухааны байнгын хорооны хуралдаан өндөрлөсний дараа эхлүүлэхээр төлөвлөсөн ч боловч товлосон цагаасаа хожимдож эхэлээ. Энэ нь гишүүдийн ирц бүрдэхгүйгээс болсон байна. .

Хуульд зааснаар чуулганы нэгдсэн хуралдаанд 39 гишүүн ирж байж ирц бүрдэх ёстой. Хуралдаанаас ЭМС-ын яамны Төрийн нарийн бичгийн дарга С.Ламбааг сайд болгох асуудлыг хэлэлцэх юм.

Нийслэлийн удирдлагын зөвлөлийн ээлжит хуралдаан боллоо.