-
2015 оны 12 сарын 02
Монгол Улсын Ерөнхий сайд Цензургүй яриа нэвтрүүлэгт оролцож цаг үеийн асуудлаар цензургүй ярьсан. Түүний хэлсэн онцлох 24 баримтыг хүргэж байна.
-
2015 оны 12 сарын 01
Монголд ДОХ буюу ХДХВ-ын халдвар авсан анхны тохиолдол бүртгэгдээд даруй 20 жил болжээ. Энэ хугацаанд ДОХ-ын халдвар тээгчид 115 болж, сүүлийн хэдэн жил халдвар авсан хүмүүсийн тоо сард 4-5-аар нэмэгдэх боллоо.
3986450254_cd216c890b1. Монгол улсад ДОХ буюу ХДХВ-ын халдвар авсан 114, 115 дахь тохиолдол өнгөрсөн долоо хоногт зэрэг бүртгэгдлээ. Халдвар илэрсэн хүмүүс нь 45-49, 30-34 настай эрэгтэйчүүд юм.
2. Хамгийн анх 1992 онд Камеруны хоёр иргэн монгол бие үнэлэгч бүсгүйчүүдэд ДОХ/ХДХВ халдааснаар энэ өвчний гинжин урвал эхэлсэн юм.
3. ДОХ-ын халдварын 115 тохиолдолын 80 хувь нь эрэгтэй, 20 хувийг эмэгтэйчүүд эзэлдэг байна.
4. Тэгвэл ийм өвчин туссан эрчүүдийн 87 хувь нь ижил хүйстнээ сонирхогч байдаг.
5. Харин эмэгтэйчүүдийнх нь 50 гаруй хувь нь биеэ үнэлэгч бөгөөд архичин, гэр оронгүй, оршин суух тодорхой хаяггүй, хөгжлийн бэрхшээлтэй, амьдралын баталгаажих түвшингээс доогуур орлоготой, нэн ядуу нийгмийн эмзэг бүлгийн хүмүүс зонхилж байна.
6. Одоогоор ДОХ гэдэг “тахал” өвчнөөр 16 монгол хүн хорвоогийн мөнх бусыг үзүүлжээ.
7. Монголд ойролцоогоор дээрх тохиолдлуудын цаана 820-1200 орчим хүн ХДХВ-ийн халдвар тээж байгаа гэх судалгаа бий. Харин ДЭМБ-ын аргачлалаар илрээгүй 7000 гаруй ДОХ-ын халдварт тээгч бий гэж үзжээ.
8. Харин эмнэлгийн хяналтад байгаа ч ДОХ-ын шинж тэмдэг нь илрээгүй халдвартай 35 хүн байна.
9. Өвчин нь үе шатандаа орсон 65 хүн, ретро вирусын эмчилгээнд хамрагдаж буй 51 хүн байгаа гэж ХДХВ/ДОХ-оос сэргийлэх үйл ажиллагааг зохицуулах үндэсний хорооноос мэдээлжээ.
3986450254_cd216c890b10. Ийм өвчний халдвар авсан гэдэг нь Монголд илэрч оношлогдсон 15 гадаадын иргэн бүртгэгдсэн.
11. Эдгээр 115 хүн бүгд бэлгийн замаар ДОХ/ХДХВ-ын халдвар авчээ.
12. Халдвар авсан хүмүүсээс 7 эмэгтэй нь 8 удаа төрсөн бөгөөд тэд эрүүл саруул үр хүүхэдтэй болжээ. Эмэгтэйчүүдийг тусгай хяналтад оруулан эмчилгээ хийдэг.
13. Манай улсад ХДХВ-ийн халдвартай амьдарч байгаа иргэдийн эмчилгээг Глобал сангийн төслийн санхүүжилтээр ХӨСҮТ хариуцаж ажилладаг.
14. ДОХ/ХДХВ-ын эм, тариаг дангаараа гаднаас захиалан авах боломжгүй учир хөрш зэргэлдээ Казахстан улсын тоонд нийлүүлж захиалдаг гэнэ.
15. Нэг хүний эмчилгээнд жилд 3-5 сая төгрөг зарцуулдаг.
16. Энэ өвчнөөр өвчилсөн монголчуудын 81 хувь нь дээд, тусгай болон бүрэн дунд боловсролтой, 73.4 хувь нь ажилгүй.
17. Мөн 84 хувь нь гэр бүлгүй, гуравны нэг нь гадаадад явж байхдаа халдвар авсан нь тогтоогджээ.
18. Монголчуудын хамгийн их зорчдог ОХУ, Хятад, Тайланд, Тайвань зэрэг улсад халдвар эрчимтэй тархаж байна. Манай улстай хил залгаа Эрхүү мужид л гэхэд энэ оны хагас жилийн байдлаар 3000 тохиолдол шинээр бүртгэгджээ. Бүс нутгаар нь авч үзвэл манай улсын баруун хязгаартай хиллэдэг Шинжаан Уйгарын өөртөө засах оронд халдварын тархалт хамгийн өндөр аж.
3986450254_cd216c890b19. Өнгөрсөн долдугаар сард Хятад улсад хар тамхи тээвэрлэсэн хэргээр хоригдож байгаа О гэх эмэгтэй ДОХ-ын халдвартай гэх мэдээлэл гарч байв.
20. Мөн 2001 онд Шведэд “хараар” амьдардаг монгол эмэгтэйг найман хүнд халдвар тараасан хэмээн буруутгаж шоронд хорьж буй мэдээлэл цацагдаж байсан. Түүнийг хар тамхии хэрэглэдэг швед нөхрөөсөө халдвар авсан гэжээ.
21. 2005 оноос хойш сайн дурын зөвлөгөө шинжилгээний гурван мастер сургагч багш, 140 орчим зөвлөгч бэлтгэжээ.
22. Одоогоор сайн дурын зөвлөгөө, шинжилгээний 30 гаруй төв БЗХӨ, ХДХВ-ийн халдвар илрүүлэх шинжилгээ хийж байна.
23. 2010 онд Цусны төвд цусаа өгсөн иргэн ДОХ-ын халдвартай гэх мэдээлэл тарснаас болж цусны доноруудын тоо эрс багасч, манай улс цусны донорын дутагдалд орж байв.
24. Монголчуудын ойлголт, мэдээлэл дутуугаас болж ДОХ-ын халдвартай хүнийг ялгаварлан гадуурхах нь их байдаг. Халдвар авсан хүмүүсийн зарим нь гэрээсээ хөөгдөж, ихэнхи нь гэр бүлээсээ салжээ.
-
2015 оны 11 сарын 30
“Нүүрс” хөтөлбөр хэрхэн хэрэгжсэн, хэрхэн үр дүнтэй ажил байсан, энэ хэргийг шүүсэн шүүх, шүүхийн байгууллагын шинэчлэлийн асуудлаар Л.Гансүхийн өмгөөлөгч Ц.Цэрэнжээгийн хэлсэн онцлох 24 ишлэлийг хүргэж байна.
-
2015 оны 11 сарын 28
Ерөнхий сайд Ч.Сайханбилэг өнгөрсөн нэг жилийн хугацаанд хийсэн ажил болон цаашид хийх гэж буй ажлуудынхаа талаар олон нийтэд танилцуулсан билээ. Түүний энэ үеэр хэлсэн онцлох 24 ишлэлийг хүргэж байна.
-
2015 оны 11 сарын 27
24 баримт: Сайдгүй яамны “толгой том” эмнэлгүүдийн фактууд
ЭМС-ын яамны сайд асан Г.Шийлэгдамбыг авлигын хэргээр саатуулаад багагүй хугацаа өнгөрлөө. Албан өрөөндөө авлига авч байгаад газар дээрээ баригдсан гэх Г.Шийлэгдамбын хамт яамных нь зарим албан тушаалтныг шалгаж байгаа мэдээлэл ч бий. Тэгвэл сайд нь авлигын хэргээр баригдаж шуугиан тариад байгаа уг салбарынхны нэр хүнд бас л хэцүүхэн зүйлтэй холбогдов. Тодруулбал, эх, хүүхэд хоёрын аминд хүрсэн гэх “аймшигт” нэрийг Улсын тэргүүний гэгдэг Нэгдүгээр төрөх эмнэлэг авав. Угаас байнга хэл ам дагуулж, хаа хаанаасаа шүүмжлүүлж байдаг эрүүл мэндийн салбарын “но”-той, ноцтой асуудлуудаар энэ удаагийн 24 баримт үргэлжилж байна.
1. Эрүүл мэндийн яам гэж дарга нар нь тендерийн мөнгө идэж уусан, шамшигдуулсан гэх хэл амнаас салдаггүй газар болжээ. Гэтэл өдгөө бүр хээль хахууль авсан хэргээр ээлжид сайд нь шалгагдаж сууна.
2. Ер нь энэ яамны үе үеийн сайд нар “но”-той байдаг нь Эрүүл мэндийн яаманд гаднаас тусламж, хандив их ирдэг, төсвийн мөнгө ч сайн хуваарилдагтай холбоотой бололтой.
3. Эрх мэдэл дээр очсон хүний зан хувирдаг гэдэг шиг хараа хяналт султай гэх энэ газарт очсон дарга нар мөнгө идсэн хэрэгт орооцолдоод байгаад гайхах зүйлгүй мэт. Тухайлбал, Н.Хүрэлбаатар, Н.Түмэндэмбэрэл гээд тоочих албан тушаалтнууд цөөнгүй.
4. Тус яамны төрийн нарийн бичгийн дарга асан Н.Түмэндэмбэрэл, сайд асан Н.Хүрэлбаатар, Л.Гүндалай, П.Нямдаваа гээд С.Ламбаагаас бусад нь мөнгө идсэн хэрэгт орооцолдлоо. С.Ламбаа хүртэл тэдний “буян”-аар цагдаагийн газарт мэдүүлэг өгч байсан удаатай гэлцдэг.
5. Залуусыг “хамгаалалт” хэрэглэхийг уриалсан анхны сайд Л.Гүндалай суудлаасаа буухдаа бас л улсын хөрөнгө шамшигдуулсан хэрэгт холбогдсон. Түүнийг Эрүүл мэндийн яамнаас зарласан MRI аппарат нийлүүлэх тендерт “Булгат-Овоо” компанийг шалгаруулж улсад 620 сая төгрөгийн хохирол учруулсан хэрэгт сэжиглэж байв. Гэвч эцэст нь хэрэгсэхгүй болгосон.
6. Түүний өмнө сайд байсан П.Нямдаваа Siemens компанийн аппарат тоног төхөөрөмжийг нэг саяар нэмэгдvvлэн 2.5 сая ам.доллар болгон орж ирэхэд нь хvлээж авснаар нэг сая төгрөгийн ”гол гаргасан” гэх мэдээлэл байдаг ч хуулийнхан батлаагүй юм.
7. Төрийн нарийн бичгийн дарга асан Н.Түмэндэмбэрэл ийг ЭМЯ-аас зарласан эмнэлгийн тоног төхөөрөмж нийлүүлэх тендерт өөрийн “Лабтех” компанийг хууль бусаар шалгаруулж, хуурамч бичиг баримт үйлдэж, хуучин тоног төхөөрөмж нийлүүлэн улсын төсвөөс хөрөнгөөс онц их хэмжээгээр завшсан хэмээн буруутгаж 2.6 жилийн хорих ял оноосон.
8. Хамтарсан Засгийн газар тарсан “үүлэн чөлөө”-гөөр Эрүүл мэндийн сайд болсон Н.Хүрэлбаатар нууц хүү Н.Энхбатынхаа гэрт сейфтэй мөнгө хадгалуулсан нь тогтоогдож бөөн шуугиан дэгдээж байсан. Энэ мөнгөний эзэн ЭМ-ийн сайд асан Н.Хүрэлбаатар их хэмжээний мөнгийг ямар замаар олсоныг тогтоохоор хуулийнхан түүнийг шалгаж байсан ч хэрэг хэрхэн шийдэгдсэн нь ил гараагүй юм.
9. Мөн төрийн нарийн бичгийн дарга асан А.Эрдэнэтуяа Сонгинохайрхан дvvргийн Эрvvл мэндийн нэгдлийн дарга байхдаа “Эрүүл хүүхдийн аяны санхүүжилт”-ийн мөнгийг дур мэдэн өөр зүйлд ашигласан, мөн “Эрүүл мэндийг дэмжих сан”-гийн хөрөнгөөс 160 гаруй сая төгрөгийг авч юунд зарцуулсан нь тодорхойгүй зэрэг үндэслэлээр хууль хяналтын байгууллагуудын шалгалтад өртсөн юм.
10. Энэ мэт үе үеийн сайд нар нь ямарваа нэг асуудлаар шалгагдаж байсан эрүүл мэндийн салбар өнөөдрийн байдлаар эцэггүй хүүхэд шиг “толгой том” болсон явж байгаа гэж хэлж болно.
11. Учир нь одоогийн сайд Г.Шийлэгдамба нь бас л шалгагдаж байгаа.
12. Хамгийн сүүлд л гэхэд эх, хүүхдийн төлөө ажиллах ёстой төрөх эмнэлэг нь эх, хүүхдийн аминд хүрсэн нэр авч, олныг цочирдуулаад байна. Хэрэгт ажлын хэсэг гарч, мөрдөн байцаалтын ажиллагааг явуулж байна.
13. Харин амаржихаар очоод амиа алдсан талийгаач бүсгүйн шинжилгээний хариу гараагүй байгаа ч гэр бүлийнхнийх нь зүгээс уг төрөх эмнэлэгт маш их гомдолтой байгаагаа онцлоод буй.
14. Өнгөрсөн удаад өвчтөнийхөө гэдсэнд метр гаруй самбай мартчихаад “чаддаг юм бол телевизүүдээ дууд” гээд сууж байсан Гуравдугаар төрөх эмнэлгийн асуудал шуугиан дэгдээж байсан.
15. Цаашлаад улсын тодотголтой эмнэлгүүдээс гадна эмийн сангуудын зөрчил барагдахгүй байгаа юм.
16. Моносын эмийн санчийн хариуцлагагүй үйлдлээс болж 16 нярай сэтгэцэд нөлөөлөх хүчтэй эмэнд хордож, ЭХЭМҮТ-д хэвтэн эмчлүүлж байгаа. Тэгвэл өдгөө тэдний нэг нярайгийн биеийн байдал маш хүнд, сэхээнд байна.
17. Энэ хэрэгт “Монос эх нялхас” эмийн сангийн жор баригч Б.Эрдэнэчимэг, “Монос-Улаанбаатар” компани лавлахын эмч Д.Жавхлантөгс нарыг буруутган Эрүүгийн хуулийн тусгай ангийн 106 дугаар зүйлийн 106.2 дахь хэсэгтзааснаар ял төлөвлөн анхан шатны шүүхэд шилжүүлсэн. Улмаар анхан шатны шүүхээс 2 жилийн ял оноогоод байсан бөгөөд давж заалдах шатны шүүхээс хэргийг анхан шатны шүүхэд шилжүүлэн яллагдагчаар “Монос”-ыг татах ёстой гэж үзсэн ч анхан шатны шүүхээс хэргийг мөрдөн байцаалтад буцаагаад байна.
18. Клиникийн нэгдүгээр амаржих газарт 2010 онд хүйн халдвар гарч байсан. Олон хүүхэд халдвар авч бөөн сандрал, бөөн айдас дагуулж байсныг та бүхэн санаж байгаа биз ээ.
19. Мөн харьяаллын бус нэрийдлээр хэдэн эмнэлэг дамжиж хөлсний машинд амь тавьсан гэх гомдол ч саяхны жишээ.
20. Улмаар хийсвэрээр төрөөд улмаар таван удаа хагалгаа хийлгээд өвчнөө дийлэлгүй амиа алдсан 21 настай охины хэрэгт Гуравдугаар төрөх шалгагдаж байсан. Гэвч хэн нэгэн алба хаагч хариуцлага хүлээсэн нь ч тодорхойгүй өдийг хүрлээ.
21. 2013 онд дөрвөн сартай вакцинаа хийлгэхээр очсон ихрүүдэд вакциных нь оронд буруу тариа хийснээс болж, хорвоод хосоороо ирсэн бяцхан үрс эндэж байсан.
22. Согтуу эмч дөнгөж төрсөн нярайг халуун усаар шалзалсан хэрэг ч гарч байлаа.
23. Өнгөрсөн гуравдугаар сарын сүүлээр бүсэлхийнээс нь доош гэнэт мэдээгүй болсон С.Даваасүрэн гэх 61 настай эмэгтэй “Сэтгэшгүй” эмнэлэгт хэвтсэн байдаг. Улмаар 10 гаруй хоног эмчлүүлсэн ч сэхэл авалгүй нас барсан юм. Гэвч эмнэлгийн ажилтнуудын зүгээс нас барсан ээжид нь дусал залгасан талаар тухайн үед хүүхдүүд нь ярьж байсан билээ.
24. Эрүүл мэндийн салбартай холбоотой шил шилээ даран гарч буй хариуцлагагүй хэргийн тоо ийн өдөр өдрөөр нэмэгдсээр байна. Далд хэлбэрт байдаг уг асуудлуудыг иргэд ил гаргасаар байгаа юм.
-
2015 оны 11 сарын 23
Төрийн ордон руу гал нээсэн хэргээр шүүхээс 7 жилийн ял авсан “Гал үндэстэн” холбооны тэргүүн Ц.Мөнхбаяр Өршөөлийн хуулиар суллагдаад байна. Тэрбээр шоронгоос гараад цаашид хийх ажил болон нарсанд ямар байсан талаар ингэж ярьжээ.
-
2015 оны 11 сарын 20
..Хамтын тэтгэврийн тухай хуулийн төслийн гол санаа нь олон жил хамт амьдарсан гэр бүлийн нэг нь нас барсан тохиолдолд гэр бүлийн үлдсэн гишүүнд нь тэтгэврийнх нь тодорхой хувь хэмжээг олгоход чиглэж байгаа юм.
-
2015 оны 11 сарын 19
24 баримт: Гэрчүүдийн баталж буй алуурчин 17 жилийн дараа баригдах уу?
Сүүлийн үед С.Зориг агсны хэрэг нийгэмд ил гарч олны анхаарлыг татаж эхэллээ. Нэг хэсэг өөр хоорондоо ярьж, битүүхэн санаа алдахаас өөр зүйлгүй байсан нийгэм тэр чигтээ энэ хэрэгт анхаарлаа хандуулж байна.
Хамгийн гол нь С.Зориг агсны эхнэр Д.Булган худал мэдүүлэг өгч байсан нь илэрч баригдсан гэдэг мэдээлэл цацагдсан нь 1998 оны аймшигт өдрийг яахын аргагүй эргэн дурсахад хүргээд байгаа юм.
Тэгвэл бид энэ удаад 24 баримтаараа С.Зориг агсны хэргийн гэрчүүд юу гэж мэдүүлж байсныг хүргэж байна.
1. Уг хэрэгт хэд хэдэн гэрч байсан төдийгүй амьд гэрчтэй ч одоо болтол хэргийн эзнийг илрүүлээгүй. Гэхдээ амьд гэрч гэгдэх Д.Булган өнөөдөр цагдан хоригдож байна.
2. Гэрчүүд нэг залууг харсанаа ярьж, их л учир битүүлэг байсныг мэдүүлж, ам зурагтай таарч байгааг ч тухайн үед хэлж байсан.
3. Эхний гэрч, 1998.09.29-ний өглөө нэг залуу манай гуравдугаар давхарт хана налчихсан, давхар хоорондын цонхоор гадагшаа хараад зогсож байсан. Тэр vед би нэг их анзаараагvй өнгөрсөн юм. Өдөр 13 цагийн vед ач хvvгээ сургууль руу нь гаргаж өгөхөд бас л орцны цонхоор ширтээд зогсож байлаа. Одоо бодоход талийгаачийн байрны чигт, чухамдаа тэдний цонх руу ч юм уу, байрны гаднах мод руу цонхоор хараад байсан санагддаг юм. Үүнээс хойш хэд, хэдэн удаа тэр залууг харсан ч хэргийн дараа огт хараагүй.
4. Гэхдээ талийгаачийн хэрэг явдлаас хойш манай хаалгыг шөнө 12 цагийн vед цохих юм уу, хvн асуух явдал гараад л байдаг байлаа. Өмнө нь тэгдэггvй байсан.
5. Тэр их намуухан яриатай, гунигтай ч юм шиг, уйтгартай ч юм шиг тиймэрхvv нvдтэй залуу байсан. Vсээ зvvн гар тийшээ налуулсан, царай, нvдний хэлбэр нь анхны ам зурагтай тун төстэй, давхраагvй нvдтэй, 34-35 орчим насны, 169-172 орчим см өндөртэй, яльгvй махлагдуухан, задгай энгэртэй ноо¬лууран цамцтай, чернилэн ягаан брюктэй, ботинктай, догшин, хо¬гийн биш жирийн л нэг байдаг л хvн.
6. “С.Зоригийг хөнөөсөн хүмүүсийн хамсаатан байж болзошгvй” гэж эхний гэрч мэдүүлж байсан.
7. Дараагийн гэрч, тэр хvн миний мэдэхээр, манай энэ хавиар даваа, лхагва, пvрэв гарагт өдөржингөө эргэлдсэн. Тvvнийг тэгж удаан зогсоод байхаар нь би, «Чи хэнийхийг хvлээгээд байгаа юм бэ, би орцныхоо бvх айлыг мэднэ, онц хэрэггvй бол эндээс гар» гэж хэд хэдэн удаа загнахад, «Би хvн хvлээж байна, хэнийхийг мэдэхээ байчихаад байна, хvн хvлээж байгаа юм аа» гэж хэлсэн.
8. Лхагва гарагт би нэлээн загнаж хөөсөн. Дөрөв дэх өдөр намайг хэд хэдэн удаа дөхөхөд шууд л зөрөөд гараад явчихаж байсан.
9. Олон өдөр дараалан зогссон. Мөн манай орцны хоёр давхарт гараад хойшоогоо нэгдvгээр сургуулийн тийшээ зам руу, эсвэл орцны vvдэнд гадагшаа хараад, гараа хармаандаа хийгээд зогсдог байсан.
10. Надад тэр залуу Зоригийг алсан болов уу гэсэн сэжиг төрөөд байсан. Учир нь, хэрэг гардгийн орой зурагтаар сэжигтний ам зураг гармагц шууд л нөгөө хvн мөн байна гэж толгойд буусан, тэр тухайгаа гэрийнхэндээ би ярьж байсан.
11. Дунд зэргийн нуруутай, махлаг биш, бас тийм ч туранхай биш, анхны ам зурагтай их төстэй, бор ноосон цамцтай, чернилэн өнгөтэй брюктэй, буржгардуу, тачирхан vстэй, зvvн гар тийшээ vсээ налуулсан, нас нь лав гуч гарсан, тийм ч унжгар бус биетэй, зөрөөд өнгөрөхөд анхаарал татахааргvй, бөглvvдvv дуутай, жирийн л байдаг царайтай, хvйтэн, зэвvvн харагдахааргvй, хvн рvv эгцэлж хардаггvй тийм хvн байсан. Тэр хvний дуу хоолой нь миний чихэнд одоо ч байна. Би харвал шууд танина. Харин би тvvнтэй ярьсан хирнээ тэр хvний нvд миний санаанд буухгvй байна, тэр ерөөсөө миний нvд рvv харж яриагvй юм байна.
12. Би тэр залуутай урьд нь ч тааралдаж байгаагvй, тэр хэрэг явдлын дараа ч дахин тааралдаагvй.
13. Зоригийн оршуулгаас хэд хоногийн дараа, 49 хоногоос нь өмнө Д. Булганы гадаад паспортыг цагдаа хураагаад авчихсан, боломжтой бол гадагшаа явчихмаар л байна, хvний паспортоор ч хамаагvй явчихмаар байна гэсэн байсан. Бvр юм хумаа боогоод, бэлдээд тавьчихсан байсан гэдэг.
14. Би тэр хvнийг Зориг агсныг алсан этгээд мөн гэж баттай хэлж чадна.
15. Гэрч 3 буюу аптекийн худалдагч, тагтан дээр эрэгтэй хvн цаашаа хараад өдөржин зогсохоор нь гайхаад дүүтэйгээ хамт хэд, хэдэн зүйл асуусан.
16. Орой манай дvv охин, «Хөөе, нөгөөдөх чинь тэндээс ийшээ гvйж байна» гэж хэлсэн. Тэр талийгаачийн байрны зvvн урд байдаг цэцэрлэгийн тэндээс манай байшингийн баруун өнцөг рvv гvйж байсан. Тэгээд би орой 19 цагийн vед аптекаа хааж байхдаа харсан чинь тэр залуу манай байрны баруун захын орцны өмнө зогсож байсан. Тvvнээс хойш дахиж хараагvй.
17. Зоригийг алсан гэх хvний эрэгтэйнх нь анхны ам зурагтай их төстэй хvн байсан. Адилхан юм шиг санагдаж байлаа. Харин vс нь арай өөр харагдаж байсан. Тэр залуу 169-170 орчим см өндөртэй, эрэгтэй хvний, задгай энгэртэй тэмээний ноосон цамцтай, хар бараан өнгийн брюкэн өмдтэй, жижигхэндvv vстэй, vсээ зvvн гар тийшээ налуулж самнасан, ерөнхийдөө, нарийн хэлбэл, гонжгордуу, зууван царайтай, царайлаг биш, том биш жартгайдуу нvдтэй, харц нь айхавтар муухай сэтгэл сэвтээхээр биш, нvдний шилгvй, овойж товойсон булчин, шөрмөсгvй, ганган биш, навсгар ч бас биш, том биетэй гэж хэлэхээргvй, 67-68 кг жинтэй болов уу гэмээр, насны хувьд 32-33, сайндаа л 35 настай, сахалгvй, vсэрхэг хvн биш, айхавтар айлгахаар төрхгvй, тийм содон бус хvн байсан.
18. Би Эх нялхсын төвд талийгаачийн гэргий Булгантай хамт ажиллаж байсан. Би Булганыг муу хэлэхгvй, ямар ч байсан аягvй цайлган, хамаагvй инээж хөхөрсөн, угаасаа их темпераментный хvн. Тэрнээс биш муу санаатай юм бол байхгvй дээ.
19. Булганыг хvмvvс халамж нь ихдээд нөхрөөс салдаг, бvр дэндvv, эрэгтэй хvнийг залхтал нь халамжилдаг хvн гэж ярьцгаадаг байсан.
20. Эцэст нь гэж хэлэхэд, алуурчид хэргээ гүйцэлдүүлээд гэрээс нь гараад шатаар уруудан гүйж байхыг харсан хоёр залуу байдаг. Гэвч нэг нь аймшигтайгаар амиа алдсан.
21. Орцны өмнө хоёр алуурчныг гарч ирэхэд нэгийг нь таниад “Болдоо” хэмээн нэрээр нь дуудсан нэгэн буюу “маш чухал гэрч” одоо хэр нь учир битүүлгээр сураг алдарсан.
22. Хоёр алуурчныг харсан, бас тээвэрлэсэн байж болох таксины жолооч мөн сураг алдарсан. Тухайн үед цагдаа нар тээвэрлэсэн жолоочийг олсон гэж шуугиулж байсан ч төдөлгүй нам гүм болсон юм. Амьд үхсэн алин болохыг мэдэхгүй.
23. Эхний ам зураг.
24. Дараагийн ам зураг.
Амьд гэрчтэй хэрэг яагаад илрэхгүй байгаа вэ. Алуурчинтай нүүр тулсан хаалга тайлсан, үг сольсон дуу хоолойг нь сонссон. Аллага болох үед амаа боолгосон ч чихээрээ бүхнийг сонсож байсан Б.Булганаас юм гарна шүү л гэдэг.
-
2015 оны 11 сарын 17
Өөрийгөө галдсан С.Эрдэнэ болоод уг үйл явдлын эргэн тойронд өрнөсөн 24 баримтыг хүргэж байна.
-
2015 оны 11 сарын 15
Монгол Улсын Төрийн дээд шагнал “Чингис хаан” одонг гардуулдаг уламжлалтай. Тэгвэл “Чингис хаан” одонгийн талаарх сонирхолтой 24 баримтыг хүргэж байна.
-
2015 оны 11 сарын 13
Монгол Улсын төрийн дээд шагнал-тэргүүн зэргийн одон “Чингис хаан” одонг энэ жил Монгол Улсын Соёлын гавьяат зүтгэлтэн, нэрт зохиолч, яруу найрагч, Гомбожавын Мэнд-Ооёод хүртсэн билээ.
-
2015 оны 11 сарын 12
Өнөөдөр мэндэлсэн өдөр нь тохиож буй Чингис хааны тухай 24 баримтыг түүвэрлэн хүргэж байна. 2012 онд эрх баригч АН-ын шийдвэрээр Тусгаар тогтнолын баярын өдрийг ”Монгол бахархлын өдөр” болгон зарласан юм. Түүнээс хойш монголчууд өвлийн эхэн сарыг Чингис хааны төрсөн өдөр хэмээн тунхаглаж тэмдэглэж байна.
-
2015 оны 11 сарын 11
Хүн амын хөгжил, нийгмийн хамгааллын сайд С.Эрдэнэ саяхны нэг өдөр хэвлэлд ярилцлага өгөхдөө нийтлэлч Баабарын булхайг дэлгэснээс гадна олон нийтийн дунд дуулиан тариад буй зарим мэдээлэлд хариулт өглөө. Ингээд түүний хэлсэн онцлох 24 ишлэлийг 24 баримт хүргэж байна.
-
2015 оны 11 сарын 10
Төслийн нийт өртөг нь 827 сая ам доллар байх энэхүү томоохон бүтээн байгуулалтын талаарх 24 баримтыг хүргэж байна.
-
2015 оны 11 сарын 09
О.Цолмонгийн хүн гэх Г.Шийлэгдамбын тухай 24 баримт
Өнгөрсөн долоо хоногт баривчлагдаж, багагүй асуудалд унаад буй ЭМС-ын яамны сайд асан, МАХН-ын Ерөнхий нарийн бичгийн дарга Г.Шийлэгдамбын тухай 24 баримтыг хүргэж байна.
1. Тэрээр 1997 онд буюу анх МАХН-д элсчээ. Эдүгээ 18 дахь жилтэйгээ золгож буй юм.
2. Г.Шийлэгдамба 1971 онд Өвөрхангай аймагт төрсөн. Нутгийнхантай элэгтэй байдаг нэгэн.
3. Нутаг, усныхаа тухай “Шүтээн” нэртэй ном бичсэн.
4. Тэрээр 2007 онд МАХН-аас Байгаль орчин, аялал жуулчлалын сайдаар нэг жилийн хугацаатай ажилласан. Харин энэ жил ЭМС-ын яамны сайд ажиллаж байгаад өдгөө албан тушаалаасаа чөлөөлөгдөх өргөдлөө өгөөд буй.
5. Г.Шийлэгдамба Байгаль орчин, аялал жуулчлалын сайдаар ажиллах үедаа 252 ширхэг газар эзэмших зөвшөөрөл олгосон нь үе, үеийн сайд нараас хамгийн олон нь гэлцдэг.
6. Иргэдийн хяналт, мэдээллийн сүлжээнээс АТГ-т Г.Шийлэгдамбыг шалгуулахаар өгсөн байдаг. Харин АТГ тэдний өргөдлийг хүлээж авсан гэх ч хэрхэн шийдэгдсэн талаар мэдээлэл өнөөг хүртэл байхгүй байдаг.
7. Түүнийг дархан цаазат Богд уул, Зайсанд хууль бус олон лиценз олгосон гэдэг ч хуулийнхан үүнийг нь шалгаж, батлаагүй.
8. 2008 онд МАХН-ын ерөнхий нарийн бичгийн даргад одоогийн ерөнхий нарийн бичгийн дарга У.Хүрэлсүхтэй өрсөлдөж байв.
9. Сайдын ажлаа өгөөд тэрээр Австрали улсын ”Melbourne” хот дахь ”Charles Sturt University’’-д мастерын зэрэг хамгаалсан.
10. Харин эргээд ирэхэд нь анх элсэж байсан МАХН нь хоёр хуваагдсан байсан ч Н.Энхбаярыг дагасан.
11. Үүнийгээ тайлбарлахдаа, “Надад МАН-ын батлах ч байгаагүй. Энэ нь нэг талаас гадаадад сурч байсантай холбоотой байх. Тиймээс би МАН-д өөрийгөө албан ёсоор элсээгүй гэж үзэж байгаа. Ингээд 1997 онд анх элссэн намдаа 2012 онд Австрали улсаас ирээд гишүүнчлэлээ сэргээсэн үйл явц болсон юм.Түүнээс биш МАН-д элсэж ороод бас гараад МАХН-д орсон юм биш” гэдэг.
12. Өвөрхангай аймгийн МАХН-ын даргаар ажиллаж байв.
13. Г.Шийлэгдамба гэр бүлийн тухай мэдээллээ нууцалдаг улс төрчдийн нэг.
14. 2008 онд УИХ-ын сонгуульд МАХН-аас Өвөрхангай аймагт нэр дэвшсэн ч ялалт байгуулж чадаагүй.
15. Энэ үеэр “Д.Лүндээжанцан 16 жил УИХ-д сонгогдлоо одоо болно. Бид залуу үе гарч ирэх цаг болсон” гэж мэдэгдэж байсан билээ.
17. Мөн 2012 оны сонгуульд МАХН-ыг төлөөлж нэр дэвшээд дахин өвдөг шороодсон юм.
18. Тэрээр МАХН-ын дарга Н.Энхбаярыг АТГ-аас баривчлахаас өмнө “Монгол улсын үе, үеийн төрийн өндөрлөгүүдэд тохиолдсон хүндхэн хувь заяа Н.Энхбаяр ерөнхийлөгчид битгий тохиолдоосой билээ” гэж ярилцлага өгч байжээ.
19. 2012 оны есдүгээр сард МАХН-ын генсек болж, Н.Удвалын ажлыг авсан.
20. Гэхдээ МАХН-ын зарим гишүүд түүнийг энэ ажлаа Н.Удвалаас сайн хийж чадахгүй байна гэж шүүмжилдэг.
21. Г.Шийлэгдамбыг улс төрд Н.Энхбаярын эхнэр О.Цолмонгийн хүн гэж явах нь их.
22. Ерөнхийлөгчийн сонгуулийн өмнө МАХН, МАН нэгдэх үү? гэсэн хүлээлт байгаа энэ үед тэрээр МАН-ын 92 жилийн ойд зориулсан бөхийн барилдааныг МАН-ын генсек Г.Занданшатартай зэрэгцэн сууж үзсэн. Энэ нь хоёр нам хамтарч магадгүй гэсэн таамгийг хүмүүст улам лавшруулж байв.
23. МАХН-ын Гүйцэтгэх товчооны хурал дээр Хууль зүйн сайд Э.Эрдэнэжамъяан ажлаа өгөх өргөдлөө өгсөн ч тэрээр би хариуцах хүн нь биш гээд аваагүй юм. Тэгвэл өнөөдөр Э.Эрдэнэжамьяан Г.Шийлэгдамбыг хэзээ ч авлига авах хүн биш, улс төрийн явуулга, хэлсдүүлэлт хэмээн ярьж явна.
24. Тэрбээр өдгөө Хорих 461 дүгээр ангид хоригдож байгаа төдийгүй хэд, хэдэн хүний хамт шалгагдаж байгаа юм. Эх сурвалжийн хэлж буйгаар авлига авч байхад нь газар дээр нь барьсан гэх ч тэрбээр өөрийн ажлаас чөлөөлөгдөх өргөдөлдөө найзынхаа өгсөн мөнгийг хувийн зориулалтаар ашиглах гэж байсан гэдгээ дурьдаад байгаа билээ.
-
2015 оны 11 сарын 05
Н.Алтанхуягийн тэргүүлсэн Шинэчлэлийн Засгийн газар огцроод яг нэг жил болж байна. Нэг жилийн өмнөх энэ өдөр Ерөнхий сайд асан Н.Алтанхуяг УИХ-ын чуулганы индэрээс ингэж хэлж байжээ. Түүний албан тушаалаасаа буухынхаа өмнө хэлсэн үгийг “24 баримт” онцолж байна.
-
2015 оны 11 сарын 03
Зам тээврийн төрийн нарийн бичгийн дарга Б.Батзаяаг баривчилж цагдан хориод байна. Олны анхаарлыг татаад буй уг үйл явдлын эргэн тойрон дахь мэдээллийг 24 баримт булангаараа багцлан хүргэж байна. Түүнийг УИХ-ын гишүүн “Женко” Х.Баттулгын баруун гар гэгддэг билээ.
-
2015 оны 11 сарын 02
МОХ мөнгө угаах, улс төржсөн байгууллага болжээ. Оюунуудын эрх ашгийн төлөө үйл ажиллагаа явуулж, тэдэнд үйлчлэх учиртай МОХ оюутнуудынхаа халаасыг хоосолж, тэдний мөнгөөр гараа угаах боллоо
-
2015 оны 10 сарын 31
УИХ-ын чуулганы нэгдсэн хуралдаанаар Өршөөл үзүүлэх тухай хуульд нэмэлт, өөрчлөлт оруулах тухай хуулийн төслийг хэлэлцэж, энэ сарын 29-ны өдөр баталсан.
-
2015 оны 10 сарын 28
Нэг үгээр хэлбэл тус нам 2016 онд сонгуульд иргэдийн итгэлийг хүлээж чадахааргүй байдал бий болоод байна. Тэгвэл бид АН-ыг 2016 оны сонгуульд ялагдуулж мэдэх 24 шалтгааныг хүргэе. АН-д ямар алдаа гаргав?
