-
2016 оны 10 сарын 01
Хүүхдээ дүүтэй болоход нь хэрхэн бэлдэх вэ?
-
2016 оны 9 сарын 30
Ирэх аравдугаар сард бөхийн өргөөнд болох барилдааны хуваарийг танилцуулж байна.
Аравдугаар сарын 9-нд 14 цагаас: Баянзүрх хайрханы хишиг барилдаантай. Улс, аймгийн алдар цолтой 256 бөх зодоглоно.
Аравдугаар сарын 15-нд 14 цагаас: Орон сууц нийтийн аж ахуйн салбарын 85 жилийн ойд зориулсан Улсын начин цолны хүндэтгэлийн барилдаан, /224 бөх зодоглоно/
10-р сарын 16-нд 14 цагаас: Сэлэнгэ аймгийн Түшиг сумын харьяат улсын заан С. Гүржавын нэрэмжит аймаг цэргийн цолтой болон залуу бөхчүүдийн барилдаантай. /256 бөх барилдана/
10-р сарын 22-нд 12 цагаас: Сумын заан цолтой болон залуу бөхчүүдийн барилдаан болно /тоо харгалзахгүй/
10-р сарын 30-нд 14 цагаас: Дархан аварга Б.Түвдэндоржийн мэндэлсний 100 жилийн ойд зориулсан Улс аймгийн алдар цолтой 224 бөхийн барилдаан болно.
-
2016 оны 9 сарын 30
“Face of beauty international” олон улсын миссийн тэмцээнд оролцохоор 60 гаруй орны гоо бүсгүйчүүд Монголд ирээд байна. Тэрээр тэмцээн ирэх сарын 8-ны өдөр болж, тэргүүн миссээ тодруулах юм.
Тус тэмцээнийг “Мазаалайгаа хамгаалцгаая” уриан дор зохион байгуулж байгаа бөгөөд энэ тэмцээн нь байгаль орчин, аялал жуулчлал, соёл урлаг, эдийн засгийн салбарт өндөр ач холбогдолтой хэмээн зохион байгуулагчид нь онцоллоо.
Саяхнаас 60 орны гоо бүсгүйн мазаалайн сэдэвт дүрс бичлэг сошиал ертөнцөөр цацагдаж эхэлсэн бөгөөд тэмцээний өмнө Мазаалайн үндэсний чуулганыг зохион байгуулах юм.
-
2016 оны 9 сарын 30
“D.Vision Mongolia 2016” дрифтийн тэмцээн маргааш буюу ирэх сарын 1-ний өдөр Авто худалдааны төвийн талбайд болно.
Тэмцээнд ОХУ-ын долоон шилдэг тамирчин, Монгол Улсын шилдэг тамирчидтай өрсөлдөх юм. Дрифтийн спорт нь анх 1960-аад онд Японд, 1996 онд АНУ, 1998 онд ОХУ-ын улсад үүссэн. Одоогоор томоохон цуврал тэмцээнүүд Япон, АНУ, Австрали, Европ, Тайланд, Тайван, ОХУ-д явагддаг аж.
Тэмцээнд тусгай тоноглогдсон машинтай тамирчин өгсөн даалгаварыг өндөр хурдаар гүйцэтгэхийг хэлнэ.Жишээлбэл нэгдүгээр эргэлт дээр 80 градус барьж 120 км цагаас доошгүй хурдтайгаар 20 метр явах гэх мэтчилэн даалгаварт тухайн замыг хаана яаж явахыг заасан түүний дагуу гүйцэтгэхийг хэлнэ.
Энэхүү спорт Монгол Улсад анх 2000 онд үүссэн ч 2015 оныг хүртэл дэлхийн стандартаас өөрөөр хөгжиж өөрийн гэсэн шүүлтийн арга барилтай болоод байсан юм.
-
2016 оны 9 сарын 30
Монголчуудын амьдрал ахуйг харуулсан Cinelou Films-ын бүтээл “Burn Your Maps” уран сайхны кино Торонтогийн олон улсын кино наадамд өрсөлдөхөөр есдүгээр сарын 15-ны өдөр нээлтээ хийв. Киноны нээлтэд Монгол Улсаас Канад Улсад суугаа Элчин сайдын яамны төлөөлөл болон Монголын талын продюсер З.Анхбаяр оролцов.
Түүнчлэн тус киног есдүгээр сарын 23, 10 дугаар сарын 1-ний өдрүүдэд Канадын “Calgary International Film Festival”-д толилуулахаар төлөвлөж байна. Киноны нээлтэд кино зурганд оролцсон Алберта мужид амьдарч буй монголчууд оролцохоос гадна үзэгчдэд зориулж монгол үндэсний хөгжмийн тоглолтоор бэлэг барих юм байна.
Тэгвэл Торонтогийн кино наадмын хүүхдийн киноны төрөлд Монголын бүргэдийн анчин охины тухай өгүүлэх “The Eagle Huntress” хэмээх Отто Беллийн найруулсан баримтат киног мөн толилуулав.
-
2016 оны 9 сарын 30
Вьетнамын Данан хотноо болж буй Азийн элсний V наадмын 3x3 сагсан бөмбөгийн тэмцээнд Монголын эрэгтэй баг мөнгөн медалийн эзэн боллоо.
Манай сагсчид хагас шигшээд Иракийн багийг 20:7-гоор хожиж, шигшээд шалгарсан бол аваргын төлөө Катарын багт 15:12 харьцаагаар хожигдон, мөнгөн медаль хүртээд байна.
Азийн элсний наадамд спортын найман төрөлд 37 тамирчны бүрэлдэхүүнтэй оролцож буй Монголын баг ийнхүү жюү жицү бөхийн төрөлд хоёр алт, хоёр мөнгө, гурван хүрэл, сагсан бөмбөгийн төрөлд мөнгө, нийт найман медаль хүртээд байна.
Азийн элсний наадам аравдугаар сарын 3 хүртэл үргэлжилнэ.
Тайландын Пукет арал дээр хоёр жилийн өмнө болсон наадмаас Монголын баг самбо, жюү жицү, кураш, мутай боксын төрлүүдэд зургаан алт, дөрвөн хүрэл медаль хүртэж байсан билээ.
-
2016 оны 9 сарын 30
”Бүргэдийн баяр” арга хэмжээ ирэх сарын 1-3-ны өдрүүдэд зохион байгуулагдах гэж байна. Тус арга хэмжээ нь Казах ард түмний бүргэдээр ан хийх уламжлал, өвөрмөц ёс заншлыг гадаад, дотоодын иргэдэд сурталчлан танилцуулах зорилготой юм.
Энэ удаагийн арга хэмжээнд гадаадын 400 орчим жуулчин оролцох төлөвтэй байгаа юм. ”Бүргэдийн баяр”-аар хурдан, жороо морины болон тэмээний уралдаан, сур харваа, мөнгө шүүрэх, тулам булаалдах зэрэг ардын тоглоом наадгай болж, гар урлалын үзэсгэлэн худалдаа гаргахаар төлөвлөжээ.
-
2016 оны 9 сарын 30
Есдүгээр сарын 30 -ны өдөр буюу маргааш Жанжин Д.Сүхбаатарын талбайд “Улаанбаатарын намар“ нэгдсэн арга хэмжээ болно. Энэ зуны хаалт, намар цагийн эхлэл болох тус арга хэмжээний зорилго нь үндэсний үйлдвэрлэгчид, үйлчилгээ эрхлэгчид дэмжих зорилготой юм.
Энэ өдөр үйлдвэрлэл, үйлчилгээ эрхэлдэг үндэсний компаниуд халуун хоол, хүйтэн ундаа, амтат бүтээгдхүүнээр үйлчилгээ эрхэлж, төв талбайд түргэн хоолны газрууд ажиллана. Мөн “Никитон”, “Камертон” хамтлагууд анх удаа нэгэн тайзнаа тоглож, рок попын одод ая дуугаа өргөнө. “Улаанбаатарын намар” тоглолтын ерөнхий найруулагчаар Төрийн соёрхолт, дуучин Д.Болд ажиллаж байна.
Түүнчлэн нийслэлийн Засаг дарга бөгөөд Улаанбаатар хотын захирагч С.Батболд ирэх дөрвөн жил их хотоо хөгжүүлэхийн тулд ямар ажил хийхээр зорьж, төлөвлөж, үйл ажиллагааны хөтөлбөртөө оруулсанаа Нийслэлийн иргэд, төр захиргааны албан хаагчдад танилцуулна. Анх удаа зохион байгуулагдаж байгаа “Улаанбаатарын намар“ арга хэмжээнд нийслэлийн иргэд өргөнөөр оролцох боломжтой юм гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
-
2016 оны 9 сарын 29
Б.Цогнэмэхийн зохиол “Тэнгэрийн хүү” жүжиг ирэх аравдугаар сарын 1, 2-нд УДЭТ-ын тайзнаа дахин тоглогдох гэж байна.
Тус бүтээл нь түүхэн жүжгийн уралдаанд шалгарч байсан юм. Мөн 2011 оны шилдгийн шилдгийг шалгаруулах “Гэгээн муза” наадмын гран при, оны шилдэг уран бүтээлчдийг шалгаруулах “Мөнгөн мод” ёслолын ажиллагааны шилдэг бүтээлийн цомыг хүртэж байв.
Найруулагчаар Монгол Улсын төрийн соёрхолт, УДЭТ-ын ерөнхий найруулагч Н.Наранбаатар, хөгжмийн зохиолчоор урлагийн гавьяат зүтгэлтэн Т.Сэр-Од, гол дүр Модун Шаньюйд УДЭТ-ын жүжигчин Г.Эрдэнэбилэг, Могул хатанд төрийн соёрхолт, ардын жүжигчин Н.Сувд нар тоглосон билээ.
-
2016 оны 9 сарын 29
“Face of beauty international” олон улсын тэмцээн ирэх сарын 9-нийг хүртэл Улаанбаатар хотноо зохиогдох бөгөөд тэмцээний албан ёсны хэвлэлийн бага хурал яг одоо GRAND HILL зочид буудалд боллоо. Дэлхийн өнцөг булан бүрээс буюу 60 гаруй орны миссүүд хүрэлцэн ирж гоо үзэсгэлэнгээрээ өрсөлдөх юм.
Тэрээр олон улсын хэмжээний тэмцээний шүүгчээр найман хүн ажиллах бөгөөд ерөнхий зохион байгуулагч Мила Мануел /Mila Maneul/, “Missosology” сайтын тэргүүлэгч Павее Винтура /Pawee Ventura/, өнгөрсөн жилийн тимтийн эзэн Мексикийн гоо бүсгүй Ералди Барраза /Yeraldi barraza/ нар юм байна. Харин Монгол улсаас тус тэмцээнийг “Монгол тулгатны 100 эрхэм” нэвтрүүлгийн хөтлөгч П.Анужин болохыг ”Mongolian Beauty Association”-аас албан ёсоор мэдэгдлээ.
-
2016 оны 9 сарын 29
Казахстан улсын Актау хотноо есдүгээр сарын 28-аас аравдугаар сарын 03-ны хооронд тус улсад боксын спортыг үндэслэгч Ш.Болтекийн нэрэмжит олон улсын ”А” зэрэглэлийн тэмцээнд манай тамирчид оролцохоор хүрэлцэн очоод байна.
-
2016 оны 9 сарын 28
Мэргэжлийн сүмогийн 69 дэх их аварга Хакүхо М.Даваажаргал маргааш эх орондоо ирэхээр болжээ.
Тэрбээр М.Даваажаргал өөрийн цахим хуудаснаа ”Сайн байцгаана уу. Энэ сарын башёд миний хоёр шавь сайн барилдаж, нэг нь түрүүлсэн нь надад их урам зориг өглөө. Мөн гурван хоног мацаг барьж дуусгалаа энэ нь хүний биед маш сайн гэдэг юм байна. Гаднаасаа, дотроосоо ч эмчилгээ сайн явагдаж байна. Удахгүй дэвжээндээ гарна аа. Түр баяртай” хэмээн бичжээ.
-
2016 оны 9 сарын 28
Волейболын спортыг сонирхдог залуусыг эрүүл, идэвхтэй амьдралд уриалан, волейболын спортоор хичээллүүлэн багийн ажиллагаанд сургаж, эрүүл чийрэг, шинэ залуу тамирчдыг нээн илрүүлэх зорилгоор Монголын Волейболын Залуучуудын Холбооноос зохион байгуулдаг “D” зэрэглэлийн Улсын аварга шалгаруулах тэмцээн өнгөрсөн амралтын өдрүүдэд ИЗОУИС, УСУГ, “Хүч” спорт хорооны зааланд болж, шилдгүүдээ тодрууллаа. Тус тэмцээнд нийслэлийн дүүргээс 4, хөдөө орон нутгаас 26, төрийн байгууллагаас 2 баг, ААН байгууллагаас 3, боловсорлын салбараас 8, волейболын клубээс 4, ТББ-аас 1 , Найз нөхөд хамт олноороо баг бүрдүүлж орсон 8 багийн 600 гаруй тамирчид оролцож хоёр бүсэд хуваагдан, гурван зааланд өрсөлдсөн юм.
Тэмцээний эрэгтэй төрлийн тэргүүн байранд “Сэлэнгэ Зүүн Хараа”, удаах байранд “Мөрөн Алтай”, “Өмнөговь /Говийн Өгөөж/ багууд тус тус шалгарлаа. Харин эмэгтэй төрлийн тэргүүн байранд “Ганзам” баг, удаах байранд “Зэвсэгт хүчний 0353-р анги”, “БХИС” багууд тус тус шалгарч шилдгээр тодорсон юм.
Тэмцээний хаалтын үеэр Монголын волейболын залуучуудын холбооны үүсгэн байгуулагч Ч.Отгонбаяртай ярилцлаа.
-”Медальд хүрэх зам” ”D” зэрэглэлийн тэмцээн сайхан болж өндөрлөлөө. Энэ удаагийн тэмцээний онцлог юу байв?
-Энэ удаагийн “D” зэрэглэлийн улсын аварга шалгаруулах тэмцээнд нийт 58 багийн 600 гаруй тамирчид оролцож, тэмцээн маань хоёр өдрийн турш гурван зааланд зэрэг болсноороо онцлогтой байлаа. Мөн манай холбооноос зохион байгуулдаг “D”, “C” зэрэглэлийн улсын аварга шалгаруулах тэмцээнүүд зохиогдож эхэлснээсээ хойш маш олон хүнийг хамарч чадсан тэр дундаа хөдөө орон нутгаас Ховд, Завхан, Өмнөговь, Хөвсгөл, Булган, Төв, Говьсүмбэр, Дорноговь, Дархан, Баянхонгор, Архангай, Өвөрхангай, Сүхбаатар, Сэлэнгэ гэх мэт маш олон аймгийн баг тамирчид зорин ирж оролцож байгаа нь манай тэмцээний чанарыг өндөрт өргөж байна. Мөн энэ удаагийн тэмцээнд оролцож баруун, зүүн бүсээс эхний гурваар гарч ирсэн эрэгтэй 6, эмэгтэй 6 нийт 12 баг ирэх аравдугаар сарын 21-23-нд болох “C” зэрэглэлийн тэмцээнд оролцох эрхээ авч байгаа юм.
-“D” зэрэглэлийн тэмцээнийг анх яагаад зохион байгуулахаар болсон бэ?
-Улаанбаатар хотод мэргэжлийн тамирчдаасаа илүү сонирхогчийн түвшинд тамирчдаа эхлээд бэлтгэх ёстой. Дараа нь тэр бэлтгэсэн тамирчдаа ур чадвараар нь ангилан түвшин түвшинд нь тэмцээнийг зохион байгуулах юм бол өрсөлдөөн гарна. Клубын аварга шалгаруулах тэмцээнд гэхэд ур чадваргүй тоглогчид байна. Тамирчин болж төлөвшөөгүй тоглогчид мэр сэр харагддаг. Тэдгээр тамирчдад шат дамжлагатай ритингээ өсгөж дээшээ улсын чанартай тэмцээнд ордог байх хэрэгтэй. Энгэснээр тэмцээний нэр хүнд болоод өрсөлдөөнийг жигд болгож өгнө. Энэ маань юуг хэлээд байна вэ гэхлээр, ур чадвараар нь ангилсан тэмцээн ховор байгаагийн нэг илрэл юм.
-Тэмцээн зохион байгуулж эхэлснээс хойш “D” зэрэглэлийн тамирчдын ур чадварт ямар өөрчлөлт гарч байна вэ?
-Анх “D” зэрэглэлийн тэмцээнийг хийж эхэлсэн үеийг бодвол тамирчдын ур чадвар хамаагүй дээшилж байгаа. Учир нь баг тамирчдын бэлтгэл жигдэрч, тэмцээндээ маш их ач холбогдол өгдөг болсон байна. Мөн хөдөө орон нутгаас орох багийн тоо эрс нэмэгдсэн.Энэ удаагийн тэмцээнд л гэхэд нийт 58 багийн 600 гаруй тамирчид оролцлоо.
-Танай холбооноос ойрын хугацаанд ямар ямар тэмцээн зохион байгуулахаар төлөвлөж байгаа вэ?
-“С” зэрэглэлийн УАШТ маань ирэх аравдугаар сарын 21-23-нд болно. Харин “B” зэрэглэлийн УАШТ арваннэгдүгээр сарын 4-6-нд болно.
-“B” зэрэглэлийн тэмцээнд ямар тамирчид оролцох боломжтой вэ?
-“С” зэрэглэлийн тэмцээний эхний зургаан баг болон клубуудын 2-р зиндааны тамирчид, спортын мастер тамирчид оролцох боломжтой.
”С” зэрэглэлийн тэмцээнд оролцох эрхээ авсан багууд:
Т.Гэрэл
-
2016 оны 9 сарын 28
С.Жавхлан ахмадын баярыг угтаж тойргийн иргэдээ их цэвэрлэгээнд уриалав
-
2016 оны 9 сарын 27
“Улаанбаатар” Олон Улсын Кино Наадам аравдугаар сарын 11-14-нийн өдрүүдэд болох гэж байна.
Наадмын үеэр дэлхийн шилдэг Канн, Берлины олон улсын кино наадамд шалгарсан Англи, Афганистан, Герман, Франц, Польш, Солонгос, Тайвань зэрэг орны 10 кино бүтээлийг олон нийтэд толилуулна.
Наадмын нээлтийн ажиллагаа Берлины олон улсын кино наадамд сонгогдон толилуулагдсан, Польш, Герман, Монголын хамтарсан, найруулагч Марта Миноровицын “Зуд” киногоор нээлтээ хийнэ.
Энэ жилийн наадмын онцлох орноор Солонгос улсыг сонгосон бөгөөд “Солонгосын Кино Өдөрлөг”-ийг 10-р сарын 12-нд Солонгосын Элчин Сайдын Яамтай хамтран зохион байгуулах юм.
Олон улсын кино хөтөлбөр ирэх сарын 13, 14-ний өдрүүдэд зохиогдох ба дэлхийн кино урлагийн хөгжлийн чиг хандлагыг тодорхойлох, олон улсын наадмаас шагнал хүртсэн артхаус зургаан бүтээлийг үзэгчдэд хүргэнэ.
Тус наадам нь кино урлагийн салбарын олон улсын хамтын ажиллагааг нэмэгдүүлэх, дэлхийн сор болсон артхаус бүтээлийг Монголын үзэгчдэд хүргэх замаар тус салбарын хөгжлийг дэмжих зорилготой аж.
-
2016 оны 9 сарын 27
Монгол Улсын төрийн шагналт, яруу найрагч Р.Чойном агсны нэрэмжит “Оюухай-2016” яруу найргийн наадамд “Болор цом”-ын дэд байрын шагналт, яруу найрагч О.Цэнд-Аюуш түрүүллээ.
-
2016 оны 9 сарын 27
”Dolce & Gabbana” 2017 оны хавар, зуны загварын хувцаснуудаа Миланы загварын долоо хоногт танилцууллаа. Тэрбээр, Италийн бэлгэ тэмдэг болсон эд зүйлс цуглуулгын хувцаснууд дээр хээ болон бууж, гялалзсан ширхэгтэй хатгамлууд зөвхөн хувцас гэлтгүй, мөн аксесуаруудыг чимжээ.
Ингээд дэрвэгэр даашинз болон жимс ба цэцгэн хээтэй хослолоос бүрдсэн ”Dolce & Gabbana”-гийн цуглуулгыг танилцуулж байна.
-
2016 оны 9 сарын 27
Увс аймгийн Засаг даргын Тамгын газар, Монголын жүдо бөхийн холбоотой хамтран Рио-2016 олимпийн мөнгөн медальт Д.Сумъяагийн нэрэмжит “Аваргын гараа” өсвөр үеийн жүдо бөхийн аймгийн аварга шалгаруулах тэмцээнийг зохион байгуулахаар болжээ.
-
2016 оны 9 сарын 27
Вьетнамын Данан хотноо болж буй Азийн элсний наадмын хоёрдахь өдрийн тэмцээнээс манай тамирчид хоёр алт, нэг мөнгө, нэг хүрэл медаль хүртлээ.
-
2016 оны 9 сарын 26
”Галзуу зугаалга”-нд хэн хэн явав
