"Екатринбург-2017" олон улсын жүдо бөхийн холбооны "Их дуулга" ангилалын тэмцээн үргэлжилж байна. Тус тэмцээний +100 кг-д Б.Тэмүүлэн хүрэл медаль хүртжээ.

Тэрбээр эхний тойрогтоо Эстон Жухан Метисийг 59 секундэд даралтаар цэвэр ялсан бол дараагийн тойрогт Алжирийн Наджир Тимарыг нэмэлт цагт торгуулиар ялж, шилдэг наймд шалгарсан. Улмаар тэмцээний чансааг тэргүүлэгч Румыний бөх Даниэль Натиг 38-хан секундийг зарцуулан даралтаар цэвэр ялжээ.

Хагас шигшээд Бразилийн Давид Моурад цэвэр ялагдсан ч хүрэл медалийн төлөө Унгарын Барна Борийг унаж шидэх мэхээр цэвэр ялж, тус тэмцээнээс цорын ганц хүрэл медалийг эх орондоо авчирлаа.