Хөлбөмбөгийн ДАШТ-д дөрвөн удаа түрүүлээд буй өнөө цагийн шилдгүүдийн нэг Германы шигшээ багийн тухай 24 баримтыг хүргэж байна.

1.    Германы шигшээ баг нь дөрвөн удаа (1954, 1974, 1990, and 2014) дэлхийн аваргын цомыг өвөртөлсөн манай гаригийн шилдэг багуудын нэг юм.
2.    Мөн гурван удаа (1972, 1980, 1996) Европын аварга болж байжээ.
3.    2014 оны дэлхийн хөлбөмбөгийн аварга шалгаруулах тэмцээнд түрүүлсэнээр Германчууд Америк тивээс цом авсан анхны Европын баг боллоо.

4.    ДАШТ-д Герман нийт 99 тоглолтод тоглосон нь бусад улсуудаас хамгийн олон үзүүлэлт юм. Бразиль 97 тоглолтоор удаах байранд орж байна.
5.  Итали, Германы баг нийт 4 удаа аварга болж, Бразилын дараа жагсаж байна.
6.    Герман ДАШТ-д түүхэнд хамгийн олон буюу дөрвөн удаа хоёрдугаар байранд шалгарсан ажээ. Мөн 8 удаа шөвгийн дөрөвт шалгарсан нь хамгийн дээд үзүүлэлт юм.
7. 1912 онд Стокольм хотноо болсон тэмцээнд Германчууд Оросын эзэнт гүрний багийг 16:0 харьцаатайгаар хожиж байсан түүхтэй.
8.   1909 онд Германы баг Английн хөлбөмбөг сонирхогчдод 9:0 харьцаатайгаар хожигдсон нь түүхэндээ хүлээж байгаагүй хамгийн том ялагдал болжээ.
9.    1950-56 онд Баруун Герман, Зүүн Герман, Саарланд гэсэн гурван баг тоглож байв. 1990 онд хоёр Герман нэгдсэн билээ.
10.   Германы багийг 2006 оноос хойш дасгалжуулж буй Йоахим Лев нь үндэснийхээ хөлбөмбөгийн багт тоглож байгаагүй хэдий ч чадварлаг нэгэн юм. Түүний удирдлага дор Германы багийн тоглолтын үзүүлэлт 69 хувьтай байна.
11.  Лотар Маттеус нь үндэсний багийнхаа төлөө нийт 150 удаа олон тэмцээнд оролцсон шилдэг хамгаалагч билээ. Тэрээр 1980-2000 онд тоглож байхдаа таван удаа дэлхийн аваргын тэмцээнд оролцжээ.
12.   Германы довтлогч Герд Мьллер 1966-1974 онд тоглохдоо ердөө 62 тоглолтод оролцож, 68 гоол оруулсан үзүүлэлтээр улсынхаа шилдэг мэргэн буучид тооцогддог.
13.    Германы хөлбөмбөгчин Мирослав Клозе ДАШТ-д хамгийн олон гоол оруулж, рекорд эвдээд байна. Тэр Бразилын Роналдог нэг гоолын илүүгээр ардаа орхилоо.
14.    Хагас хамгаалагч Месут Озил нь лалын шашинтан бөгөөд тэмцээнд оролцохын өмнө Коран судар уншдаг гэнэ. Эндээс л тэр эрч хүчээ авдаг ажээ.
15.    Герман Бразилын багийг 7:1-ээр бут ниргэсэн нь энэ удаагийн дэлхийн аваргын хамгийн содон тоглолт байв.
16.    Үүнээс өмнө 1954 онд Баруун Герман Австрийг 6:1-ээр, 1930 онд хагас шигшээд Югослав, АНУ-ыг 6:1-ээр хожиж байсан удаатай.
17.    Хөлбөмбөгийн бүхий л цаг үед тогтмол амжилттай байсан шигшээ бол Герман. Ямар ч муу бүрэлдэхүүнтэй байсан тэд хасагдах шатанд шалгарч, медаль авдаг.
18.    Германчууд зөрөх, хальт өшиглөх зэрэг жижиг алдаа гаргадаггүй нь тэдний үндсэн техникээ сайн эзэмшсэний гавьяа. Ердөө л бөмбөг тогтоох, дамжуулах, залах, цохих, мөргөх гэсэн үндсэн техникийг тэд багаасаа уйгагүй бэлддэг.
19.    Германы шинэ арга барил 2006 оны Юргэн Клинсманнаас эхтэй. Шинэ өнгө төрхтэй, илүү сонирхолтой тоглолт буюу хууралт, нэмэлт техникийн чадвар өндөртэй Герман тоглогчид гарч ирэв.
20.    Харамсалтай нь тэд үндсэн хөлбөмбөгөөс гадуурх нэмэлт болох үзэгч, ивээн тэтгэгч байгууллага татах тал дээр ажиллагаа муу байгаа нь Англи, Испани, Италиас доогуур төвшинд байх нөхцөл болжээ.
21.    Үе, үеийн шилдэг ахлагч болох Франц Беккенбаур 1974 онд, Лотар Маттеус 1990 онд хоёр, гурав дахь цомыг Германчуудын нэрийн өмнөөс өргөсөн нь тэднийг дэлхийн зэрэглэлийн багуудад зүй ёсоор оруулсан юм.
22.    Тэд дэлхийн аваргын 99 шийдвэрлэх тоглолтод 206 гоол оруулжээ.
23.    Германы Оливер Кан, Иенс Леманн нар нь дэлхийн бүх цаг үеийн шилдэг хаалгачдын тоонд зүй ёсоор бичигддэг.