МБҮХ-оос 11 дүгээр сард болох барилдааны хуваарийг хүргэсэн билээ. Тодруулбал, энэ сарын 23-нд 11:00 цагаас Сумын цолтон болон залуу бөхчүүдийн ээлжит барилдаан болно.

Мөн 24-нд 13:00 цагаас Монгол Улсад ой модны салбар үүсэж хөгжсөний 100 жилийн ой, Монгол Улсын арслан М.Мөнгөний нэрэмжит Улс, аймаг, цэрэг, сумын алдар цолтой хүчит 128 бөхийн барилдаан болох юм. 

Харин 26-нд 13:00 цагаас Бүгд найрамдах улсаа тунхаглаж, Анхдугаар үндсэн хуулиа баталсны түүхт 100 жилийн ойд зориулсан Улс, аймаг, цэрэг, сумын алдар цолтой хүчит 128 бөхийн уламжлалт барилдаан, 30-нд 12:00 цагаас “Хуурнин шуугигч” барилдааны 10 жилийн ойд зориулсан хүүхдийн барилдаан тус тус болно.