-
2015 оны 10 сарын 14
Зууны манлай дуучин энэ жилийг завгүй өнгөрөөх нь ээ...
Дуучин Б.Сарантуяа өсвөр насандаа их урлагт хөл тавьж, “Мөнгөн харандаа” хамтлагт дуулан олны танил болсон. 15 настайгаасаа дуулж эхэлсэн охин урлагаасаа урвалгүй дуулж явсаар 30 жилийг үджээ. 30 жил ганцаараа тайзыг эзэгнэн, уйдамхай олон нийтийн харцыг “барьж” хайртай дуучин хэвээр үлдэнэ гэдэг амаргүй. Орчин үед оддын нас богинохон болсон. Харин Зууны манлай дуучин, поп хатагтай Б.Сарантуяа 30 жил тайзан дээр “босоо” хэвээрээ үлдэж, өөрийн гэсэн үнэнч үзэгч, фэнүүдтэй, байр сууриа хадгалж, нөлөө ноёрхлоо тогтоосон рок попын хатан хаан. З0 жил тасралтгүй дуулж, зууны манлай дуучин, рок попын хатан хаан, поп хатагтай гэж хүндлэгддэг МУГЖ Б.Сарантуяа дуучны карьерээ эхлүүлж, дуучин болсон тэгш 30 жилийн ойгоо нижгэр тэмдэглэн өнгөрөөх сурагтай.
Өнгөрсөн хавар 4 сарын 20-нд төрсөн өдрийн тоглолтоо хийж, Монгол бөхийн өргөөг нэг өдөр доргиосон. Тэр үеэр дуучдын хоолойн царааг сорьдог сайн бүтээл “Аав ээж хоёр минь” дууг дуулан үзэгчдийг “нурааж”, хоолой нь хүчтэй, гайхамшигтай хэвээр байгааг баталсан билээ. Зун, 6 дугаар сарын 19-нд “Хөх тэнгэр” хамтлагийнхаа 25 жилийн ойн тоглолтонд оролцсон. Н.Ганхуяг “Хөх тэнгэр” хамтлагт шилдгүүд багтсан гэж онцолсон. Харин шилдгүүд дунд поп хатагтай Б.Сарантуяа шигтгээ нь байж чадлаа гэж фэнүүд нь бахархаж байсан юм.
МУГЖ Б.Сарантуяа 2016 онд дуучин Б.Сарантуяагийн урлагийн ертөнцөд орж, дуулж эхэлсний 30 жилийн ой тохионо. Энэ ойдоо зориулж МУГЖ Б.Сарантуяа ирэх жилийн 4 сарын 20 хүртэл олон ажил хийхээр төлөвлөжээ. Шинэ цомог, шинэ тоглолтууд, хувийн амьдрал, уран бүтээлийн амжилт, амьдралын түүхээ харуулах шинэ ном гаргахаар төлөвлөжээ.
Урлагт зүтгэсэн 30 жилийн ойдоо зориулсан эхний ажил болох “Сэхүүн салхи” нэртэй шинэ цомгоо гаргажээ. Энэхүү цомогт нь мөнхийн хит гэж болох Л.Энх-Амгалангийн үг, Л.Балхжавын ая “Хэн мөнхөд хайрлаж чадах вэ”, С.Цогтсайханы үг, н.Цогдэлгэрийн ая “Хавар”, Р.Эмүжингийн үг, Б.Шаравын ая “Хатан хаан”, Болд-Эрдэнийн үг, Г.Жаргалсайханы ая “Бог өвсний дуу”, гитарчин Өөжгий үг, аяыг нь зохиосон “Зүүдний учрал”, Ү.Хүрэлбаатарын үг, Л.Балхжавын ая “Зоргоороо амраг”, “Содура” киног “амьдруулсан” тус киноны дуу болох “Содура” дуу оржээ. “Содура” киноны дууны үгийг П.Одгэрэл бичиж, аяыг Л.Балхжав бичсэн.Тэрчлэн рок попын алдартай хоёр ах дүү Б.Ангирмаа, Б.Долгион хоёр үг, аяыг нь бүтээсэн “Сэхүүн салхи” дуу, мөн Тангадын Галсан гуайн үг, Б.Шарав гуайн аяыг нь бичсэн “Аав ээж хоёр минь” дуу багтжээ. Дуучдын хоолойн царааг шалгадаг “Аав ээж хоёр минь” дууг дуучин Сараагийн дуулснаар олж дуулах гэж эрэл сурал болоод байсан хүмүүс энэ цомгийг авч байна. Тэрчлэн анх Н.Ганхуягтай дуулж, дараа нь 22 жилийн тэртээ дуучин Брайн Адамстай хамтран дуулсан “Чи алзахгүй” дуугаа шинэчлэн шавь Л.Насанбуянтайгаа хамт дуулжээ. Энэ дуу нь мөн “Сэхүүн салхи” цомогт багтжээ. Энэ дуу нь ах дүү Б.Долгион, Б.Ангирмаа нар үг аяыг нь бичсэн гэдгийг хүмүүс сайн мэднэ байх. Будаг нь ханхалсан цоо шинэ “Сэхүүн салхи” цомгийнхоо баярыг есдүгээр сарын 18-нд “VLVT” клубт тэмдэглэж, их хотын залуусыг нэг өдөр ая дуугаараа мялаах нь.
Дуучин Б.Сарантуяаг шинэ жилийн дууны хатан хаан гэлцдэг “Шинэ жилийн шөнө”, “Цагаан шөнө” дуугүйгээр шинэ жилийг төсөөлөхөө больсон. Тийм болохоор 10 шахам жилийн өмнө шинэ жилийн дууны цомог гаргаж байсан Сараа энэ шинэ жилээр тоглолт хийхээр болжээ.
-
2015 оны 10 сарын 13
Пауэрлифтингийн ДАШТ, ААШТ-д манай тамирчид амжилттай оролцоод эх орондоо иржээ.
-
2015 оны 10 сарын 13
Гурван улсын уран уншлагын наадам болж байна
ОХУ-ын Соёлын яам, Кемерово хотын урлагийн их сургууль, Польшийн Варминьско- Мазур хотын Дорнод словян судлалын дээд сургууль, Монголын СУИС-ийн Театр урлагийн сургуулийн Ярих урлагийн тэнхим хамтран “Онгодын дууддага” сэдэвт гурван улсын уран уншлагын уралдаан зохион байгуулж байна. Сонгодог бүтээлээр дамжуулж олон улсын соёл, ахуй, сэтгэлгээг танин мэдэж, амьдрал уран бүтээлдээ бүтээлчээр хэрэгжүүлэх чадвартай мэргэжилтэн болон төлөвшихөд нь туслах зорилгоор жүжигчний ангийн оюутнуудын дунд дэлхийн сонгодог яруу найргийн бүтээлүүдээс уран унших наадмыш зохион байгуулж байгаа аж. Нэгдүгээр шатанд цахим сүлжээгээр бүтээлүүдээ илгээх бол тэнцсэн уран бүтээлчид ОХУ-д өрсөлдөх юм. Ийн Монголоос 30 орчим оюутан А.С.Пушкин, САЕсенин, Некрасов тэргүүтэй Оросын яруу найрагчийн бүтээлээр оролцож, Монголын СУИС-ийн багш нар шүүснээс 13-ыг нь хоёрдугаар шатанд тэнцүүлжээ.
-
2015 оны 10 сарын 13
”Mongolian Saturday” анх удаа дэлхийн аваргад уралдана
Америкийн Кентакки мужийн Лэксинтон хотод энэ сарын 30, 31-нд морин уралдааны “Breeders cup 2015” дэлхийн аварга шалгаруулах тэмцээн болох гэж байна. 1984 онд гараагаа эхэлсэн “Breeders cup” тэмцээнд зөвхөн урьдчилсан шатны уралдаанаас шалгарсан морьд оролцох эрхээ авдаг. Тэгвэл Монгол Улсын алдарт уяач Э.Ганбатын уяа сойлгыг нь тааруулсан, тод манлаи уяач “Макс”-ын Д.Ганбаатарын “Mongolian Saturday” морь анх удаа “Breeders сир”-т оролцох эрхээ авч дэлхийн хэмжээнд уралдах болсон нь Монголын морин спортын түүхэнд тодоор бичигдэх үйл явдал боллоо. “Mon¬golian Saturday” нь энэ тэмцээний зүлэгний спринт төрөлд уралдах юм. Алдарт “Keenland’’-ын дуудлага худалдаанаас “Mongolian Sat¬urday”^ дааган насанд нь тод манлай уяач Д.Онон, алдарт уяач Э.Ганбат нар шинжиж авч байжээ. Энэ хурдан хүлгийн хувьд 2015 онд томоохон долоон тэмцээнд уралдахдаа хоёр түрүүлж, гурван удаа аман хүзүүдсэн. Мөн хоёр удаа гурвалсан амжилтаар “Breeders cup” тэмцээнд оролцох эрхээ авсан юм.
-
2015 оны 10 сарын 13
Хятадын “China Film News” сонинд Хятадаас гадаад хэл дээрх бүтээлийн Оскарт нэр дэвшүүлсэн “Чонон сүлд” кино нь шаардлага хангаагүй тул өөр бүтээлээр сольсон тухай мэдээлжээ.
-
2015 оны 10 сарын 13
Соёлын тэргүүний ажилтан Б.Баттөрдөө сэтгэлийн дэм хайрлацгаая!
-
2015 оны 10 сарын 13
Тайландын нийслэл Бангкок хотноо зохион байгуулагдсан жүдо бөхийн өсвөр үеийн Азийн аварга шалгаруулах тэмцээнээс манай тамирчид ганзага дүүрэн иржээ.
-
2015 оны 10 сарын 13
Монголын киноны ор гил бүтээлийн нэг “Цогт тайж” кино 1945 онд дэлгэцнээ анх гарчээ. Энэ онд тус киноны 70 жилийн ой тохиож байна. Ойг тохиолдуулан Кино урлагийн дээд сургууль “Цогт тайж 70” сэдэвт эрдэм шинжилгээний бага хурлыг өчигдөр зохион байгууллаа. Уг хурал нь Монголын кино урлагийн үүсэл хөгжлийг мэргэжлийн уран бүтээлч, судлаачдын судалгаа, шинжилгээгээр дамжуулан оюутан залууст сурталчлах зорилготой аж. Эрдэм шинжилгээний бага хуралд Ардын жүжигчин, кино найруулагч Г.Жигжидсүрэн “Цогт тайж киноны зохиолд хийсэн судалгаа”, Төрийн шагналт, хөгжмийн зохиолч С.Соронзонболд “Цогт тайж киноны хөгжмийн онцлог”, кино судлаач Т.Чимэд “Цогт тайж найруулагч Ю.В.Тарич” зэрэг илтгэлээ хэлэлцүүлсэн байна.
-
2015 оны 10 сарын 13
МУУГЗ, “Пентатоник” наадмын 5 удаагийн шагналт, хөгжмийн зохиолч Л.Балхжавын “Миний дуунууд” уран бүтээлийн тайлан тоглолт 17 дахь жилдээ үзэгч, сонсогчдын хүртээл болох гэж байна. Монголын рок поп, орчин үеийн хөгжмийн урлагийн үе үеийн шилдэг уран бүтээлчид, шинэ залуу хамтлаг, дуучдын хуран чуулах “Миний дуунууд-2015” тоглолт 10-р сарын 22, 23, 24-ний өдрүүдэд нийслэл хотноо зохион байгуула
-
2015 оны 10 сарын 13
лон улсын циркчдийн “ВУЧИАО” фестиваль есдүгээр сарын 29-нөөс энэ сарын 7-ны хооронд БНХАУ-ын Хэбэй мужийн Шижиажуан хотын урлагийн ордонд амжилттай зохиогдож өндөрлөлөө. Циркчдийн дунд “А” буюу нэгдүгээр зэрэглэлийн уг фестивальд ХБНГУ, ОХУ, БНХАУ, Мексик, Канад, АНУ, Франц, Хойд солонгос, Монгол зэрэг 10 гаруй орны шилдэг циркчид ур чадвар, авхаалж самбаагаа сорин өрсөлдсөнөөс Монгол Улсаа төлөөлөн оролцсон Т.Буд продюсертай, Б.Золбаяр ахлагчтай Монголын Үндэсний циркийн жүжигчид шидэх банзны үзүүлбэрээр хамгийн өндөр оноог авч “ВУЧИАО” мөнгөн цомын эзэд болжээ.
Тус тэмцээнд манай жүжигчид дэлхийн хэмжээний болон монголын түүхэн амжилтын эзэд болсон байна. Үүнд, анх удаа эмэгтэй жүжигчин агаарт гурав эргэж дөрвөн метрийн өндөрт сандал дээр суужээ. Мөн дэлхийн дээд амжилт буюу зургаан давхар хүн дээр эмэгтэй хүн анх удаа дан эргэлт хийж гарсан болон дэлхийн хэмжээнд хамгийн хүнд үзүүлбэрт тооцогддог хөндлөн перштэй сандал руу агаарт гурав эргэж гарсан, урагшаа стеркасат 4 салито хийсэн зэрэг олон амжилтыг шинэчилжээ. - See more at: http://www.wikimon.mn/content/64389.shtml#sthash.dTjeNAmv.dpuf
-
2015 оны 10 сарын 12
Турк улсад
-
2015 оны 10 сарын 12
Монгол улсад үндэсний сэтгүүлзүйн салбар үүсч хөгжсөний 100-н жилийн ойн хүрээнд анхлан зохион байгуулагдсан “Монголын хэвлэл мэдээллийн салбарын урлагийн II их наадам” уламжлал ёсоороо 2015 оны 10-р сарын 16,17-ны өдрүүдэд Улаанбаатар хотноо зохион байгуулагдахаар товоо зарласан билээ.
Наадмын бүртгэлийн анкетийг 10 дугаар сарын 13-ны 12:00 цаг хүртэл авах бөгөөд хэвлэлийн хурал 10 дугаар сарын 13-ны 12:00 цагт Нийслэлийн Улаанбатаар Чуулгын байранд хийнэ.
-
2015 оны 10 сарын 12
Нээлтээ хийгээд удаагүй байгаа ”VTV” телевиз Монголдоо хамгийн том шагналын сантай “Мастер тогооч” хоолны шоуг зохион байгуулахаар болжээ. Тус шоунд хоол хийж чаддаг хэн бүхэн оролцох боломжтой бөгөөд ялагч нь 20 сая төгрөгийг бэлнээр нь авах юм. Нэвтрүүлгээр хүнс үйлдвэрлэгч дотоодын үйлдвэрүүдийг дэмжих, олон нийтэд таниулан сурталчилах зорилготой гэж зохион байгуулагчдын зүгээс хэлж байна.
-
2015 оны 10 сарын 10
2014 онд Монгол Улс-БНХАУ-ын дипломат харилцаа тогтоосны 65 жилийн ойн хүрээнд ”Дуньхуаны сувдыг түүхүй” үзэсгэлэнг Монголын уран зургийн галерейд зохион байгуулсан билээ.
Энэхүү үзэсгэлэнгийн үеэр Монголын Уран зургийн Галерейн зүгээсХятадын Уран зургийн академийн удирдлага, Хөх хотын даргатай харилцан зөвлөлдөж хоёр орны соёл урлагийг танин мэдүүлэх, туршлага солилцох, Монгол зураачдыг Хятад цаашлаад Азийн урлагийн салбарт таниулах зорилгоор 2 жил тутамд харилцан айлчилж “уран бүтээлийн аян” үзэсгэлэнг гаргажбайхаар тохирсны үндсэн дээрБээжингийн Урлагийн академийн захирал Пан Диан холбогдох албаны хүмүүсийн хамт Монгол улсад 7 дугаар сард ирж БСШУЯ-ы СБЗГ-ын дарга Д.Гантөмөртэй, Монголын уран бүтээлчидтэй уулзаж, Монголын Уран зургийн галерейтай танилцаж, хамтран хээрийн судалбар зураг зурсан. Хамтын ажиллагааны хүрээнд ”Тал нутгийн аялгуу” цуврал үзэсгэлэнг зохион байгуулахаар төлөвлөн бэлтгэл ажлыг эхлүүлж үзэсгэлэнд 2 улсын тухайн салбарын шилдэг 20, 20 уран бүтээлч үндэснийхээ ахуй амьдрал, хөгжил дэвшил, зан заншил, чөлөөт сэтгэлгээнийдүрслэх урлагийн 6 төрлөөр 160 орчим бүтээлээр оролцох болно.
2015 оны 10-р сарын 20-с 14 хоног БНХАУ-ын Бээжин хотын Хааны ордны Тиа миу галерейд,12-р сарын 1-с 14 хоног Монголын Уран зургийн галерейд 2 дахь удаагийн хамтарсан үзэсгэлэнг зохион байгуулна. 2 орны Дүрслэх урлагийн салбарыг шинэ шатанд ахиулах өндөр хэмжээний үзэсгэлэн зохион байгуулах дэлхий нийтийн анхааралд Монголын талаар эерэг хандлагыг бий болгох, бүтээлч үйлдвэрлэлийг дэмжих, уран бүтээлчдийг том зах зээлд гаргаж түүгээрээ дамжуулан улсын эдийн засаг, соёлын салбарт эерэгээр нөлөөлөх болно.
Үзэсгэлэнд 2 орны өндөр дээд хэмжээний зочид оролцож соёлын салбараар дамжуулан хамтын ажиллагааг бэхжүүлэх хөрөнгө оруулагч нарт эерэг хандалгын бий болгох юм.
-
2015 оны 10 сарын 10
Энэ зуны турш ОХУ, Казакстан улсын нийт 18 хотод зохион байгуулагдсан дрифтийн “D.vision Continental League” тэмцээний 2015 оны хаалтын тэмцээн D.vision Монголия нэрээр аравдугаар сарын 11-ны өдөр болохоор товоо зарласан.
Олон улсын дрифтийн анхны тэмцээн Скай Резорт цаанын баазын төв талбайд болно. Монголын шилдэг дрифтчидтэй тулалдахаар Оросын тамирчид ирж яваа билээ.
ОХУ-ын Топ-5 тамирчны нэг Сибирийн бүсийн олон удаагийн аварга, дрифтийн спорт сонирхогч Монгол залуучуудын дунд хэдийнэ танил болсон ОХУ-ын Эрхүү хотын тамирчин Максим Гроссманн ирж байгаа юм.
Тэмцээний техникийн зөвлөгөөний хурал маргааш 10 цагт Скай Резорт болох юм.
Дашрамд дуулгахад, таx -15000 төгрөг харин машин 25000 төгрөгөөр худалдаалагдаж байгаа юм байна
-
2015 оны 10 сарын 09
Хүүхдэд зориулсан сургалтын төвүүдийн үзэсгэлэн болно
-
2015 оны 10 сарын 09
Дархан-Уул аймагт үргэлжилж байгаа “Рио-2016 олимп”-ийн наадмыг угтсан “Бага олимпоос Их олимп руу” уриатай “Дархан бага олимп-2015” наадам тав дахь өдрөө үргэлжилж байна.
Уг бага олимп нь олон нийтийг биеийн тамир спортоор дамжуулж хөгжүүлэх, шилдэг тамирчдын залгамж халаа болсон өсвөр үеийн шинэ тамирчдыг төрүүлэх зорилгоор явагдаж байна. Наадмын тав дахь өдөр чөлөөт бөхийн аварга шалгаруулах тэмцээн болж медалийн эзэд тодорлоо. Тэмцээнд гурван сумын 18 багаас тив, дэлхийн аварга, медальтнууд болон спортын мастер, улс аймгийн цолтой 90 гаруй бөх барилдсанаас 57 кг-ын жинд: Г.Ганхөлөг алт, Д.Уртнасан мөнгө, Н.Насанбуян, Ө.Бямбацогт нар хүрэл, 65 кг-д Т.Даваахуяг алт, Э.Тэмүүлэн мөнгө, Х.Батжаргал, Д.Батсайхан нар хүрэл, 74 кг-ын жинд: Ё.Бат-Дархан алт, Б.Цогт-Гэрэл мөнгө, Т.Сугар, Г.Ган-Очир нар хүрэл, 90 кг-ын жинд: Ч.Ганзориг алт, У.Оюунбаяр мөнгө, Б.Батсүмбэр, Л.Баттулга нар хүрэл, 125 кг-ын жинд: Б.Сүхбаатар алт, С.Ерөөлт мөнгө, С.Ганзориг, н.Очирбат нар хүрэл мядаль хүртлээ. Багийн дүнгээр тэргүүн байрыг Дархан сумын “Өргөө” баг эзлэж Хонгор сум, Дархан сумын наймдугаар баг удаах байр эзлэв.
-
2015 оны 10 сарын 09
Д.Оюунболд агсны дурсгалд зориулсан тэмцээн болно
-
2015 оны 10 сарын 09
МУУГЗ, “Пентатоник” наадмын 5 удаагийн шагналт, хөгжмийн зохиолч Л.Балхжавын “Миний дуунууд” уран бүтээлийн тайлан тоглолт 17 дахь жилдээ үзэгч, сонсогчдын хүртээл болох гэж байна. Монголын рок поп, орчин үеийн хөгжмийн урлагийн үе үеийн шилдэг уран бүтээлчид, шинэ залуу хамтлаг, дуучдын хуран чуулах “Миний дуунууд-2015” тоглолт 10-р сарын 22, 23, 24-ний өдрүүдэд нийслэл хотноо зохион байгуулагдахаар ийнхүү товоо зарлалаа. Хүний сэтгэлд баясал, гуниг, ухаарал авчрах дууны ертөнцөөр эрхэм таныг аялахыг урьж байна.
МУУГЗ, Монголын хөгжмийн зохиолчдын холбооны шагналт, “Пентатоник” наадмын 5 удаагийн шагналт, хөгжмийн зохиолч Л.Балхжавын “Миний дуунууд” тоглолт 17 дахь жилдээ уламжлал ёсоор үзэгч, сонсогчдын сонорыг мялааж, зүрхэнд эгшиглэх аялгуут дуу хуураар сэтгэлд хоногших дурсамж бүхнийг хөглөх гэж байна.
Монголын рок поп, орчин үеийн хөгжмийн урлагийн үе үеийн шилдэг уран бүтээлчид, шинэ залуу хамтлаг, дуучдын хуран чуулах энэ удаагийн тоглолтонд,МУГЖ Д.Жаргалсайхан, МУГЖ, Т.Ариунаа, МУГЖ Б.Сарантуяа, МУГЖ Б.Дашдондог,Ахмадын золбоо хамтлаг, ОХУ-ын Буриад улсын Гавьяат жүжигчин Б.Амархүү, ОХУ-ын дуучин Чингис Раднаев, Влада Комлева, ӨМӨЗО-ны дуучин Цэцэгмаа, Соёлын тэргүүний ажилтан, дуучин Б.Баярцэцэг, дуучин Э.Төрмандах, дуучин Б.Жавхлантөгс, “Мотив” хамтлагийн дуучин Ганбаатар, дуучин Ч. Цэлмүүн, А.Хишигдалай, Очгэрэл, “S4” хамтлаг, Universe Best Songs наадмын 2015 оны гранпри шагналт Б.Билгүүн болон “Хувьсал” продакшны бүжигчид, Хөгжим бүжгийн коллежийн симфони оркестр тус тус оролцож, хөгжмийн зохиолчын сэтгэлээс ундрах хөг аялгуу, зүрхнээс зүрхэнд хүрэх эгшигээр үзэгч түмний сонор, мэлмийг баясгах болно. Түүнчлэн жил бүрийн “Миний дуунууд” тоглолтонд олон улсын төлөөлөл болсон уран бүтээлчид оролцдог билээ.
Энэ жилийн тоглолтонд, ӨМӨЗО-ноос дуучин Цэцэгмаа, ОХУ-ын Буриад улсаас нэрт дуучин Чингис Раднаев нар урилгаар оролцох юм. Дуучин Чингис Раднаевийн хувьд, хөгжмийн зохиолчтой хамтран туурвисан шинэхэн дуун бүтээл “Улаанбаатарын дагина” дуугаараа нийслэлчүүдэд бэлэг барих болсныг дуулгахад таатай байна.
Ийнхүү “Миний дуунууд-2015” тоглолтын өнгийг илтгэх уран бүтээлчид үзэгчиддээ анхлан хүргэх шинэ уран бүтээл, шилдэг үзүүлбэр бүхнээ дэлгэхээр эрхэм таныг хүдэтгэн урьж байна. “Миний дуунууд-2015” тоглолт 10-р сарын 22, 23, 24-ний өдрүүдэд “UB PALACE”-ийн концертын их танхимд болно. Тоглолтын тасалбар энэ сарын 12-ны өдрөөс эхлэн 20 мянга, 30 мянга гэсэн үнийн сонголттойгоор худалдаанд гарах ажээ.
-
2015 оны 10 сарын 09
”Ромео Жульетта” 19 жилийн дараа үзэгчдийн хүртээл болно
