Монголын томоохон группийн нэг “Алтан Жолоо Групп”-ийн “САНСАР ХҮНСНИЙ ХУДАЛДААНЫ СҮЛЖЭЭ” нь 2014 оны 11 сарын 28-ны өдөр Сонгино хайрхан дүүргийн 6-р хороо, “Содон” хороололд "САНСАР Супермаркет "-ын шинэ салбараа нээлээ. Нээлтийн өдөр тус сүлжээ дэлгүүрийн үнэнч худалдан авагч, хэрэглэгчдийн төлөөлөл болсон маш олон хүн цуглаж, шинэ салбарын нээлтэнд оролцсон нь тус хамт олны хичээл зүтгэл, нөр их хөдөлмөрийн үр дүнгээс гадна хэрэглэгчдийн хүсч байсан хүлээлтэнд бүрэн нийцсэн худалдааны төв нээгдсэнтэй холбоотой юм.Үндэсний хэмээх тодотголтой “Алтан Жолоо Групп”-ын зүгээс нээлтийн арга хэмжээг монгол түмний бахархал "Морин хуур"-аар эхлүүлж, “Уртын дуу”-гаар үргэлжлүүлсэн нь хуран цугларсан олны сэтгэлийг ихэд хөдөлгөж бахархах сэтгэл төрүүлсэн юм. “САНСАР ХҮНСНИЙ ХУДАЛДААНЫ СҮЛЖЭЭ”-ний шинэ салбар нь 70 гаруй ажлын байрыг шинээр бий болгож, орчин үеийн стандартад нийцсэн техник технологи, тохилог орчин, хурдан шуурхай үйлчилгээ, найрсаг харицааг хэрэглэгч үйлчлүүлэгчдээ өргөн барихын зэрэгцээ “Эрүүл, чанартай хүнс” уриан дор Сонгино-Хайрханчууддаа ойртож байна. Тус сүпермаркет нь нээлтийн өдрөө тохиолдуулан хямдралтай, бэлэгтэй, амталгаатай худалдааг 14 хоногийн турш явуулж байна.
Сэтгэгдэл (1)