БАРИМТ 1

1997 оны долдугаар сарын 11-нд, наадмын өдөр мэндэлжээ. 

БАРИМТ 2

Архангай аймгийн Хайрхан сумын уугуул бөх. 

БАРИМТ 3

Биеийн өндөр 173 см. 

БАРИМТ 4

2016 онд Сумын начин, 2017 онд Сумын заан болсон.

БАРИМТ 5

2020 онд Аймгийн начин цолонд хүрсэн тэрбээр 2023 оны Орхон аймгийн баяр наадамд тав давж цолоо баталжээ. 

БАРИМТ 6

Сумын заан цолтой бөхчүүдийн барилдаанд нэг удаа тав давж байсан. 

БАРИМТ 7

Том цолтой бөхчүүдийн хоёр, дөрвийн даваанд халгадаг хүчтэнүүдийн нэг. 

БАРИМТ 8

Сүүлийн түрүү нь түүний улс, аймгийн цолтны барилдааны анхных юм. 

БАРИМТ 9

Түүний дүү О.Баяржаргал Аймгийн заан цолтой бөх. 

БАРИМТ 10

Тэрбээр Орхон аймгийн баяр наадмын гурвын даваанд Аймгийн арслан П.Хүрэлбаатарыг, дөрвийн даваанд Улсын харцага Э.Ууганбаярыг, тавын даваанд Улсын начин Э.Сумъяабатыг, зургаагийн даваанд Аймгийн арслан М.Эрхэмбаярыг, долоогийн даваанд Улсын начин Д.Амарсайханыг, наймын даваанд Аймгийн хурц арслан Д.Алтанцоожийг хаясан юм.

БАРИМТ 11

Шийдвэр нь гарахгүй удсан ч оны босгон дээр тэр "Аймгийн арслан" цолоо нэхэн хүртлээ. 

БАРИМТ 12

Тэрбээр Орхон аймгийн баяр наадамд түрүүлсэн даруйдаа шагналынхаа 4 сая төгрөгийг талийгч начин Ө.Батзулын гэр бүлд хандивласан билээ. 

Өнөө жилийн Орхон аймгийн баяр наадамд Архангай аймгийн дөрвөн бөх цолоо ахиулсны нэг нь тус наадмын түрүү бөх Аймгийн нэмэх начин О.Баярбаасан билээ. Тэрбээр оны босгон дээр "Аймгийн арслан" цолоо гардлаа. Түүний тухай сонирхолтой 12 баримтыг хүргэж байна.