-
2016 оны 4 сарын 20
Олон улсын залуучуудын симфони найрал хөгжмийн “Симфони нөхөрлөл” тоглолт ОХУ-ын Эрхүү хотын филармонид энэ сарын 21-нд болох аж.
ОХУ, БНХАУ, БНСУ, Монгол, Польшийн хөгжимчид хамтарсан тоглолтыг Үндэсний дуу бүжгийн эрдмийн чуулгын ерөнхий удирдаач, Урлагийн гавьяат зүтгэлтэн Н.Буянбаатар удирдана. Тоглолтод И.Гайдн, А.Хачатурян зэрэг алдарт хөгжмийн зохиолчийн бүтээлээс гадна Монголын хөгжмийн зохиолч Ш.Өлзийбаярын морин хуурт зориулсан бүтээлийг толилуулна. Хөгжмийг “Домог” хамтлагийн морин хуурч Д.Шинэцог гоцlон тоглох юм байна.
-
2016 оны 4 сарын 20
Үндэсний бичиг соёлоо хойч үедээ өвлүүлэх, түгээн дэлгэрүүлэх зорилготой Ардын багш Д.Чойжилсүрэнгийн нэрэмжит Монгол бичгийн улсын уралдааныг 15 дахь жилдээ зарлажээ.
Уралдааныг төрийн болон хувийн хэвшлийн ажилтан, албан хаагч, ЕБС-ийн мэргэжлийн багш нар, их, дээд сургуулийн оюутан, бүх нийтийн хүрээнд гэсэн ангиллаар зохион байгуулах юм байна. Уралдааны дүнг олон нийтийн мэдээллийн хэрэгсэл, зохион байгуулагч байгууллагын цахим хуудас (www. num.edu.mn; http://ims-num.org)-aap зарлах аж.
Эхний гурван байр болон тусгай байрын эзнийг шалгаруулан өргөмжлөл, мөнгөн шагналаар шагнана.
-
2016 оны 4 сарын 20
Монгол Улсын хөдөлмөрийн баатар, Ардын жүжигчин Б.Зангадтай ярилцлаа.
-
2016 оны 4 сарын 20
Пулитцерийн шагналын уран зохиолын салбарын шилдэг драмын төрөлд ”Хэмилтон” мюзиклийн зохиолоороо Лин Мануэль Миранда шагнал хүртлээ. Уг мюзикл Бродвейн театрт тавигдсанаасаа хойш аль хэдийн Грэмми шагнал хүртэж, Биллбоард жагсаалтын дээгүүр байранд бичигдэж, телевизийн олон шоу нэвтрүүлгүүдэд оролцсоноос гадна мөн энэ жилийн Тони шагнал гардуулах ёслолд нэр дэвшээд байгаа билээ. Уг мюзиклд Каррибын тэнгисийн аралд мэндэлсэн, өнчин цагаач хүү хэрхэн АНУ-ын нийгэмд өндөр байр суурь эзэлсэн хүчирхэг хүн болсон түүхийг өгүүлдэг бөгөөд зохиолыг Александр Хэмилтоны намтраас сэдэвлэн бичсэн ажээ.
-
2016 оны 4 сарын 20
Дэлхийн өнцөг булан бүрт ажиллж амьдарч буй авъяаслаг Монголчууд их. Тэдний нэг болох ”Их татлага” язгуур урлагийн хамтлаг өнгөрөгч амралтын өдрөөр буюу ням гарагт Япон улсын Токио хотын алдарт ”Сантори” танхимд өөрсдийн бие даасан тоглолтоо хийсэн байна.
Энэхүү тоглолтонд хүрэлцэн ирсэн хүн бүр тэдний гайхалтай тоглолт, ур чадварыг шагшин магтахын зэрэгцаа Монгол ардын урлагийн сайхныг бишрэн хүндэлж байсан байна. Ийнхүү ардын урлагийн ”Их тайга хамтлаг”-ийн залуус Монгол өв соёл, хөгжим, урлагийн бахдам сайхныг арлын Япон улсад таниуллаа.
Мөн тэнд Япон улсад ажиллаж амьдардаг Монголчууд хүрэлцэн ирж нэгэн үдшийг үндэснийхээ хөгжимтэй, дуутай, бүжигтэй, хөөмийтэй нэгэн үдэш өлгийдөн баяссан юм.
-
2016 оны 4 сарын 19
Монгол бөхийн өргөөнөө энэ сарын 30-ны өдөр нэгэн сонирхолтой барилдаан болох гэж байна. Энэ цагийн монгол бөхийн өнгийг тодорхойлж яваа, улсын алдар цолтой шилдэг 12 бөх зургаа, зургаагаараа баг болон өрсөлдөхөөр болжээ. Тодруулбал,
1. Нэгдүгээр багт: улсын арслан П.Бүрэнтөгс, улсын гарьд Н.Ганбаатар, Б.Гончигдамба, улсын харцага Ц.Содномдорж, Н.Батзаяа, улсын начин Т.Баасанхүү нар багтсан бол
2. Хоёрдугаар багт: улсын арслан Н.Батсуурь, Э.Оюунболд, улсын заан Ч.Санжаадамба, М.Өсөхбаяр, улсын харцага Ө.Бат-Орших, улсын начин Э.Энхбат нар оржээ.
Дашрамд дурьдахад энэхүү барилдааны тасалбарын үнэ 30 мянган төгрөг юм байна.
-
2016 оны 4 сарын 19
Энэтхэг улсын уулархаг бүс нутагт олон улсын уулын дугуйн уралдаан болжээ. Уралдаанд нийт 11 орны 80 гаруй дугуйчин өрсөлдөж, ОУХМ Б.Мягмарсүрэн тэргүүлсэн байна.
Мөн спортын мастер Б.Баянжаргал гуравдугаар байрт оржээ. Дугуйчид зургаан өдрийн турш 628 км зам туулж, аваргаа тодруулсан аж. Хоёрдугаар байрт АНУ-ын дугуйчин шалгарчээ.
Манай дугуйчид ирэх сарын 4-5-нд Тайланд улсад болох Азийн аварга шалгаруулах уулын дугуйн тэмцээнд оролцох аж.
-
2016 оны 4 сарын 19
Монголын соёлын байгууллагуудаас анх удаа үлэг гүрвэлийн 3D үзэсгэлэн зохион байгуулахаар болжээ. Тодруулбал, энэ оны дөрөвдүгээр сард багтаан Тириннозавр батаар зэрэг зургаан үлэг гүрвэлийн олдворыг танилцуулахаар төлөвлөөд байгаа аж. Үзэсгэлэн “Үлэг гүрвэлийн төв музей”-д гарна.
Мөн 3D үзэсгэлэнг та ухаалаг гар утсандаа аппликейшин суулгаснаар музей руу орохдоо үзмэрийн талаарх тайлбар, үлэг гүрвэл хөдөлж, дуугарах зэрэг бодит мэдээллүүдийг авах боломжтой юм байна.
-
2016 оны 4 сарын 19
Пара-Таеквондогийн шигшээгийн тамирчид багийн дүнгээр гуравдугаар байрт оржээ.
-
2016 оны 4 сарын 18
бббб
-
2016 оны 4 сарын 18
Өнгөрсөн амралтын өдрүүдээр БНХАУ-ын нийслэл хотноо Бээжингийн Олон Улсын Кино Наадам эхэллээ. Наадмын нээлтийн улаан хивсний ёслолд Холливудын жүжигчин Натали Портман, Кристоф Вальтц, италийн найруулагч Жузеппе Торнаторе, ”Ахмад Америк - Иргэний Дайн” киноны найруулагчид болох Жо Руссо, Энтони Руссо нар болон мөн Чоу Юн Фат, Аарон Квок зэрэг хятадын кино одууд хүрэлцэн ирж оролцсон байна. 6 дахь жилдээ зохион байгуулагдаж байгаа энэхүү наадмын дээд шагнал болох Тиантан шагналд Испани, Канад, ОХУ, Польш, Дани болон Хятад зэрэг орны 15 бүтээл өрсөлдөж байгаа юм байна. Наадмын шүүгчдийн багийг Америкийн найруулагч, продюссер Бретт Ратнер тэргүүлж байгаа бөгөөд шүүгчдийн бүрэлдэхүүнд Германы найруулагч Флориан Хенкель фон Доннерсмарк, Боснийн найруулагч Данис Танович, Румыний найруулагч Корнелю Порумбоу, Японы найруулагч Ёожиро Такита, Хонконгийн найруулагч Тедди Чен болон Хятадын жүжигчин Шу Кин нар багтжээ. 6 дахь удаагийн Бээжингийн Олон Улсын Кино Фестиваль энэ сарын 23-ны өдрийг дуустал үргэлжлэн явагдана.
-
2016 оны 4 сарын 18
Монголын кино урлагт тэр дундаа аймшгийн кинонд нэгэн кино шинээр нэмэгдэж байгаа нь “Ядуугийн зовлон-2” юм. Тэрээр кино урлагийг тэргүүлэгч чадварлаг хамт олны хөдөлмөрөөр бүтэж буй тус кино энэ сарын 22-ний өдөр буюу баасан гарагт бүх кино театруудаар гархад бэлэн болжээ.
Кино эхлэхээс дуусах хүртэл үзэгчдийг уйдаахгүй дэлгэцийн өмнө барьж чадна гэдгээ кино багийнхан ам бардам хэлээд байгаа. “Ядуугийн зовлон-1” УСК одоогоос 18 жилийн өмнө үзэгч түмэнд хүрч өнөөдрийг хүртэл яригдсан сэдэв. Тэгвэл “Ядуугийн зовлон-2” ч мөн адил гарч эхлэхээсээ өмнө олны ярианы сэдэв болоод байгаа бөгөөд гарсан даруйдаа үзэгчдийг байлдан дагуулах нь дамжиггүй биз.
-
2016 оны 4 сарын 18
“Рио-2016” олимпийн эрх олгох таеквондогийн олон улсын тэмцээн Филиппин улсад зохиогдож байна. Тус тэмцээнээс Эрэгтэйчүүдийн 68кг-д П.Тэмүүжин олимпийн мөнгө, хүрэл медальт Афганистаны домогт тамирчин Р.Никпахыг ялж, хүрэл медалийн болзол хангасан. Тэрээр Монголын таэквондогийн спортын түүхэн дэх олимпийн анхны эрх хүртэж буй юм.
Ийнхүү Монгол Улс түүхэндээ анх удаа таэквондогийн төрлөөр ”Рио-2016” олимпийн наадамд оролцохоор боллоо.
Энэ түүхэн амжилтыг Монголын таэквондогийн холбооны Удирдах зөвлөлийн гишүүн, Монголын оюутны таэквондогийн холбооны ерөнхийлөгч Ж.Алдарбаяр өндрөөр үнэлж, 10 сая төгрөгөөр шагнахаар болжээ.
-
2016 оны 4 сарын 18
Жиү жицүгийн шилдгүүд даваа гарагт Абу Дабиг зорино
-
2016 оны 4 сарын 18
Жүдочид багаараа хоёрдугаар байрт орлоо
-
2016 оны 4 сарын 18
”Аватар” киноны дараагийн анги 2018 онд гарна
-
2016 оны 4 сарын 17
Энэ жил МУГЖ, поп дива, дуучин Б.Сарантуяагийн урлагт хөл тавьсны 30 жилийн ой тохиож байгаа болохоор эл хугацаанд хамт байж ирсэн үнэнч сонсогч фэнүүддээ зориулж олон бэлгүүдийг бэлджээ.
-
2016 оны 4 сарын 17
Таны гэрт аз жаргал авчрах 10 цэцэг
-
2016 оны 4 сарын 17
Улсын драмын эрдмийн театраас энэ сард тоглох жүжгийн хуваарийг танилцуулж байна. Энэ сард У.Шекспирийн “Гамлет”, “Ромео Жульетта” жүжгүүдийг тоглохоос гадна Г.Ибсений “Нора” жүжгийг тоглоно. Тодруулбал, энэ сарын 13, 16-д У.Шекспирийн ”Гамлет”, 17-д ”Ромео & Жульетта”, 12-д Г.Ибсений ”Нора”-г тус тус тоглохоор болжээ. Мөн УДЭТ-ын уран бүтээлчид Дархан, Орхон аймагт энэ 22-30-ны өдрүүдэд тоглох гэж байна.
Дөрөвдүгээр сарын үзвэрийн хуваарь:
-
2016 оны 4 сарын 17
Эмэгтэй хүнд чи өөрөө мэд гэж хэлж болохгүй
