Төрийн өмчийн хорооны даргаар ажиллаж байсан, Үндсэн хуулийн цэцийн гишүүн Д.Сугарт холбогдох хэргийг УМБГ-ын  Эдийн засгийн гэмт хэрэг мөрдөх хэлтсийнхэн сэргээн шалгаж эхэлснээс хойш нэлээд хугацаа өнгөрлөө.

Юутай ч зарим эх сурвалжийн мэдээлж буйгаар Д.Сугарын хэрэг шалгалтын явцад АТГ руу шилжиж магадгүй байдалтай байгаа аж.  Түүний үйлдэл нь ТӨХ-ны даргаар ажиллаж байсан үеэс эхлэлтэй болох нь нотлох баримтуудаар ч тогтоогджээ.

Ийн 2-3 үйлдэлд шалгагдаж байгаа Д.Сугар дансандаа орсон 600 сая төгрөг хэн нэгнээс орсныг тайлбарлаж чадахгүй байгааг албаны эх сурвалж мэдээлж байна.  Тэгвэл өөр нэгэн эх сурвалжийн хэлж буйгаар Д.Сугарын дансанд орсон их хэмжээний  мөнгө үнэгүйдүүлж хувьчилсан обьектуудынх нь унац байх гэв.