
Халдварт өвчнөөр өвчлөгчдийн тоо энэ оны нэгдүгээр сард 2520 болж, өмнөх оны мөн үеийнхээс 1850 хүн буюу 42.3 хувиар буурсан талаар Үндэсний статистикийн хорооноос мэдээллээ. Гахайн хавдраар өвчлөгчдийн тоо 93 хувь, вирүст гепатитаар өвчлөгчдийн тоо 78 хувиар буурсан нь ийм дүн гарахад голлон нөлөөлсөн гэнэ. Халдварт өвчин дотор салхин цэцгээр өвчлөгчдийн тоо 30 хүн буюу 5 хувиар өссөнөөс бусад тохиолдолд өвчлөл нэмэгдээгүй ажээ.