Улаан дөрвөлжин” хэмээх сэтгэлгээний драм өнөөдөр нээлтээ хийх юм. "Тусгаар тогнолын ордонд" 19.00 цагаас болох нээлтийн арга хэмжээний өмнө улаан хивсний ёслол болох юм байна.

Уг бүтээлийг “Hamba” фильм болон “Z frame”, “Nesco film sound” студи хамтран бүтээжээ. “Улаан дөрвөлжин” киноны үйл явдал сэтгэл мэдрэлийн эмнэлэгт өрнөдөг бөгөөд дарга, эмч нар болон сэтгэцийн эмгэгтэй эмчлүүлэгчдийн хоорондын харилцааны талаар өгүүлдэг аж.

Кино зохиолыг Д.Золзаяа, Л.Таванбаяр нар бичсэн бол ерөнхий найруулагчаар “Hamba” фильмийн Б.Ганболд, ерөнхий зураглаачаар Б.Отгонзориг, хөгжмийн зохиолчоор Т.Сэр-Од нар ажилласан байна.

“Улаан дөрвөлжин” киноны гол дүрд Төрийн соёрхолт, Гавьяат жүжигчин Ц.Төмөрбаатар, жүжигчин Н.Ялалт, А.Баттүшиг, Э.Батхүү, Б.Анхбаяр, Ө.Иөнгөнтулга, Д.Ганцэцэг, Гавьяат жүжигчин Д.Равдан, Гавьяат жүжигчин С.Дамдин нар тогложээ.

“Улаан гурвалжин” кино хоёр дуутай бөгөөд “Булсара” хамтлагийн “Тэнгэрт нэг удаа“ дууг эл кинонд зориулан шинэчлэн найруулсан бол хөгжмийн зохиолч Т.Сэр-Одын ая, Л.Таванбаярын үг “Замбуулинд ганцхан миний тавилан” нэртэй бүтээлийг киноны дуугаар сонгосон юм.