-
2016 оны 8 сарын 10
- Риогийн олимпийн тавцанг хүчирхэг, эрэмгий,эрч хүчтэй эмэгтэйчүүд чимж, түүхийг шинээр бүтээж байна. Наадмын эхний дөрвөн өдөрт олимпч бүсгүйчүүд Бразилын анхны алтан медалийг авчирч, 7 дахь олимпдоо тоосоо өргөж, Регбигийн аварга болж мянга мянган үзэгчдийн сэтгэлд хоногшсон тоглолтуудыг гаргаж байна.
Олимпийн хөтөлбөрт шинээр дахин багтсан регби долоогийн анхны медалийг Австрали, Шинэ Зеланд, Канадын бүсгүйчүүд зүүсэн. ”Деодоро” цэнгэлдэхэд явагдсан финалын тоглолтонд Австрали хөрш Шинэ Зеландыг 24:17-гоор буулгаж авсан юм.
”Итгэмээргүй гайхалтай байна. Алтан медаль зүүхийг юутай ч харьцуулшгүй” хэмээн Австралийн тоглогч Жемма Этеридж сэтгэл хөдлөлөө барьж ядан ярив.
”Бид сүүлийн дөрвөн жил маш их хөдөлмөрлөж, бэлдсэн. Одоо түүнийхээ үр шимийг амсаж байна. Регби ямар онцгой болохыг хүмүүс харж байгаа байх”
- ХҮЙСИЙН ХЭВШМЭЛ ОЙЛГОЛТЫГ ЭВДЭГЧИД
Эрэгтэйчүүдийн регби 92 жилийн дараа олимпод эргэж ирсэн бол (Сүүлд 1924 оны олимпод багтсан) эмэгтэйчүүдийнх дебутээ Риод хийж байна. Олимпийн хөтөлбөрт багтсанаар регбиг сонирхох хүүхэд залуус нэмэгдэж, илүү хурдтай хөгжинө хэмээн 29 настай Этеридж найдаж байна.
”Энэ дэлхийн тавцангаас эмэгтэйчүүдийн регби шинэ түвшинд гарна гэдэгт итгэлтэй байна. Олон охид бидний тоглолтыг алгасалгүй үзэж, урам зориг авч, хичээллэхийг хүсч буйгаа мессежээр илгээж байна. Хэдий чинээ олон хүнд энэ спортын сайхныг мэдрүүлж, сэтгэлийг нь татна төдий чинээ бидний амжилт өндөр байх болно”
***
Спортын ертөгнцөд бугласан хүйсийн зарим хэвшмэл ойлголт Риогийн наадмын хүчирхэг бүсгүйчүүд эвдэж, үндэсний баатар болон өргөмжлөгдөж байна.
Жүдогийн 57 кг-д аваргалсан Рафаела Силва бол тэдгээр бүсгүйчүүдийн нэг. Рио де Жанейрогийн хамгийн тарчиг, аюултай дүүрэгт төрж өссөн тэрээр арьс өнгөний үзлээс болж спортоо орхихдоо хүртэл тулж байлаа. Гэсэн ч сэтгэлийн хат, тэсвэр тэвчээр заан урагшилсаар өдгөө үндэсний баатар болоод байна. 24 настай тэрээр аваргын төлөө манай Д.Сумьяатай барилдаж ялалт байгуусан юм. Кариоча буюу Риогийн унаган иргэн Силвагийн шагналын цуглуулганд мөн Дэлхийн аваргын (2013) алт байдаг.
***
Дипа Кармакар Энэтхэгийн түүхэнд уран сайхны гимнастикаар олимпод хөл тавьсан анхны тамирчин болж буй. 23 настай тэрээр зүгээр нэг оролцох тус ганцаарчилсан тавцангийн финалд шалгарсан. Дипагаас өмнө 1964 онд Энэтхэгийн гимнастикч хамгийн сүүлд олимпод тоосоо өргөж байв.
***
Нас бол зөвхөн тоо гэдгийг ч зарим эмэгтэйчүүд бодитоор баталж байна. Рио бол Узбекистаны гимнастикч Оксана Чусовитинагийн оролцож буй 7 дахь олимп. Өдгөө 41 настай тэрээр нас болон оролцсон олимпийн тоогоороо рекорд тогтоон гимнастикийн түүхэнд алтан үсгээр бичигдэж буй юм.
***
Өөр бас сонирхолтой зүйл ч байна. Бразилын регбийн шигшээ багийн тоглогч Исадора Серулло гэрлэх саналаа Деодоро цэнгэлдэхэд мянга мянган үзэгчдийн өмнө хүлээж авсан. Түүний найз эмэгтэй ийнхүү бүсгүйд мартагдашгүй бэлэг барьсан юм.
Серуллогийн багийн хамтрагч Ракель Кочханн ”Бид бүгд түүний төлөө баяртай байна. Энэ бол хүний амьдралын хамгийн аз жаргалтай, мартагдашгүй тохиолын нэг” хэмээв.
***
Олон улсын олимпийн хорооны (ОУОХ) эмэгтэйчүүдийг дэмжих бодлого үр дүнгээ өгч буйг сүүлийн хоёр олимпоос тод харж болно. ОУОХ , олон улсын спортын холбоод болон зохион байгуулах комисстой хамтран олимпийн хөтөлбөр дэх эмэгтэйчүүдийн төрлийн тоог нэмэгдүүлсэн юм. Олимпийн хөтөлбөрт багтах хүсэлт гаргасан спортод заавал эмэгтэйчүүдийн төрөл байх ёстой гэсэн дүрэм1991 оноос хойш мөрдөгдөж байгаа.
Дөрвөн жилийн өмнөх Лондоны наадамд нийт 4,676 эмэгтэйчүүд оролцож түүхэн рекорд тогтоосон. Наадмын нийт тамирчдын 44 хувь нь эмэгтэйчүүд байсан тохиолдол өмнө нь гарч байгаагүй. Мөн Лондонд анх удаа бүхий л спортод эмэгтэйчүүд өрсөлдсөн.
Нийт тамирчдын дунд эмэгтэйчүүдийн эзлэх хувь Рио 2016-д өмнөхөөс дээшилсэн. 51 үндэсний олимпийн хороодын багт эмэгтэйчүүд давамгай хувь эзэлсэн байлаа.
-
2016 оны 8 сарын 10
“Маш нууц” уран сайхны киноны хоёрдугаар ангийг хийхээр киноны уран бүтээлчид бэлтгэл ажилдаа оржээ.
-
2016 оны 8 сарын 10
Зуны олимпийн наадам эхлээд 5 дахь өдрөө үргэлжилж байна. Өнөөдрийн байдлаар АНУ-ын баг медалийнхаа тоогоор тэргүүлж байна. Араас нь Хятадын баг удаалж байна.
Нийт 40 орон ямар нэг медаль авснаас манай улс 32-т эрэмбэлэглэж байна.
-
2016 оны 8 сарын 10
Фото: Олимпийн дөрөв дэх өдөр гэрэл зурагт
-
2016 оны 8 сарын 10
Тулгар төрийн 2225, Их Монгол улсын 810, Ардын хувьсгалын 95 жилийн ойн их баяр наадамд хүчит бөхийн барилдаанд Архангай аймгийн харьяат Ч.Санжаадамба арав даван түрүүлж, Монгол Улсын аварга цол хүртсэн билээ.
Тэгвэл Аварга Ч.Санжаадамба цолны хүндэтгэлийн наадмаа хийхээр болжнн. Тэрээр өөрийн цахим хуудаснаа “Сайн байцгаана уу, нүүр номын найзууд аа! Энэ өдрийн мэндийг хүргэе ээ. Аварга цолны маань хүндэтгэлийн наадам төрөлх Хашаат суманд энэ сарын 14-нд болно. Наадамд хүчит бөхийн барилдаан, их нас, соёолон, шүдлэн морьд уралдана. Та бүхнийг урьж байна” хэмээн бичжээ.
-
2016 оны 8 сарын 10
Усанд сэлэлтийн тамирчин Майкл Фелпс олимпийн наадмаас 23 дахь медалиа хүртээд байсан. Тэрээр өмнөх олимпод түрүүлж чадаагүй 200 метрийн эрвээхий сэлэлтийн төрөлд түрүүлж, 20 дахь алт, нийт 24 дэх медалийн эзэн боллоо.
-
2016 оны 8 сарын 10
Монголын урлагийн ертөнц дэх үлгэр жишээ гэр бүлүүдийн нэг ”DOZ entertainment”-ийн захирал Ш.Доржсүрэн жүжигчин А.Мөнгөнзул нарын авъяаслаг хүү Д.Эрдэнэбулганы ээлжит уран бүтээл тун удахгүй нээлтээ хийх гэж байна.
Урлагийн гэр бүлд төрж өссөн тэдний том хүү Д.Эрдэнэбулган нь PLUS MOTION pictures-ийг байгуулж кино урлагт хөл тавьсан бөгөөд анхны уран бүтээл нь ”ДУРЛАЛ СҮЙТГЭГЧ” уран сайхны кино байсан бол одоо цоо шинэхэн уран бүтээлээрээ уулзах гэж байна.
Энэ удаа PLUS MOTION PICTURE-ын 2 дахь дэлгэцийн бүтээл ”НЭГ ӨДРИЙН ДАЙСАН” уран сайхны кино энэ сарын 26 нд бүх кино театруудаар гарахад бэлэн болоод байгаа аж. Гол дүрд сүүлийн үед кино найруулагчийн ажлыг илүүд үзэх болж гадаад оронд очиж олон кино хийж үзэгчиддээ амжилттай хүргэж байсан жүжигчин Ш.Доржсүрэн буюу Дооёо тоглосон аж. Мөн түүнтэй хамт залуу жүжигчин Г.Билэгжаргал ( Бэкэ) өвөрмөц хоолой, донжоороо үзэгчдийн аль хэдийний танил болсон дуучин С.Хишигжаргал нар тоглосон байна.
-
2016 оны 8 сарын 10
Риогийн олимпийн 4 дэх өдөр манай хоёр жүдоч зодоглосон ч медальд хүрч чадсангүй. Эрэгтэй - 81 кг-д ОУХМ О.Ууганбаатар Египетийн Мохамед Абделаалтай эхний шатанд таарч дийлдсэнээр анхны олимпоо өндөрлүүллээ. 26 настай Африкийн хошой аварга манай тамирчныг иппон үнэлгээгээр цаг дуусахын өмнө өвдөг шороодуулсан.
Эмэгтэй - 63 кг-д ОУХМ Ц.Мөнхзаяа барилдаж эхний шатанд Мароккогийн бөхийг цэвэр ялж тэмцээнээ эрчтэй эхлүүлсэн. Гэвч дараагийн тойрогт Хятадын Ян Жун Шиад харамсалтай байдлаар дийлдсэнээр мөн хасагдсан юм.
Хоёр дахь олимпдоо оролцож буй манай бөх барилдааны эхэнд юүко үнэлгээ аван тэргүүлж байсан ч удалгүй хөл алдан даралтанд орсноор 2:55 минутанд иппон үнэлгээ алдсан.
Өнөөдөр манай жүдочдоос эрэгтэй 90 кг-д Л.Отгонбаатар, эмэгтэй 70 кг-д Ц.Наранжаргал нар Риогийн татамид гарна.
***
- МЭРГЭН БУУЧИД ФИНАЛДАЖ ЧАДСАНГҮЙ
Деодорогийн ”Үндэсний буудлагын төв”-д энэ өдөр эмэгтэй 25 метрийн спорт гар бууны дасгалын урьдчилсан шат явагдлаа. Тогтоол болон түргэн гэсэн хоёр шаттай явагддаг тус буудлагад нийт 40 тамирчин өрсөлдсөн бөгөөд эхний 8 байр хагас шигшээн эрхтэй байлаа.
ОУХМ Ц.Мөнхзул тогттоолд 289, түргэнд 291 оноо цуглуулж нийт 580 оноотой 11-р байр эзэлсэн бол О.Гүндэгмаа 579 (Тогтоол 284, 295) оноотой удаах байранд бичигдсэн юм.
Ийнхүү 6 дахь түүхэн олимпийн наадамдаа тоосоо өргөж буй О.Гүндэгмаа гавьяат болон Ц.Мөнхзулын хувьд тэмцээн өндөрлөж байна. Тэд 10 метрийн хийн гар бууны дасгалд мөн финалдаж чадаагүй юм.
Одоо манай буудлагын тамирчдаас Г.Нандинзаяа 8 сарын 11-нд 50 метрийн урт бууны гурван байрлалт дасгалд цэц мэргэнээ сорино.
- Д.ОТГОНДАЛАЙ ЯЛАЛТ БАЙГУУЛЛАА
Энэ өдрийн манай тамирчдын сүүлийг мушгиж боксын 60 кг-ийн жинд Д.Отгондалай Риогийн рингэн дээр гарч тулалдлаа. Эхний тойрогтоо чансааны эрэмбээр хийлсэн тэрээр шөвгийн наймд үлдэхийн төлөөх тулаанаа Нидерландын Энрико Лакрузтай хийсэн юм. Гурван үе үргэлжилсэн эн тэнцүү тулааны эцэст манай тамирчин 2:1-ээр ялалт байгуулж дараагийн шатны эрхээ халаасаллаа.
Тэрээр одоо Улаанбаатарын цагаар 8 сарын 13-ны өдрийн 06:00 цагаас шөвгийн дөрөвт үлдэхийн тулд Алжирын боксчин Реда Бенбазизтай тулалдах юм.
Өнөөдөр буюу 8 сарын 10-ны өдөр боксын тулаанууд явагдаж буй ”Риоцентро”-гийн 6-р павилионд манайхан олуулаа цуглана. 49 кг-д Г.Ган-Эрдэнэ, 56 кг Э.Цэндбаатар нар Риогийн рингэнд гарч тулалдах юм.
-
2016 оны 8 сарын 10
Зуны Олимпийн наадамд оролцож буй Монголын баг тамирчдын өнөөдрийн хуваарийг танилцуулж байна. Тэрээр,
Жүдо бөх - 22:00 цагт:
Эрэгтэйчүүдийн 90 кг - Л.Отгонбаатар
Эмэгтэйчүүдийн 70 кг - Ц.Наранжаргал
Бокс - 23:00 цагт:
56 кг-ийн жинд Э.Цэндбаатар,
69 кг-ийн жинд Б.Түвшинбат
Хүндийн өргөлт - 03:30 цагт:
Эмэгтэйчүүдийн 69 кг-ийн жингийн тэмцээнд залуучуудын ДАШТ-ийн алт, мөнгөн медальт М.Анхцэцэг өрсөлдөнө.
-
2016 оны 8 сарын 10
Рио-2016 олимпийн наадмын дөрөв дэх өдрийн боксын тэмцээн үргэлжлэн явагдлаа. Энэ өдөр эрэгтэй 60 кг-д Д.Отгондалай Нидерландын боксчин Энрико Лакрустай тулалдаж, ялалт байгуулснаар шөвгийн наймд шалгаран үлдлээ.
Түүний дараагийн учраа нь Алжирын Реда Бенбазиз юм байна. Тэрээр энэ сарын 13-ны өдөр буюу ирэх бямба гаригт тулалдах аж.
-
2016 оны 8 сарын 10
Эхний 30 сумны дараах байдлаар Ц.Мөнхзул 289 оноотой 19, О.Гүндэгмаа 284 оноотой 35-р байруудад бичигдэж байна.
Одоо рапид буюу түргэн буудлагад тамирчид 3 секундын зайтай 30 сумыг тавих юм.
Нийлбэр дүнгээр эхний 8 байранд орсон тамирчид хагас шигшээд үлдэх бөгөөд улмаар тэндээс шигшигдэж финалд 4 тамирчин гарах юм.
-
2016 оны 8 сарын 10
Жүдогийн эмэгтэйчүүдийн 63 кг-ийн жинд зодоглож буй Ц.Мөнхзаяа эхний барилдаандаа Мороккогийн бөхийг ялсан бөгөөд тэрээр дараагийн учраа болох БНХАУ-ын тамирчид Ян Жуншиатай барилдан ялагдал хүлээлээ.
-
2016 оны 8 сарын 10
Олимп: О.Ууганбаатар ялагдал хүлээлээ
-
2016 оны 8 сарын 09
Жүдогийн эмэгтэйчүүдийн 63 кг-ийн жинд зодоглож буй Ц.Мөнхзаяа эхний ялалтаа авлаа. Тэрээр Мороккогийн бөхөөр иппондож авлаа. Ингэснээр Ц.Мөнхзаяа шигшээ наймд үлдэхийн төлөө БНХАУ-ын тамирчид Ян Жуншиатай учраа таарлаа.
-
2016 оны 8 сарын 09
Жүдо бөхийн төрөлд мөнгөн медаль хүртсэн Монгол Улсын гавьяат тамирчин Д.Сумъяа энэ сарын 19-нд эх орондоо ирэх юм байна. Харин наадмын эхний өдрүүдэд тэмцээн уралдаандаа оролцсон тамирчид энэ сарын дундуур эх орондоо ирэх аж.
-
2016 оны 8 сарын 09
Фото: Олимпийн гурав дахь өдөр гэрэл зурагт
-
2016 оны 8 сарын 09
Арав болон түүнээс олон олимпийн наадам сурвалжилсан спортын 100 сэтгүүлчдийг Олон Улсын Спортын Сэтгүүлчдийн холбооноос (AIPS) алдаршууллаа. Рио де Жанейрогийн Барра да Тижука дүүрэг дэх “Tokyo 2020 Japan House”-д уг ёслол болсон юм.
Олимпоор ”мэргэшсэн” 100 гаруй ган үзэгт хал цэргүүдийн дунд Монголын хоёр төлөөлөгч багтсан байлаа. МҮОХ-ны ерөнхий нарийн бичгийн дарга Ж.Отгонцагаан 13 дахь олимптоо ажиллаж буй бол Монголын спортын сэтгүүлчдийн холбооны ерөнхийлөгч Ч.Отгонбаатарын 10 дахь наадам нь Рио.
AIPS ахмад сэтгүүлчиддээ өөрсдийн албан ёсны хамтрагч Hanov-ийн бүтээсэн олимпийн галт бамбарын загварыг гардуулж хүндэтгэл үзүүлсэн.
- Олимпийн сэтгүүлчид: Ч.Отгонбаатар, Ж.Отгонцагаан
The World of Sports Agency”-гийн Итали сэтгүүлч Жиулиано Бевилакуа нийт 25 олимпод (Зуны 13, Өвлийн 12) ажилласнаараа бусдыгаа манлайлдаг бол ”Sportinformation Si”-гийн Петер Фрей 24 (Зуны 12, Өвлийн 12), ОУОХ-ны хүндэт гишүүн, L’Equipe-н сэтгүүлч асан Алайн Люценфичтер 21 (Зуны 12, Өвлийн 9) нар удаалдаг юм.
AIPS 2012 оны Лондоны олимпоос хойш гурав дахь удаагаа 10 олимпийн босгыг давсан ахмад, ган үзэгнүүдээ ийнхүү алдаршуулж байна.
-
2016 оны 8 сарын 09
УИХ-ын дарга М.Энхболд Д.Сумъяатай утсаар холбогдон баяр хүргэлээ
-
2016 оны 8 сарын 09
Олимпийн медалийн чансаагаар 4 алт, 2 мөнгө, 4 хүрэлтэй БНХАУ тэргүүлж, 4 алт, 3 хүрэлтэй Автрали 2-т, 3 алт, 6 мөнгө, 4 хүрэлтэй АНУ гутгаар байрт явна.
Монгол Улс 1 мөнгөн медальтай 26-д ...Дашрамд дурдахад 26-д одоогоор 1 мөнгөн медаль аваад байгаа Монголоос гадна ӨАБНУ, БНАСАУ, Дани, Франц, Филиппин, Азербайжан зэрэг 7 орон жагсчээ.
-
2016 оны 8 сарын 09
Өчигдөр шөнө боксийн 49 кг-ийн жинд хүч үзсэн Г.Ган-Эрдэнэ Эквадорын тамирчинд ялагдснаар тэмцээнээ дуусгаж байна. Тэрээр эхний тойрогтоо гоц мөргөж, шөвгийн наймд үлдэх эрхийн төлөөх тулаандаа ялаглаж ийнхүү тэмцээнээ өндөрлүүллээ.
