МУГЖ Д.Энхзул сүүлийн жилүүдэд хүүтэйгээ хөтлөлцөн тайзыг чимэх болсон. Ээж хүү хоёр хамтран дуулж, хэд хэдэн удаа хамтдаа тоглолтоо хийж сонсогч түмнээ баярлуулсан. 

Тэгвэл энэ удаад ээж хүү хоёр дахин хамтарсан тоглолтоо хийхээр бэлтгэл ажлаа базааж явна. Тэд удахгүй тохиох олон улсын эмэгтэйчүүдийн эрхийг хамгаалах өдөрт зориулан “Эх үрийн дуу” нэртэй тайлан тоглолтоо  хийхээр болжээ.

Тоглолт  Монгол бөхийн өргөөнд гуравдугаар сарын 6-ны 19:00 цагт болох юм байна. Тоглолтод дуучдын  шалгармал болсон дуунууд эгшиглэх бөгөөд ээжүүд, эмэгтэйчүүд, охид бүсгүйчүүдийг хүрэлцэн ирж нэг үдшийг хамтдаа дуулж өнгөрүүлэхийг урьж байна.