Байгаль орчин, ногоон хөгжил, аялал жуулчлалын яамны Тусгай хамгаалалттай нутгийн удирдлагын газрын “Монгол орны тусгай хамгаалалттай газар нутгийн үнэ цэнэ” сэдэвт чуулган өнөөдөр эхэлнэ.

Олон улсын чиг хандлагаас харахад дэлхийн хамгийн том 100 хотын гуравны нэг нь ундны усаа тусгай хамгаалалттай газар нутгаасаа авч хэрэглэдэг байна. Мөн Танзани улсын Сирэнгэтийн паркаа түшиглэн олсон орлого нь тус улсын төсвийн 50 хувийг бүрдүүлдэг жишээтэй. Эдгээр баримтуудаас харахад онцгой үнэ, цэнэ ач холбогдол бүхий газар нутгийг тусгай хамгаалалтад оруулах нь чухал ач холбогдолтой бөгөөд түүний менежмэнтэд олон талууд оролцсон анхаарах шаардлагатай юм. Чуулганд оролцогчид тусгай хамгаалалттай газар нутгийн үнэ, цэнэ ач холбогдлын талаар нэгдсэн ойлголттой болж улмаар тусгай хамгаалалттай газар нутгийн үр ашигтай менежмэнт, тогтвортой санхүүжилтийг хангах арга зам, боломжийг тодорхойлох ажээ.