-Хэзээ ч, хэдийд, хэнтэй ч уулзсан их ярьсны хэрэггүй.

-Хүний яриа эзнээ хэн болохыг илчилдгийг бүү март.

-Нэр хүндтэй хүнтэй болгоомжтой харьц.

-Өөрийгөө түүний зэрэг зиндаанд хүрэхгүй хүн гэдгээ мэдэж байгаа бол онцын шаардлагагүй үед тийм хүмүүсийн нүдэнд нь өртсөний хэрэггүй.

-Олон хүнтэй газар хов жив элбэг, элдэв явган яриа их байдгийг үргэлж анхаарч яв.

-Аль болохоор өөрийгөө завгүй байлгахыг хичээ.

-Ажилч хичээнгүй, завгүй хүн хов живээс хол байдаг.

-Цэвэр цэмцгэр аятайхан хувцаслаж бай.

-Өөрийгөө олон нийтэд яаран бүү таниул.

-Өөрийн чинь тухай эвгүй үг яриа гарсан ч тэвчээртэй хүлээж ав.

-Хувцсаар нь угтаж, сэтгэлээр нь үддэг гэсэн мэргэн үгийг сана.

-Хүмүүст элэгсэг зөөлөн найрсаг хандаж яв.

-Сод авьяас, зөв харилцаа, нөр хөдөлмөр, хэлсэндээ хүрдэг чанар хүнд цаг ямагт сонирхол төрүүлдэг гэдгийг анхаараарай.