Өнөөдөр нээлтээ хийж буй "Хонгор нутаг" үзэсгэлэнгийн чөлөөт уран бүтээлч Н.Оросоогоос зарим зүйлийг тодрууллаа.

-Аливаа зүйл ямар нэгэн зорилгоор хийгддэг шүү дээ. Тэгвэл "Хонгор нутаг" үзэсгэлэнгийн зорилгыг тодорхойлооч?
 
-Баянхонгор аймгийн харъяат нутаг усаараа овголсон уран бүтээлчдийн “Хонгор нутаг” уран бүтээлийн үзэсгэлэн өнөөдөр нээлээ. Үзэсгэлэн маань 30-ныг хүртэл үргэлжилнэ. Үзэсгэлэнгийн зорилго төрлөх нутгийнхаа хөгжил, ард түмний амьдрал, бүтээн байгуулалт болон нутгийнхаа байгалийн гоо сайхан түүх дурсгал зэргийг уран бүтээлийн ухаанаар сурталчилах зорилгыг агуулж байгаа юм. Мөн Баянхонгорынхоо зураачдыг нэгтгэх зорилготой.

-Үзэсгэлэнд тавигдсан бүтээлүүдийг харахад буган чулуун хөшөө, сийлбэр зэргийг түлхүү дүрсэлсэн харагдана?

-Баянхонгор нутаг нүүдэлчин өвгөдийн бүтээж үлдээсэн буган чулуун хөшөө, бунхан, хадан дээр сийлж цоолборлон үлдээсэн зураг, чимэглэлийн дурсгалуудаар баян юм. Хонгор нутгийн ахмад, дунд, залуу үеийн уран бүтээлчид өөрсдийн бүтээлээсээ дэлгэж байна.

-Үзэсгэлэнд хэчнээн уран бүтээлчийн уран зураг, тосон зураг, уран баримал зэрэг тавигдсан бэ?

-Үзэсгэлэнд Гавъяат багш П.Цэрэндорж, МУЭ-ийн шагналт ахмад зураач З.Доржжанцан, Ц.Уртнасан, Д.Эрдэнэ, Д.Мягмар , С.Бадрал зэрэг хот хөдөөгийн 30 гаруй уран бүтээлчийн 80 гаруй бүтээл дэлгэгдэж байна.