Залуу яруу найрагчдын дунд зохион байгуулдаг яруу найргийн “Цагаан-Уул-2013” наадмыг Монголын залуучуудын холбооноос 16 дахь жилдээ зохион байгуулах гэж байна. Наадмын шилдгүүд маргааш тодорно.

Анх 1991 оноос зохиогдож эхэлсэн тус наадам залуу яруу найрагчдыг дэмждэг, яруу найраг сонирхогчдын хүсэн хүлээдэг наадмын нэг болоод удаж буй. Хайрын шүлэг, хайрын тухай дууны үг, хайрын богино хэмжээний шүлгэн мессежний уралдаан гэсэн гурван төрлөөр болох уг наадамд оролцох бүтээлийг өнгөрсөн сарын 05-25-ны хооронд хүлээн авсан билээ. Наадмын хайрын шүлгийн төрөлд 114 хүн шүлгээ ирүүлсэн бол дууны үг гэсэн төрөлд 19 хүн бүртгүүлжээ. Ингээд та бүхэнд шилдэг оролцогчдын бүтээлүүдийг цувралаар хүргэж байна. Мөн тун удахгүй шилдэгт үлдэж шалгарсан бүтээлүүдийг хүргэх болно.