Ардчилсан намын Үндэсний бодлогын хороо өчигдөр цахимаар хуралдаж Засгийн газарт хамтрах саналыг 92 хувиар дэмжсэн бол, Л.Гантөмөрийг АН-ын даргаар улираан ажиллуулахыг ҮБХ-ны гишүүдийн 85 хувь дэмжсэн байна.

Монгол ардын намаас Засгийн газарт хамтран ажиллах хүсэлтээ өнгөрсөн Пүрэв гаригт Ардчилсан намд хүргүүлсэн. Тиймээс Ардчилсан намын Улс төрийн зөвлөл хуралдаж МАН-тай хамтарч ажиллах талаар хэлцэл хийж болох талаар шийдвэр гаргасан юм.