Сонгуулийн ерөнхий хорооны байранд

10:00 цагт Нам, эвсэл болон ТББ-ын төлөөлөл сонгуулийн автоматжуулсан системийг шалган турших, баталгаажуулах үйл ажиллагаа болно.

Д.Сүхбаатарын талбайд

10:30 цагт Монполимет группийн 1,300 гаруй ажилтны төлөөлөл тайвнаар жагсаж, үйлдвэрүүдийг нь нээн, үйл ажиллагаагаа хэвийн явуулах эрхээр хангаж өгөхийг шаардана.

АТГ-ын үүдэнд

11:30 цагт Эдийн засагч Р.Даваадорж зөвхөн 2024 оны төсвийн хөрөнгө оруулалтын бүтээн байгуулалт, төсвийн зарцуулалттай газар дээр нь танилцаж хэд хэдэн аймгаар явахад гэмт хэргийн шинжтэй үйлдлүүд илэрсэн тул АТГ-т шалгуулахаар хандаж, мэдээлэл хийнэ. 

"Монгол ньюс" мэдээллийн төвд

11:00 цагт Азид анх удаа диск гольфын спортыг хөгжүүлэх зорилгоор “Олон улсын мэргэжлийн диск гольфын холбоо” болон АНУ-ын Паул Макбет сангийн төлөөлөгчид удахгүй тэмцээн зохион байгуулах талаар мэдээлнэ.

11:30 цагт УИХ-ын сонгуулийн есдүгээр тойрогт АН-аас нэр дэвшигч С.Эрдэнэ МАН-аас нэр дэвшигч Ж.Ганбаатарыг нээлттэй мэтгэлцээнд дуудаж, мэдээлэл өгнө.

“Үндэсний мэдээллийн төв”-д

11:30 цагт УИХ-ын сонгуулийн 12 дугаар тойрогт Хан-Уул дүүрэгт МАН-аас нэр дэвшигч Л.Нинжжамц цаг үеийн асуудлаар хэвлэлийн хурал зохион байгуулна.

Нээлттэй Нийгэм Форумын байранд

15:00 цагт Газрын хэвлийн баялаг ашиглахтай холбоотой Засгийн газар болон орон нутгийн чиг үүргийн хуваарилалтын талаар тайлангийн хэлэлцүүлэг болно.