Оймс үйлдвэрлэгч “Сувд бадмаараг” ХХК-ийн үйлдвэрлэж буй бүтээгдэхүүнийг БНХАУ-аас ихээр оруулж ирэн "Монгол үйлдвэрлэв" гэсэн хаягтайгаар худалдан борлуулж байгаа талаар гаргасан иргэдийн гомдлын дагуу Шударга өрсөлдөөн, хэрэглэгчийн төлөө газраас холбогдох хяналт шалгалтыг хийжээ.

Энэ талаар ШӨХТГ-ын албаны эх сурвалжаас тодруулахад "Манайх иргэдээс ирж буй гомдлыг заавал шалган барагдуулах үүргийн дагуу “Сувд бадмаараг” ХХК-ийн оймсны үйлдвэрт очин шалгалт хийсэн. Ингэхэд БНХАУ-аас оймс оруулж ирдэг нь батлагдаагүй ба өөрийн үйлдвэр дээрээ бүтээгдэхүүнээ хийж байсныг тогтоосон. Тэгэхээр уг гомдол үнэн байдалд нийцэхгүй, ташаа мэдээлэл байсан гэдгийг хэлэх нь зүйтэй болов уу" гэв.