БАРИМТ 1
Түүний жинхэнэ нэрийг Хорхе Марио Бергольо гэдэг байв.
БАРИМТ 2
1936 оны арванхоёрдугаар сарын 17-нд Буэнос Айресын хөрш Флорес хотод мэндэлжээ.
БАРИМТ 3
Тэрээр Марио Хосе Бергольо, Регина Мариа Сивори нарын таван хүүхдийн хамгийн том хүү болон хорвоод мэндэлжээ.
БАРИМТ 4
Аав Марио Бергольо нь Италийн цагаач нягтлан бодогч байсан. Харин ээж Регина Сивори нь Буэнос Айрес хотод хойд Итали гаралтай гэр бүлд төрсөн гэрийн эзэгтэй байв.
БАРИМТ 5
Аавынх нь гэр бүл Бенито Муссолинигийн фашист дэглэмээс зугтахын тулд 1929 онд Италийг орхижээ. Пап ламын цорын ганц амьд дүү Мария Елена Бергольогийн хэлснээр гэр бүл нь эдийн засгийн шалтгаанаар цагаачлаагүй.
БАРИМТ 6
Түүний бусад дүү нар нь Оскар Адриан, Марта Регина, Альберто Хорасио нар бүгд хорвоог орхижээ. Түүний зээ охин Кристина Бергольо нь Испанийн Мадрид хотод амьдардаг зураач юм.
БАРИМТ 7
Зургадугаар ангид байхдаа тэр Буэнос Айрес мужийн Рамос Межиа дахь Дон Боско хотын Салесиануудын Уилфрид Барон де лос Сантос Ангелес сургуульд элсжээ. Дараа нь тэрээр "Escuela Técnica Industrial Nº 27" Хиполито Йригойен техникийн дунд сургуульд суралцаж , химийн техникч мэргэжлээр төгссөн.
БАРИМТ 8
Сургуулиа төгсөөд тэрээр Хикетьер-Бахманы лабораторийн хүнсний хэсэгт хэдэн жил ажиллажээ. Өмнө нь тэрээр жижүүр хийж байсан.
БАРИМТ 9
21 настайдаа амь насанд аюултай уушгины хатгалгаа, гурван уйланхай өвчний дараа Бергольо уушгины нэг хэсгээ бүрэн тайруулжээ.
БАРИМТ 10
Католик сүмийн тэргүүн бөгөөд 2013-2025 онд Ватикан хотын бүрэн эрхт эзэн байсан.
БАРИМТ 11
Тэр бол Есүсийн нийгэмлэгийн анхны пап, мөн Өмнөд Америкийн Иесуитийн нийгэмлэгийн анхны пап юм. Мөн 8-р зууны Сирийн пап Григорий III-аас хойш Европоос гадуур төрж, өссөн анхны хүн.
БАРИМТ 12
Тэрээр 1969 онд католик шашны тахилчаар томилогдсон. 1973-1979 онд Аргентины Иезуит мужийн ахлагч байв. 1998 онд Буэнос-Айресын хамба болж, 2001 онд Пап лам II Иоанн Паул кардинал болгожээ.
БАРИМТ 13
Тэрээр 2001 оны арванхоёрдугаар сард Аргентинд болсон үймээний үеэр Аргентины сүмийг удирдаж байсан. Нестор Киршнер , Кристина Фернандес де Киршнер нарын засаг захиргаа түүнийг улс төрийн хувьд өрсөлдөгч гэж үздэг байв.
БАРИМТ 14
2013 оны 2-р сарын 28-д Пап XVI Бенедикт сэнтийгээс бууж, сарын дараа 3-р сарын 13-аас 76 настай Берголио Ромын шинэ Папаар сонгогдож, Францис хэмээх алдрыг хүртсэн. Тэрээр Францис гэх нэрийг Ассизийн гэгээнтэн Францисын хүндэтгэлд зориулж өөрийн нэрээ болгожээ.
БАРИМТ 15
Амьдралынхаа туршид Францис даруу зан, Бурханы нигүүлслийг тээгч, ядууст санаа тавьдаг, шашин хоорондын яриа хэлэлцээг тууштай баримталдаг гэдгээрээ алдартай байв. Тэрээр мөн өмнөх пап лам нарын адил Төлөөлөгчийн ордны папын орон сууцанд биш, "Domus Sanctae Marthae" зочны байшинд амьдрахыг сонгосон нь эгэл даруу, ард түмэнтэйгээ ойр хэмээн алдарших гол үндэс болжээ.
БАРИМТ 16
Тэр мөн эмэгтэйчүүдийг Ромын Кури дахь дикастерийн бүрэн эрхт гишүүн болгосон. Тэрээр Католик сүм ЛГБТК нийгэмлэгийн гишүүдэд илүү өрөвдөх сэтгэлтэй байх ёстой хэмээн үздэг ч, ижил хүйстнүүдийг адислахыг зөвшөөрдөггүй байсан.
БАРИМТ 17
Берголио залуу байхдаа Сан Лоренцо де Алмагро хөлбөмбөгийн багийг хөгжөөн дэмждэг байсан.
БАРИМТ 18
Мөн танго бүжиг болон Латин Америкийн уламжлалт бүжиг болох милонгад дуртай байжээ.
БАРИМТ 19
Пап Францис өөрийн санваартан болох дуудлагаа Аргентины Хаврын баярын үер анх олж сонсчээ. Тэрээр наманчлал хийхээр сүм рүү алхаж байхдаа санваартан болох дуудлага хүлээн авсан байна. Хорхе Марио Берголио Буэнос Айрес хотын шашны их хүрээний "Язгуур гэм нүгэлгүй үр тогтолт" семинарт суралцаж төгсөөд, улмаар 3 жилийн дараа буюу 1958 оны 3 сарын 11-нд Есүсийн Нийгэмлэг буюу Есүитэд элсэх хүсэлт гаргаж, Чили улсын Сантьяго хотод хүмүүнлэгийн ухаанаар суралцаж 1960 оны 3 сарын 12-нд тус нийгэмлэгт элсжээ.
БАРИМТ 20
1960 онд Сан Хосегийн Максимо Коллежид суралцаж, философийн эрдмийн зэрэг хүртжээ. Үүний дараа 1964-1965 онд "Язгуурын гэм нүгэлгүй үр тогтолт" коллеж болон Санта Фе хотын дунд сургуульд уран зохиол, сэтгэл судлалын багшаар ажилласан. 1969 оны 12 сарын 13-нд санваартны хэргэмтэй болсон. Сан Мигелийн Философи, Шашин судлалын факультетад үргэлжлүүлэн сурч, тус факультетаддаа шашин судлалын профессороор ажиллав.
БАРИМТ 21
1973 оны 7-р сарын 31-нд Есүит нийгэмлэгийн Аргентин дахь бүсийн удирдагчаар томилогдсон. 1980 оноос Сан Мигелийн Философи, Шашин Судлалын факультетийн ректороор томилогдож 1986 он хүртэл ажилласан.
БАРИМТ 22
1986 онд ректорын ажлаа хүлээлгэж өгснийхөө дараа Германы Франкфурт хот руу явж, тэндээ Гэгээн Жоржийн Философи, Шашин судлалын сургуульд судалгааны ажил хийжээ.
БАРИМТ 23
1992 онд Есүит нийгэмлэгийн удирдлагуудын зүгээс Берголиогийн үзэл бодол, шашин судлалын арга барил нь тэдэнтэй зөрчилдөж байна гэж үзэж, түүнийг Есүит нийгэмлэгийн байранд амьдрахыг нь хоригложээ. Үүнээс хойш Ромын Папын сэнтийд залрах хүртлээ тэр нийгэмлэгээсээ хол хөндий байдалд амьдрах болсон байна.
БАРИМТ 24
Түүний хамгийн сүүлд айлчилсан улс нь Монгол юм. Үүнээс өмнө Бразил, Израиль, Иордани, Өмнөд Солонгос, Албани, Франц, Турк, Шри-Ланк, Филиппин, Босни-Герцеговин, Эквадор, Боливи, Парагвай, Куба, АНУ, Төв Африк, Кени, Уганда, Куба, Мексик, Лесбос арал, Грек, Армени, Польш, Гүрж, Азербайжан, Швец, Египет, Португал, Фатима, Колумби, Мьянмар, Бангладеш, Чили, Перу, Швейцар, Ирланд, Литви, Латви, Эстон, Панам, Арабын Нэгдсэн Эмират, Марокко, Болгар, Умард Македони, Румын, Мозамбик, Мадагаскар, Маврик, Таиланд, Япон, Ирак, Унгар, Словак, БНКипр улс, БНКазахстан улс зэрэг дэлхийн 50 гаруй улсад айлчилжээ.
