Сүүлийн үед УИХ, Засгийн газрын гишүүдийн “давхар дээл”-ний асуудал парламент дахь хамгийн халуун сэдэв болоод байгаа. Ерөнхийлөгч Ц.Элбэгдорж бүрэн эрхийнхээ хүрээнд Засгийн газрын гишүүн, УИХ-ын гишүүний албыг давхар хашихгүй байх хуулийн төслийг санаачилсан. Гэхдээ үүнийг намын бүлгүүд дэмжээгүй байгаа. Тэгвэл Засгийн газрын тэргүүн Н.Алтанхуяг энэ талаар байр, сууриа илэрхийллээ.
Тэрбээр “Давхар дээл өмсөөд халууцахгүй. Дан дээл өмсөөд жиндэхгүй. Би үнэндээ прагматик хүн. Өнөөдөр хүмүүст бензин шатахуун, талх тариа, бүтээн байгуулалтын асуудал л чухал байгаа болохоос биш тэр давхар байна уу, дан байна уу ард иргэдийн амьжиргаанд ерөөсөө нөлөөлөх юм биш шүү дээ” гэв. Үүнээс үзвэл тэрбээр Ерөнхийлөгчийн санаачилсан уг хуулийн төслийг огт дэмжихгүй байгаа аж. Тэгээд ч танхимынх нь эрх ашигтай зөрчилдөх учраас тэрбээр ингэж хэлэх нь аргагүй болов уу.
Т.Энхэлээ
Сэтгэгдэл (8)