МХБХ-ны 2020-2028 оны “Урт хугацааны стратеги хөтөлбөр”-ийн хүрээний 1-р зорилтот тусгагдсан “Мэргэжлийн хөлбөмбөг”, 3-р зорилтод тусгагдсан “Мэргэжлийн болон мэргэшсэн боловсон хүчин” бэлтгэх зорилготойгоор Унгарын Элчин сайдын яамтай МХБХ-ны Ерөнхий нарийн бичгийн дарга Д.Тэрбаатар, Техникийн захирал Б.Буман-Учрал нар уулзалт хийлээ.
Энэхүү уулзалтын гол зорилго нь 2015 оноос хойш хэрэгжиж байгаа “Пушкаш” академитай хамтын ажиллагаагаа өргөжүүлэх явдал юм. Жилд солилцдог тамирчин тоог нэмэгдүүлэх, охидын тамирчин солилцоог оруулах, дасгалжуулагч солилцоог эхлүүлэх, “Пушкаш” академийн салбарыг Монгол улсад байгуулах, мөн тамирчдын ур чадварыг нэмэгдүүлэх үүднээс teqball-ийн спортыг Монгол улсад хөгжүүлэх асуудлуудыг ярилцлаа.
Хоёр тал хамтын ажиллагаа амжилттай явагдаж байгаад сэтгэл өндөр байгаагаа илэрхийлсэн бөгөөд Унгарын Элчин Сайдын Яам МХБХ-ноос тавьсан саналуудыг судлан үзэж, хамтын ажиллагаагаа өргөжүүлэх боломжтой байгаагаа илэрхийллээ.
Дашрамд дурдахад энэ жилийн “Пушкаш” академийн сонгон шалгаруулалтад Дэрэн клуб болон Дорнод Аймгийн Хөлбөмбөгийн Холбооны тамирчид сонгогдоод байгаа билээ.
