“Токио-2020” зуны олимпын наадмын дараа Олон улсын жүдо бөхийн холбооноос бөхчүүдийн шинэ чансааг гаргалаа. Энэхүү чансааны эхний таван байрт Монголын гурван тамирчин оров. Эрэгтэйчүүдийн 73 кг-ын жинд олимпын хүрэл медальт Ц.Цогтбаатар хоёрдугаар байрт орсон бол эмэгтэйчүүдийн 48 кг-ын жинд М.Уранцэцэг хоёрдугаар байрт бичигдлээ. Тэд олимпын өмнөх их дуулга тэмцээнүүдэд амжилт үзүүлсэн нь чансаа ахих шалтгаан болжээ. Харин эрэгтэйчүүдийн 81 кг-ын жинд олимпын мөнгөн медальт, Монголын тамирчин Саейд Моллай, 66 кг-ын жинд олимпын шагналт байрын тамирчин Ё.Басхүү нар тавдугаар байрт жагслаа.