"ҮНДЭСНИЙ БӨХ-ҮНЭТ ӨВ" хүчит бөхийн барилдаан Хүйн долоо худагт болж байна. Энэ барилдааны дөрвийн даваа эхлэхэд улсын цолтой таван бөх өвдөг шороодов. Улсын аварга С.Мөнхбат аймгийн заан Э.Мөнхжаргалд, гарьд Ө.Бат-Орших аймгийн заан Э.Энх-Амгаланд, харцага Ө.Даваабаатар аймгийн арслан Б.Хадбаатарт, харцага О.Хангай аймгийн арслан Т.Довчинсэмбээд унав. Тэр тусмаа улсын өсөх идэр начин Э.Энхбатын дүү Э.Энх-Амгалан бэлтгэл сургуулилт сайн гэгдэж байсан гарьд Ө.Бат-Оршихыг давсан нь дуулиан болов.