“Үндэсний бөх-Үнэт өв” үндэсний бөхийн барилдаан Хүйн долоо худагт болж байна. Барилдаанд 512 бөх бүртгүүлэхэд аймгийн начнаас доош цолтон барилдаагүй юм. Нэгийн даваанд дэлхийн цуут бөх, олимпын наадмын хүрэл медальт, ДАШТ-ий алт, хүрэл медальт, Азийн хошой аварга, Хөдөлмөрийн баатар, гавьяат тамирчин Хашбаатарын Цагаанбаатар аймгийн заан Б.Батгэрэлээр нэг давлаа. Тэрбээр 2007 онд Дорноговь аймгийн баяр наадамд арслан цол хүртсэн билээ.