Дэлхийн шатрын олимпиад энэ сарын 20-ноос ирэх сарын 15-нд онлайнаар зохион байгуулагдана. Тус олимпиадад 155 орны баг тамирчид таван хэсэгт өрсөлдөх юм. Манай улсаас эрэгтэйчүүдийн ангилалд гавьяат тамирчин Ц.Батчулуун, их мастер У.Насанжаргал нар тоглох бол эмэгтэйчүүдэд их мастер, гавьяат тамирчин Б.Мөнгөнтуул, Б.Баярмаа нар өрсөлдөнө. Монголын баг 2018 оны Ази тивийн аварга шалгаруулах тэмцээнд эхний тавд орсон амжилтаараа энэ удаагийн олимпиадад оролцох болсон. Тэмцээнд оролцох Монголын шигшээ багийн дөрвөн тамирчин бэлтгэл сургуулилтаа хангаж байна.