МХБХ-ны техникийн хэлтсээс Грассрүүтс сургагч багшийн сургалтыг энэ сарын 10-13-нд зохион байгуулав. Сургалтад 12 дасгалжуулагч оролцсон бөгөөд энэхүү сургалтын оролцогчид дараагийн грассрүүтс багш дасгалжуулагчийн сургалтыг хөтлөн явуулах боломжтой юм. Уг сургалтыг нээж МХБХ-ны ЕНБД Д.Тэрбаатар 8 жилийн урт хугацааны стратегийн хүрээнд энэхүү сургалтын зохион байгуулж байгаа тухай танилцууллаа. Тус сургалтын сургагч багшаар Э.Ганзориг болон П.Алтантулга нар байсан юм. Ирэх долоо хоног буюу энэ сарын 18-20-ны өдрүүдэд Төв аймагт зохион байгуулагдах гишүүн холбоодын грассрүүтс мэргэжилтнийг бэлтгэх сургалтад 21 аймгаас суралцагчид оролцохоор бүртгүүлээд байна.
