“Токио-2020” зуны олимпийн наадамд оролцогч тамирчин, дасгалжуулагч нар биеийнхээ аль нэг хэсгийг утга агуулгатайгаар будаж гоёх нь түгээмэл. Тэгвэл өнөө орой хөшгөө нээх олимпийн нээлтийн ёслол болохтой холбогдуулан Монголын буудлага спортын багийн дасгалжуулагч, гавьяат дасгалжуулагч Л.Ундралбат тэргүүн хэсгээ олимпийн таван цагариг болон монгол төрийн соёмбыг алтан медаль авахыг бэлгэшээн шар өнгөөр буджээ.