Гэмт хэрэгтэй тэмцэх, урьдчилан сэргийлэх, нийтийн хэв журам хамгаалах, олон нийтийн аюулгүй байдлыг хангах ажилд идэвх зүтгэл гарган ажилласан алба хаагчид Цагдаагийн ерөнхий газрын даргын тушаалаар хугацааны цол шагналаа.

"Цагдаагийн хошууч" цолоор тус газрын Урьдчилан сэргийлэх хэлтсийн ахлах мэргэжилтэн, цагдаагийн ахмад А.Энхтуул, Хүүхдийг гэмт хэргээс урьдчилан сэргийлэх хэлтсийн ахлах мэргэжилтэн, цагдаагийн ахмад Б.Мөнхтөр, Б.Мөнхжаргал, Хүнд гэмт хэрэгтэй тэмцэх хэлтсийн ахлах мөрдөгч, цагдаагийн ахмад Э.Санчир, Хүний нөөц, сургалтын хэлтсийн ахлах мэргэжилтэн, цагдаагийн ахмад Н.Мандуул, Шуурхай удирдлагын хэлтсийн жижүүрийн ахлах офицер, цагдаагийн ахмад Б.Ганцолмон нар, "Цагдаагийн ахлах дэслэгч" цолоор Эрүүлжүүлэх, саатуулах төвийн эрүүлжүүлэх, саатуулах байрны эмч, цагдаагийн дэслэгч Б.Даваажаргалыг шагналаа.