Замын цагдаагийн газрын ойролцоох гүүрэн гарц барих төслийн ажил үргэлжлүүлэн хийгдэхтай холбогдуулан Олимпийн гудамж, Юнескогийн гудамжны уулзвараас Нарны зам хүртэлх түр замын тээврийн хэрэгслийн хөдөлгөөнийг энэ сарын 24-ний өдөр буюу ням гарагаас эхлэн хаахаар болжээ.  

Өөрөөр хэлбэл, Үндэсний соёл амралтын хүрээлэнгийн зүүн зам /Олимпийн гудамж/-ыг хааж байгаа тул жолооч та Нарны замаас Олимпийн гудамж, Олимпийн гудамжнаас Нарны зам руу эргэх боломжгүй болох юм.