Нийслэлийн Газрын албанаас Сүхбаатар дүүрэгт 4 цэцэрлэг, 1 сургууль, цэцэрлэгийн цогцолбор баригдах байршилд газар чөлөөлөлтийн ажлыг хийсэн байна.

Эдгээр сургууль, цэцэрлэгийн газрын нөлөөлөлд нийт 27 нэгж талбарын 24685 м2 буюу 2.4 га газарт чөлөөлөлтийг хийж байгаа бөгөөд явц 92 хувьтай байна.

Шинээр сургууль, цэцэрлэг барих ажилд идэвх санаачлагатай оролцож, олон нийтийн эрх ашгийн төлөө газраа чөлөөлсөн дээрх 27 иргэн, аж ахуйн нэгж байгууллагадаа  нийслэлийн иргэдийн өмнөөс талархал илэрхийлье.

Тухайлбал, СБД-ийн 11 хороо, Хангай хотхоны хойд талд Бага сургууль, цэцэрлэгийн цогцолбор барих газар,

СБД-ийн 12 дугаар хороо, Хангайн 17,18 дугаар гудамжинд цэцэрлэг барих газар,

СБД-ийн 15 дугаар хороо, Дамбадаржаагийн 10, 11 дүгээр гудамжинд 280 хүүхэд хүлээн авах хүчин чадалтай цэцэрлэгийн газар,

СБД-ийн 18 хороо, Бэлхийн 54 дүгээр гудамжинд 280 ортой цэцэрлэг барих газар

СБД-ийн 19 дүгээр хороо, Шарга морьтод 280 хүүдийн ортой цэцэрлэг барих газар

СБД-ийн 18 дугаар хороо, Бэлхийн эцэст 320 хүүхдийн сургуулийн өргөтгөл барих газрыг тус тус чөлөөлөх ажлыг хийж байна.

Тус сургууль, цэцэрлэгийн барилгын ажил он дамжин хийгдэж ирэх жил ашиглалтад орохоор төлөвлөгдсөн бөгөөд газар чөлөөлөлтийг энэ жил хийж дуусгах юм.

Нийслэлийн газрын алба