Баярын үеэр иргэдийн хөдөө зугаалгаар явах нь ихэсдэг.  Хэрвээ та ой модтой газраар олон хоногоор явахаар төлөвлөсөн бол зэрлэг амьтдын вирусээс хамгаалсан вакциныг заавал хийлгээрэй. Учир нь мод ихтэй газраар галзуу чоно ихсэх магадлалтай байгаа талаар Эрүүл мэндийн яамны Хэлтсийн дарга Д.Нарангэрэл анхааруулж байна.

Түүнчлэн баяр наадмын өдрүүдэд осол гэмтлээс урьдчилан сэргийлэхийн тулд,

- Суудлын бүсээ байнга зүүж,

-Бага насны хүүхдэдээ таарсан суудлын бүсийг зүүлгэж хэвших,

-Замын хөдөлгөөнд бусадтай уралдахгүй байх,

-Заагдсан хэмжээнээс олон хүн авч явахгүй байх,

-Машин технийкийн бүрэн бүтэн эсэхийг шалгах,

-Хоол хүнсээ баталгаат газраас худалдан авах,

-Хуушуур, боодог идсэний дараа айраг болон хийжүүлсэн ундаа уухгүй байх,

-Бэлэн хоол, салат зуушийг удаан хадгалахгүй байх,

-Согтууруулах ундаа хэрэглэсэн үедээ гол устай газраас зайлсхийх,

-Дуу цахилгааны үеэр гар утас болон бусад цахилгаан эд материал зэрэгтэй харьцахгүй байх зэрэг зөвлөмжүүдийг  анхаарч, иргэн та өөрийн аюулгүй байдалдаа анхаараарай

Б.Цэрэнлхам