Тайванийн нийслэл Тайпэй хотноо Хятадтай худалдааны гэрээ байгуулахыг эсэргүүцсэн 100 гаруй мянган хүн наранцэцэг барин тэмцэж байна. Жагсагчид тэмцэл хөдөлгөөний гол бэлгэ тэмдгээр наранцэцэгийг сонгожээ. Оюутнууд Тайванийн төрийн ордны барилгыг 14 хоног эзэлсэний дараа гудамжны жагсаалын хэлбэрт шилжжээ. Тайваньчууд 60 жилийн өмнө Хятадаас салан тусгаарласан. Гэвч Хятадын удирдагчид Тайванийг өөрсдийн газар нутгийн бүрэлдэхүүн хэсэг төдийгүй засаг захиргааных нь нэг хэсэг гэж үздэг. Тайванийн ерөнхийлөгч Ма Ин-цзю хоёр орны харилцааг сайжруулж, худалдааны гэрээ байгуулахыг дэмжиж байгаа ч жагсагчид Засгийн газрын үйл ажиллагаанд Хятадын нөлөө асар их болно хэмээн шүүмжилжээ.