Өнгөрсөн сард “Ашигт малтмалын тухай хууль”-д нэмэлт өөрчлөлт оруулснаар аж ахуй нэгжүүд Төв банкинд алтаа тушаасан нөхцөлд өсөн нэмэгдэх татварыг 2,5 хувиар тооцохоор хуульчлагдаад байгаа.  Тэгвэл ийнхүү хөнгөлөлт үзүүлдэг болсноор өмнө нь алтаа Монголд худалдаггүй байсан “Бороо гоулд” компани эхний 100 кг алтыг энэ долоо хоногт худалдахаар болсон байна.

Энэ хууль гарахаас өмнө манай улсад алтанд ногдуулдаг рояльтийн татвар 10 хувь байсан бөгөөд ийнхүү татвар өндөр байсан нь алтыг хууль бусаар хил давуулж зарах гол нөхцлийг бүрдүүлж байв.