Нийслэлийн Тээврийн газраас өгсөн мэдээллээр цагаан сарын баярын өдрүүдэд нийтийн тээвэр өглөөний 08.00 цагаас орой 22.30 цагийн хооронд ажиллана. Ингэхдээ үндсэн 67 чиглэлд 582, хот орчмын 13 чиглэлд 57, нийт 639 их багтаамжийн автобус, троллейбус, туслах 25 чиглэлд 188 бага багтаамжийн микроавтобус иргэдэд үйлчилэх аж.
Түүнчлэн энэ сарын 31-нээс 2-р сарын 04-нийг дуустал хотын захын гэр хорооллын Толгойт, Шархад, Хужирбулан, 7 буудал, Чингэлтэй, Дамбадаржаа, Хайлааст, Дэнжийн 1000, Дарь эх, Ганц худаг, Баруунтуруун болон 3,4 хороолол гэсэн чиглэлүүдэд бага багтаамжийн 30 микроавтобусаар захиалгат үйлчилгээг зохион байгуулахаар болжээ. Харин сар шинийн өдрүүдээр нийслэлд такси үйлчилгээнд 17 аж ахуйн нэгжийн 713 такси ажиллаж, дуудлагаар үйлчилэх юм байна.
