Шинээр баригдаж байгаа төдийгүй ашиглалтанд ороод удаагүй байгаа орон сууцнуудын метр квадрат зөрж байгаатай холбоотой гомдол саналууд хүрээгээ тэлж байгаа.

ШӨХТГ-т  гомдол гаргах иргэдийн тоо улам өссөөр байгаа юм. Учир нь иргэд барилгын компаниудад дор хаяж 2-20 метр квадратаар “молигодуулж” байсан гэдгийг ШӨХТГ-аас тогтоогоод байна. Тэгвэл өнөөдөр О.Магнай дарга барилгын компаниудын захирлуудтай уулзсан байна. О.Магнайгийн хэлж буйгаар иргэдэд 1.5 тэрбум төгрөгийн хохирол учирсан аж. Мөн шинээр баригдаж байгаа барилгаас зөрчил ихээр гаргаж байна. Одоогоор иргэдийг хохироосон мөнгөө өгөхгүй компаниуд ч олон байгааг тэрбээр онцоллоо.

Түүнчлэн, "Тайгам Алтай" ХХК-ийн зүгээс Стандартчлал хэмжил зүйн газрыг хариуцагчаар татаад Нийслэлийн захиргааны шүүхэд гомдол гаргажээ. Учир нь тэд Стандарчлал хэмжилзүйн газрыг стандартчлал тохирлын хуулиа зөрчсөн гэж үзэж байгаа аж. Харин ШӨХТГ-ын зүгээс шүүхээр хэргээ шийдвэрлүүлж байгаа компаниудын барилгын зөвшөөрлийг түр түдгэлзүүлэхээр БХБЯ-нд хандахаар болсоноо мэдэгдлээ.