Барилгын хөгжлийн төвөөс цахим картаар үйлчилдэг усны цэгийн төхөөрөмжийг танилцуулсан байна. Энэ нь гэр хорооллын иргэд ус авахын тулд дараалал үүсгэн зогсох шаардлагагүй картаа уншуулаад л усаа авдаг болно гэсэн үг.

Үүнээс гадна энэхүү карт унших төхөөрөмжийг ашиглалтад оруулснаар ус түгээлтийн орлого нэмэгдэх бөгөөд зарлага дөрөв дахин буурах урьдчилсан судалгааг гаргажээ.

Төхөөрөмжийн хувьд одоогоор хэд, хэдэн хувилбар бий бөгөөд эдгээр нь доргилтод тэсвэртэй, Монгол орны эрс тэс уур амсьгалд тохиромжтой байх аж. Түүнчлэн усны төлбөр төлөлтийн шийдлийг янз бүрээр ярилцаж байгаа гэнэ.