Сэтгүүлч Н.Өнөрцэцэгт холбогдох шүүх хурал өнөөдөр 09.00 цагаас хоёр дахь өдрөө Сүхбаатар дүүргийн эрүүгийн хэргийн анхан шатны шүүхэд үргэлжилнэ. Н.Өнөрцэцэг шүүх хуралд өмгөөлөгчгүй оролцож байна.

Тодруулбал, гурван өмгөөлөгчөөс хоёр нь тодорхой шалтгааны улмаас шүүх хуралд ирээгүй. Харин өмгөөлөгч О.Батсүхийг шүүх хуралд оролцуулаагүй.

Сэтгүүлч Н.Өнөрцэцэг “Сэтгүүлч гэдэг мэргэжил хуулийн хүрээнд ямар ч хамгаалалт алга. Миний хувьд олон нийтийн төлөө шударга ёсыг нэхэж сурвалжилга хийж явсан” гэж байв.