Онцгой байдлын ерөнхий газраас энэ долоо хоногт нийт нутгаар цас, бороо, салхи шуургатай хүйтэн байхыг анхааруулж байна. Тодруулбал, маргааш баруун аймгуудын нутгийн хойд, төвийн аймгуудын нутгийн хойд болон зүүн, зүүн аймгуудын нутгийн баруун хэсгээр бороо, нойтон цас орно. Харин өнөөдөр говь, тал, хээрийн нутгаар салхитай байх төлөвтэй байна.
- Дөрөвдүгээр сарын 24-нд баруун аймгуудын нутгийн хойд хэсэг, төвийн аймгуудын ихэнх нутгаар,
- Дөрөвдүгээр сарын 25-нд төвийн аймгуудын ихэнх нутаг, зүүн аймгуудын нутгийн хойд хэсгээр,
- Дөрөвдүгээр сарын 26-нд баруун болон төвийн аймгуудын нутгийн зарим газраар энэ байдал үргэлжилнэ.
Салхины хувьд дөрөвдүгээр сарын 23-нд баруун аймгуудын нутгаар, дөрөвдүгээр сарын 24-нд ихэнх нутгаар, дөрөвдүгээр сарын 25-нд говь, талын нутгаар, дөрөвдүгээр сарын 26-нд нутгийн өмнөд хэсгээр секундэд түр зуур 16-18 метр, зарим үед секундэд 24 метр хүрч ширүүсэж, шороон шуурга шуурна.
