Сэлэнгэ аймгийн Баянгол суманд цас орж, авто замын зорчих хэсэгт халтиргаа гулгаа үүссэнтэй холбогдуулан тус цагдаагийн газрын алба хаагчид тээврийн хэрэгслийн ашиглалтын журмын эсрэг гэмт хэрэг, зөрчил, болзошгүй эрсдэлээс урьдчилан сэргийлэх зорилгоор цагийн менежментийн дагуу хяналт шалгалтыг зохион байгуулан ажиллаж байна.

Иймд иргэд, жолооч, зорчигч та бүхэн орон нутгийн замд хөдөлгөөнд оролцохдоо:

-Тээврийн хэрэгслийн бүрэн бүтэн байдлыг хангах, шатах тослох материалын нөөцийг хангалттай авах

-Зуны хээ буюу хээ муутай дугуйтай хөдөлгөөнд оролцохгүй байх

-Замын нөхцөлд үзэгдэх орчинг зөв тооцоолж, зам, орчны нөхцөлд тохирох хурдыг сонгох, тээврийн хэрэгсэл хоорондын зайг барих

-Иргэд, зорчигчид хувийн бэлтгэлээ сайтар хангаж дулаан хувцаслаж замд гарах

-Жолооч, зорчигч нар хамгаалах бүсийг тогтмол хэрэглэж, бага насны хүүхдийг хамгаалах бүс, хамгаалалтын суудал хэрэглэн тээвэрлэх

-Иргэд, малчид та бүхэн салхи шуурганд төөрөх, малтайгаа уруудах эрсдэлээс урьдчилан сэргийлж малаа ойрын бэлчээрт хариулах, хөгжлийн бэрхшээлтэй, өндөр настан, бага насны хүүхдийг хараа, хяналтгүй орхихгүй байхыг Цагдаагийн байгууллагаас анхааруулж байна.