Хөгжлийн Банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явц, байдлыг шалгах гурав дахь удаагийн нотлох баримтыг шинжлэн судлах сонсгол үргэлжилж байна.
Өнөөдөр 59 хүн гэрчээр дуудагдсан бөгөөд эхний хэлэлцэх асуудал нь Хүнсний улаан буудайн нөөц бүрдүүлэх төсөл аж.
Гурав дахь удаагийн нээлттэй сонсголоор тус банкны эх үүсвэрээс арилжааны банкаар дамжуулан олгосон төсөл, хөтөлбөрийн зээлийн ашиглалт, зарцуулалт, үр дүнгийн талаар хэлэлцэх юм. Сонсгол үндсэн хоёр асуудлын хүрээнд болж буй.
- Арилжааны банкаар дамжуулан олгосон Хөгжлийн Банкны эх үүсвэртэй 1.6 их наяд төгрөгийн 2,542 зээлдэгчтэй холбоотой асуудлыг хэлэлцэнэ.
- 2011-2020 он хүртэлх хугацаанд арилжааны банканд Хөгжлийн Банкны эх үүсвэрээс байршуулсан 3,280 ширхэг мөнгөн хадгаламжийн хэлцэлд дүн шинжилгээ хийсэн талаар хэлэлцэх билээ.
