Хөгжлийн банктай холбоотой Нотлох баримтыг шинжлэн судлах хоёр дахь шатны сонсгол үргэлжилж байна. 

Өнөөдрийн сонсголоор Сайншанд Аж үйлдвэрийн цогцолбор ТӨХХК, Зам, тээвэр хөгжлийн яам – “Шинэ төмөр зам” төсөл байгууллагуудтай холбоотой зээлийн асуудлуудыг нотлох баримтын хүрээнд шинжлэн судална. Нийт 39 гэрчийг гэрчээр дууджээ. 

Энэ үеэр УИХ-ын гишүүн Б.Энхбаяр гэрч Ерөнхийлөгч асан Х.Баттулгаас асуулт асууж, хариулт авлаа.

Б.Энхбаяр: Гол дурдагдаад байгаа нь тендерийн зориулалтыг өөрчлөөд зарцуулалт үр дүнгүй болсон гэдэг асуудал яригдаж байгаа юм. Г.Түвшинжаргал гэдэг хүн таны зөвлөхөөр ажиллаж байсан уу? 

Х.Баттулга: Г.Түвшинжаргал намайг Зам тээвэр, барилга хот байгуулалтын сайдаар ажиллаж байхад мэргэжилтнээр ажиллаж байсан. Хөдөө ах ахуйн яам руу явахад хамт ажиллаж байсан хэдэн хүн явсан. Г.Түвшинжаргал бол тэдний л нэг.  Энэхүү шинжээчийн дүгнэлт дээр ТЭЗҮ-д нийгмийн гэдэг үг орчихсон нь өөрчлөгдсөн байна гээд байгаа юм уу. Б.Энхбаяр аа, юу гэсэн үг юм бэ. 

Б.Энхбаяр: Гурав дахь тендер шалгаруулалтад тэнцсэн компани санхүүжилтийнхаа ердөө 28 хувийгсудалгаа хийхэд ашигласан. Үлдсэнийг нь зориулалтын бус ашигласан гэх дүгнэлт гарчихаад байгаа юм. 

Х.Баттулга: Ажлын тайланд байгаа байлгүй дээ. Ажлын тайлан байхгүйгээр цааш явахгүй. 2015-2017 он хүртэл энэ асуудлын бүгдийг нь шалгачихсан шүү дээ. Би сайн мэдэхгүй байна. Гэхдээ бүгдийг нь хорьж байгаад шалгачихсан. Тайлан нь 92 хувьтай гээд гарсан байна" гэв. 

Д.Батчулуун