Латви улсын Рига хотод өнгөрсөн сарын 27-ноос энэ сарын 8-нд болсон өндөр зэрэглэлийн шатарчдын оролцдог “Grand Swiss FIDE-Chess.com” шатрын олон улсын тэмцээнд гавьяат тамирчин, их мастер Б.Мөнгөнтуул эх орноо төлөөлөн өрсөлдөв. Тэрбээр нийт 11 өрөг тоглоход 6.5 оноогоор 13 дугаар байрт орсон байна. Ингэснээр олон улсын чансаагаа 10.4 оноогоор нэмлээ. Энэ тэмцээний эмэгтэйчүүдийн ангилалд Б.Мөнгөнтуултай шилдэг 49 шатарчин өрсөлдсөн байна.