Монгол бөхийн өргөөнд цол, чимэг олгох Бүх цэргийн наадам энэ сарын 13-нд болно. Өнөө жил хүчний спорт хорооны харьяалалгүй болон гурван сараас дээш нийгмийн даатгал төлөөгүй бөхчүүдийг оруулахгүй гэнэ. Харин энэхүү барилдаан нийт 30 удаа болсон бөгөөд дархан аварга цолтой нэг, улсын аварга хоёр, гарьд хоёр, заан нэг, харцага гурав, начин цолтой 13 бөх төрөн гарсан юм. Анхны барилдаан 1992 онд болоход улсын начин С.Дэлгэрбат цэргийн заан цолтойдоо түрүүлж байв. Хамгийн олон түрүүлсэн бөх нь дархан аваргаа Г.Өсөхбаяр, харцага А.Бямбажав, начин Д.Цогзолдорж нар тус бүр хоёр түрүүлсэн байна. 

Б.Жаргал