Манай урд хөршийн нийслэл Бээжин хотод өвлийн олимпын наадам хөшгөө нээхэд 100 хоног үлдлээ. Зохион байгуулагчдын зүгээс олимпын нээлт болохоос 100 хоногийн өмнө “Бээжин-2022” өвлийн олимпын медалийг нийтэд танилцууллаа. Энэхүү наадамд спортын 15 төрөлд таван тивийн шилдгүүд чуулах юм. Хятадууд өвлийн олимпын наадмаа 3.9 тэрбум ам.доллараар зохион байгуулахаар төлөвлөжээ. Энэ нь цар тахлын байдалтай уялдан өсөх ч магадлалтай. Тэгвэл Монгол Улсын шигшээ багаас өвлийн паралимпын наадамд нэг тамирчинаа илгээх нь тодорхой болсон бөгөөд Б.Ганболд цанын төрөлд өрсөлдөх билээ.      

Б.Жаргал